रोहित शर्माने विक्रम मोडल्यावर शाहिद आफ्रिदीची प्रतिक्रिया (Photo Credit - X)
“विक्रम मोडण्यासाठीच बनवले जातात”
रोहित शर्माने सर्वाधिक षटकार मारण्याचा विक्रम मोडल्याबद्दल शाहिद आफ्रिदीला आनंद झाला. तो म्हणाला की विक्रम मोडण्यासाठीच बनवले जातात. आपल्या आवडत्या खेळाडूने हा विक्रम गाठला, याचा त्याला जास्त आनंद आहे, असे तो म्हणाला.
“मला आनंद आहे की माझा विक्रम मी ज्या खेळाडूचे कौतुक करतो त्याने मोडला आहे. विक्रम मोडण्यासाठीच बनवले जातात आणि आता तो आणखी चांगला झाला आहे. १८ वर्षांपासून टिकणारा सर्वात जलद शतकाचा माझा विक्रमही मोडला गेला आहे. एक खेळाडू विक्रम करतो, तर दुसरा तो मोडतो; हेच क्रिकेट आहे.”
Former Pakistan all-rounder Shahid Afridi reacts to Hitman breaking his record for the most ODI sixes — and he speaks highly about Rohit’s classy batting! 🔥🇮🇳#RohitSharma #ODIs #India #Sportskeeda pic.twitter.com/OYtT2ZrRMB — Sportskeeda (@Sportskeeda) December 10, 2025
IPL आठवणींतून रोहितचे कौतुक
शाहिद आफ्रिदीने रोहित शर्माचे त्यांच्या आयपीएलच्या दिवसांची आठवण करून देत त्यांचे कौतुक केले. इंडियन प्रीमियर लीगच्या पहिल्या हंगामात हे दोन्ही खेळाडू डेक्कन चार्जर्सकडून एकत्र खेळले होते. त्या दिवसांची आठवण करून देत पाकिस्तानचा माजी कर्णधार म्हणाला,
“२००८ च्या आयपीएलमध्ये मी डेक्कन चार्जर्समध्ये रोहित शर्मासोबत ड्रेसिंग रूम शेअर केला होता. तेव्हा मला माहित होते की हा मुलगा एक दिवस भारताकडून खेळेल. त्याने स्वतःला एक उत्तम फलंदाज म्हणून सिद्ध केले आहे.”
रोहित आणि विराटने २०२७ च्या विश्वचषकात खेळायला हवे
२०२७ च्या विश्वचषकात रोहित शर्मा आणि विराट कोहलीच्या सहभागाबद्दल प्रश्न उपस्थित केले जात होते. तथापि, दोघांनीही ऑस्ट्रेलिया आणि दक्षिण आफ्रिकेविरुद्ध उत्कृष्ट कामगिरी केली, ज्यामुळे त्यांच्यात अजूनही क्रिकेट शिल्लक आहे हे सिद्ध झाले. शाहिद आफ्रिदीने २०२७ च्या विश्वचषकात रोहित आणि विराटच्या सहभागाचे समर्थन केले आहे. तो म्हणाला,
“विराट आणि रोहित हे भारतीय क्रिकेट संघाचा कणा आहेत. ते ज्या पद्धतीने फलंदाजी करत आहेत, त्यावरून हे दोघेही २०२७ च्या विश्वचषकात खेळू शकतात हे आत्मविश्वासाने म्हणता येईल.”
.png "Videos"){kind=small}
