स्मृती मानधनाने पुनरागमन करून रचला इतिहास! हा टप्पा गाठणारी ठरली ती पहिली भारतीय महिला क्रिकेटपटू

मानधना २३ नोव्हेंबर रोजी संगीतकार पलाश मुच्छल यांच्याशी लग्न करणार होती, परंतु लग्न रद्द झाले. त्यानंतर, भारतीय खेळाडूने पहिल्यांदाच मैदानावर पाऊल ठेवले आणि इतिहास रचला.

भारत आणि श्रीलंका यांच्यामध्ये पाच सामन्यांच्या टी20 मालिकेला सुरुवात झाली आहे. या मालिकेचा पहिला सामना काल पार पडला. या सामन्यामध्ये भारताच्या संघाने श्रीलंकेला पराभूत करुन मालिकेमध्ये आघाडी घेतली आहे. विश्वचषक जिंकल्यानंतर भारताच्या संघाने पहिला सामना काल खेळला. वैयक्तिक आयुष्यातील कठीण काळाचा सामना केल्यानंतर मैदानावर परतलेली भारतीय महिला क्रिकेट संघाची सलामीवीर स्मृती मानधना हिने रविवारी तिच्या पुनरागमनाच्या बाबतीत एक मोठा टप्पा गाठला. 

मानधना २३ नोव्हेंबर रोजी संगीतकार पलाश मुच्छल यांच्याशी लग्न करणार होती, परंतु लग्न रद्द झाले. त्यानंतर, भारतीय खेळाडूने पहिल्यांदाच मैदानावर पाऊल ठेवले आणि इतिहास रचला. विशाखापट्टणम येथे श्रीलंकेविरुद्ध खेळल्या गेलेल्या पहिल्या टी-२० सामन्यात तिने हे केले, ज्यामध्ये भारताने विजय मिळवला. या सामन्यात मानधनाने मोठी खेळी केली नाही, पण तरीही तिने एका खास यादीत आपले स्थान मिळवले. ती या यादीतील फक्त दुसरी फलंदाज आहे. मानधनाने श्रीलंकेविरुद्ध २५ चेंडूंचा सामना केला आणि तेवढ्याच धावा केल्या.

IND U19 vs PAK U19 : विकट गेल्यानंतर पाकिस्तानी गोलंदाजाने वैभवला डिवचलं! भारतीय खेळाडूने दाखवली जागा, Video Viral

डावखुऱ्या फलंदाजाने तिच्या डावात चार चौकार मारले. या खेळीदरम्यान, मंधानाने टी-२० आंतरराष्ट्रीय सामन्यांमध्ये एक मोठा टप्पा गाठला. तिने ४,००० टी-२० आंतरराष्ट्रीय धावांचा टप्पा ओलांडला. हा टप्पा गाठणारी ती फक्त दुसरी महिला क्रिकेटपटू आहे. तिच्या आधी न्यूझीलंडच्या सुझी बेट्सने हा विक्रम केला होता. याचा अर्थ इतक्या धावा करणारी ती पहिली भारतीय महिला क्रिकेटपटू आहे. तिच्या आधी कोणत्याही भारतीय महिला फलंदाजाने टी-२० आंतरराष्ट्रीय सामन्यांमध्ये ४,००० धावांचा टप्पा गाठला नव्हता. मंधानाच्या आता १५४ सामन्यांमध्ये ४,००७ धावा आहेत. या फॉरमॅटमध्ये तिने एकूण एक शतक आणि ३१ अर्धशतके झळकावली आहेत.

See more

🚨 HISTORY BY SMRITI MANDHANA 🚨 – Smriti becomes the first Asian batter to complete 4000 runs in Women’s T20I history. 🫡🇮🇳 pic.twitter.com/ngOanh5S2P — Johns. (@CricCrazyJohns) December 21, 2025

भारताला विजय मिळाला

सामन्याबद्दल बोलायचे झाले तर टीम इंडियाने विजय मिळवला. त्यांना जिंकण्यासाठी १२२ धावांची आवश्यकता होती, जी त्यांनी १४.४ षटकांत दोन गडी गमावून पूर्ण केली. भारताकडून जेमिमा रॉड्रिग्जने शानदार अर्धशतक झळकावले. मानधनाच्या बाद झाल्यानंतर तिने संघाची धुरा सांभाळली आणि विजयासह पुनरागमन केले. यासह, भारताने पाच सामन्यांच्या टी-२० मालिकेत १-० अशी आघाडी घेतली आहे. तिने ४४ चेंडूंचा सामना केला आणि १० चौकारांच्या मदतीने ६९ धावा केल्या.