सुनील गावस्कर यांनी ‘गरजू’ विनोद कांबळीसाठी केली मोठी मदत जाहीर, दरमहा देणार इतके पैसे

बऱ्याच काळापासून आरोग्याच्या समस्यांमुळे त्रस्त असलेले माजी भारतीय क्रिकेटपटू विनोद कांबळी यांना या कठीण काळात महान खेळाडू सुनील गावस्कर यांची मदत मिळाली आहे. ही मदत गावस्कर यांच्या चॅम्प्स फाउंडेशनकडून दिली जाणार आहे.

सुनील गावस्कर करणार विनोद कांबळी यांना मदत : बऱ्याच काळापासून भारताचे माजी क्रिकेट खेळाडू विनोद कांबळी यांची परिस्थिती अत्यंत बिकट आहे. यांची बऱ्याच काळापासून आरोग्याच्या समस्यांमुळे त्रस्त असलेले माजी भारतीय क्रिकेटपटू विनोद कांबळी यांना या कठीण काळात महान खेळाडू सुनील गावस्कर यांची मदत मिळाली आहे. ही मदत गावस्कर यांच्या चॅम्प्स फाउंडेशनकडून दिली जाणार आहे. याअंतर्गत आता त्याला दरमहा ३० हजार रुपये दिले जातील. याशिवाय, त्याला संपूर्ण वर्षाच्या वैद्यकीय खर्चासाठी वेगळे ३०,००० रुपये देखील मिळणार आहेत असे सांगण्यात आले आहे.

कांबळीला गेल्या वर्षी रुग्णालयात दाखल करण्यात आले होते. गेल्या वर्षी डिसेंबरमध्ये मूत्रमार्गात संसर्ग आणि पेटके येत असल्याने कांबळी यांना रुग्णालयात दाखल करण्यात आले होते. १ जानेवारी रोजी डिस्चार्ज मिळण्यापूर्वी त्यांना दोन आठवडे ठाण्यातील रुग्णालयात दाखल करण्यात आले. गेल्या काही वर्षांत कांबळीला आरोग्याशी संबंधित अनेक आव्हानांचा सामना करावा लागला आहे. २०१३ मध्ये त्याचा मित्र सचिन तेंडुलकरच्या मदतीने त्याच्यावर दोन हृदय शस्त्रक्रियाही झाल्या.

आयसीसीने श्रेयस अय्यरला दिला मोठा सन्मान, खेळाडूचे एका खास यादीत झाले नाव सामील

गावस्कर डिसेंबरमध्ये कांबळीला भेटले, डिसेंबर २०२४ मध्ये मुंबईतील शिवाजी पार्क येथे दिग्गज प्रशिक्षक रमाकांत आचरेकर यांच्या स्मारकाच्या उद्घाटनादरम्यान गावस्कर यांनी कांबळीला मदत करण्याचे वचन दिले होते. त्यानंतर गावस्कर आणि कांबळी एकमेकांना भेटले. अशाप्रकारे, आता महान भारतीय फलंदाजाने अखेर आपले वचन पूर्ण केले आहे.

See more

🚨 A GREAT GESTURE BY SUNIL GAVASKAR 🚨 Sunil Gavaskar foundation will provide 30,000 rs monthly for Vinod Kambli for rest of his life starting from April 1st and additional 30,000 rs annually for medical expenses. [Gaurav Gupta from TOI] pic.twitter.com/bLplVtymoH — Johns. (@CricCrazyJohns) April 15, 2025

कांबळीच्या पत्नीने केला होता मोठा खुलासा

जानेवारीच्या सुरुवातीला, कांबळीची पत्नी अँड्रिया हेविटने खुलासा केला की तिने २०२३ मध्ये घटस्फोटासाठी अर्ज केला होता परंतु तिच्या पतीची ‘असहाय्य स्थिती’ पाहून ती मागे घेण्याचा निर्णय घेतला. स्वतंत्र पत्रकार सूर्यांशी पांडे यांनी आयोजित केलेल्या पॉडकास्ट दरम्यान, अँड्रिया यांनी खुलासा केला की तिने आधी कांबळी सोडण्याचा विचार केला होता, परंतु नंतर तिच्या तब्येतीमुळे तिने तिचा विचार बदलला.

सोशल मीडियावर काही महिन्यापूर्वी एक व्हिडीओ व्हायरल झाला होता. यामध्ये विनोद कांबळी यांना नीट चालता देखील येत नव्हते. त्यांना एका ठिकाणावरून दुसऱ्या ठिकाणी जाण्यासाठी त्याला एका व्यक्तीची गरज लागत होती. त्यानंतर भारतीय अनेक खेळाडूंनी त्यांना मदत केली आणि त्यांची भेटही घेतली होती. त्याचबरोबर वानखेडेवर झालेल्या कार्यक्रमामध्ये देखील विनोद कांबळी यांची झलक काही दिवसांपूर्वी पाहायला मिळाली होती.