VIDEO : ‘या’ अफलातून झेलने केरळ पोहचले फायनलमध्ये; अवघ्या 2 धावांनी मागे पडले गुजरात, पाहा VIDEO

रणजी ट्रॉफी 2025 मध्ये केरळ विरुद्ध गुजरात सामन्यात केरळ संघाने अत्यंत नाट्यमयरित्या अंतिम फेरीत प्रवेश केला. केरळचा विकेटकिपर सचिन बेबीने अफलातून झेल घेत केरळला अंतिफ फेरीत नेऊन ठेवले.

Gujarat vs Kerala Match Semi Final 1 : केरळ संघाने रणजी ट्रॉफी 2025 स्पर्धेत अत्यंत रोमांचक मोडमध्ये आलेल्या सामन्यात अवघ्या 2 धावांनी गुजरात मागे टाकत फायनलमध्ये प्रवेश केला. कोणालाही विश्वास बसणार नाही अशा परिस्थितीत केरळच्या सरवटे या गोलंदाजांने नागास्वाल्लाची विकेट मिळवली त्याचे सर्व श्रेय त्या अप्रतिम झेलला जातेय. नागवास्वाल्लाने मारलेला शॉट थेट शॉर्ट लेग फिल्डरच्या सलमान निझारच्या हेल्मेटला लागला आणि चेंडू हवेत उडाला ज्यामुळे स्लीपला उभ्या असलेल्या सचिन बेबीने तो झेल सहजरित्या पकडला.

केरळला अंतिम फेरीत नेऊन ठेवणारा अफलातून झेल

See more

Salman Nizar didn't budge at short leg, and Kerala have a crucial two-run first-innings lead that could put them in their maiden Ranji Trophy final

(via @BCCIdomestic) pic.twitter.com/8dVeDzZuqI

— ESPNcricinfo (@ESPNcricinfo) February 21, 2025

 

केरळने गुजरातला हरवून प्रथमच अंतिम फेरीत आपले स्थान निश्चित केले आहे. तब्बल 74 वर्षांनी केरळ अंतिम फेरीत पोहचले आहे. शुक्रवारी अहमदाबादमधील नरेंद्र मोदी स्टेडियमवर गुजरातवर पहिल्या डावात दोन धावांची आघाडी घेत केरळने प्रथमच रणजी ट्रॉफीच्या अंतिम फेरीत प्रवेश केला. नाणेफेक जिंकून फलंदाजीचा निर्णय घेणाऱ्या केरळने एम. अझरुद्दीनच्या १७७ धावांच्या शानदार खेळीच्या जोरावर ४५७ धावांचा मोठा डोंगर उभा केला. प्रत्युत्तरादाखल, गुजरातने कडवी झुंज दिली. गुजरात अंतिम फेरीत प्रवेश करणार हे जवळजवळ निश्चित झाले परंतु नागावास्वाल्लाची विकेट अत्यंत नाट्यमयरित्या गेल्याने गुजरातला अंतिम फेरीतून बाहेर पडावे लागले. सचीन बेबीने घेतलेला अप्रतिम झेल अन् सलमान निझारच्या हेल्मेटला लागलेला चेंडू गुजरातला या स्पर्धेतून बाहेर करून गेला.