भारतीय क्रिकेटच्या दादाने कशाचा होतोय पश्चाताप? सौरभ गांगुली कारकिर्दीत ‘या’ गोष्टीला मुकला..

हेही वाचा : IND Vs ENG : ‘काहींना वाटले माझी कारकीर्द संपेल..’, इंग्लंडला रडवणाऱ्या जसप्रीत बुमराहच्या विधानाने क्रीडा विश्वात खळबळ..

माझे अनेक वेळा शतक हुकले..

पीटीआयला मुलाखत देताना गांगुलीने सांगितले की, “मी अनेक वेळा शतक लगावणे चुकवले आहे, मला अधिक धावा करायला हव्या होत्या. मी अनेक वेळा ९० आणि ८० धावाच केल्या.”  जर आपण गांगुलीच्या आकडेवारी बघितली तर असे दिसून येते की तो ३० वेळा ८० किंवा ९० धावांचा आकडा ओलांडल्यानंतरही तो माघारी परतला आहे. जर तो या डावांना शतकांमध्ये रूपांतरित करू शकला असता, तर त्याच्या नावावर ५० पेक्षा जास्त शतके जमा राहिली असती.

गांगुलीला त्याची फलंदाजी पाहणे आवडते..

जेव्हा गांगुली हा एकटा असतो तेव्हा त्याला त्याचे जुने डाव पाहणे आवडत असल्याचे त्याने सांगितले. हे जूने डाव त्याला आठवण करून देते की तो अधिक शतके करण्याच्या किती जवळ पोहचला  होता. तो म्हणाला की “मी एकटा असतो तेव्हा मी माझे (फलंदाजीचे) व्हिडिओ पाहत असतो. जेव्हा माझी पत्नी घरी नसते कारण साना लंडनमध्ये राहते. मी युट्यूब वर जातो आणि पाहतो आणि स्वतःला सांगतो अरे, मी पुन्हा ७० धावांवर बाद झालो आहे. मला शतक करायला हवे होते. पण आता तुम्ही त्यात बदल करू शकत नाहीत.”

हेही वाचा : IND Vs ENG : ‘पंतला क्रिकेट गणित चांगलेच..’, माजी प्रशिक्षक रवी शास्त्रीकडून शतकवीर रिषभचे कौतुक..

‘या’ खेळाडूला वगळल्याबद्दल मला वाईट वाटले..

सौरभ गांगुलीने एकदिवसीय सामन्यात ७२ आणि कसोटी क्रिकेटमध्ये ३५ अर्धशतके लागावली आहेत. कर्णधार म्हणून कधीकधी कठीण निर्णय घेणे खूप आवश्यक असतात.  अशा वेळी जगातील महान लेग स्पिनरपैकी एक असणाऱ्या अनिल कुंबळेला संघातून वगळल्याबद्दल गांगुलीने खंत व्यक्त केली. तो म्हणाला की अनिल कुंबळेला काही वेळा संधी मिळाली नाही, कारण तो खूप चांगला खेळाडू होता. असे गांगुलीने सांगितले आहे.