तुमचा Aadhaar Card Number विसरलात? काळजी करू नका, या सोप्या पद्धतीने काही मिनिटांतच ऑनलाईन करता येईल चेक

UIDAI ने तुमचा आधार क्रमांक हरवला किंवा विसरल्यास तो परत मिळवण्याचे सोपे मार्ग दिले आहेत, जसे की अधिकृत वेबसाइट, mAadhaar ॲप, जवळचे आधार सेवा केंद्र आणि UIDAI हेल्पलाइन नंबर.

आधार कार्ड, भारतीय नागरिकांसाठी एक महत्त्वाचे ओळखपत्र, भारतीय विशिष्ट ओळख प्राधिकरण (UIDAI) द्वारे जारी केले जाते. आजकाल प्रत्येक कामासाठी मग ते वैयत्तिक असो वा व्यावसायिक आपल्याला आपल्या आधार कार्डची गरज भासते. अशा वेळेस आपल्याकडे आपले आधार कार्ड असणे फार गरजेचे असते. अनेक वेळा लोक त्यांचा आधार कार्ड क्रमांक विसरतात किंवा हरवतात. अशा परिस्थितीत UIDAI ने काही सोप्या पद्धती सांगितल्या आहेत, ज्याच्या मदतीने तुम्ही तुमचा आधार क्रमांक मिळवू शकता. आज या लेखात आम्ही तुम्हाला काही सोप्या पद्धतींविषयी माहिती सांगत आहोत, ज्यांच्या मदतीने तुम्ही अगदी सहज आपला आधार कार्ड क्रमांक माहिती करून घेऊ शकता.

UIDAI च्या अधिकृत वेबसाईटवरून करता येईल चेक

• यासाठी प्रथम UIDAI च्या अधिकृत वेबसाइटला भेट द्या
• “My Aadhaar” सेक्शनमध्ये “Retrieve Lost or Forgotten EID/UID” हा पर्याय निवडा
• तुमच्याकडे ईमेल आयडी किंवा नोंदणीकृत मोबाईल नंबर असणे आवश्यक आहे
  नाव, पिन कोड आणि सुरक्षा कॅप्चा एंटर करा
• तुमच्या नोंदणीकृत मोबाईल नंबरवर एक OTP पाठवला जाईल
• ओटीपी एंटर केल्यानंतर, तुम्हाला तुमचा आधार क्रमांक एसएमएस किंवा ईमेलद्वारे प्राप्त होईल

Redmi चा लेटेस्ट स्मार्टफोन लाँच, नवीनतम MediaTek प्रोसेसरसह मिळणार हे खास फिचर्स

mAadhaar ॲपचा वापर करा

• Google Play Store किंवा Apple App Store वरून mAadhaar ॲप डाउनलोड करा
• तुमच्या नोंदणीकृत मोबाईल नंबरने ॲपवर लॉग इन करा
• लॉगिन केल्यानंतर तुम्ही तुमच्या आधार कार्डची माहिती पाहू शकता

आधार सेवा केंद्राला भेट द्या

• तुमचा आधार कार्ड नंबर माहिती करून घेण्यासाठी तुम्ही जवळच्या आधार सेवा केंद्राला देखील भेट देऊ शकता
• तुमच्या ओळखीसाठी कोणतेही मान्य दस्तऐवज सोबत ठेवा (जसे की पॅन कार्ड, मतदार ओळखपत्र)
• तुमची माहिती तपासल्यानंतर आधार केंद्राचे कर्मचारी तुमचा आधार क्रमांक देतील

UIDAI ला संपर्क करा

• UIDAI च्या टोल-फ्री हेल्पलाइन क्रमांक 1947 वर कॉल करा
• तुमची पर्सनल माहिती आणि नोंदणीकृत मोबाईल क्रमांक द्या
• अधिकारी तुमच्या माहितीची पडताळणी करतील आणि तुम्हाला आधार क्रमांक प्रदान करतील

Tech Tips: Instagram वर मित्राचे DM वाचा आणि त्याला कळणारही नाही! ही आहे सोपी ट्रीक

आधार कार्ड करा चेक

• आधार क्रमांकाशी संबंधित माहिती गोपनीय आहे. कोणत्याही अनोळखी व्यक्तीसोबत शेअर करू नका आणि अधिकृत स्त्रोतांकडूनच माहिती मिळवा
• UIDAI ची ही साधने आधार क्रमांक मिळवणे सोपे आणि सुरक्षित बनवतात. तुमचे आधार कार्ड हरवले असेल तर ते लवकरात लवकर परत मिळवा आणि तुमची कागदपत्रे सुरक्षित ठेवा