Gemini AI चा रेट्रो ट्रेंड तर फॉलो केला… पण भविष्यात होणाऱ्या नुकसानांचं काय? तुम्ही शेअर केलेल्या फोटोचा असाही होऊ शकतो वापर

Gemini AI च्या मदतीने रेट्रो लूक ईमेज तयार करण्यासाठी तुम्हाला तुमचा फोटो अपलोड करावा लागतो. पण आपला फोटो कोतण्याही AI प्लॅटफॉर्मसोबत शेअर करणं सुरक्षित आहे का? रेट्रो ट्रेंड फॉलो करण्यासाठी अनेक सोशल मीडिया युजर्सनी त्यांचे फोटो AI सोबत शेअर केले आहेत. पण हे फोटो शेअर करताना भविष्यात काय परिणाम होऊ शकतो, याचा कोणीच विचार केला नाही. AI सोबत फोटो शेअर करणं खरंच सुरक्षित आहे, AI आपल्या फोटोचा चुकीचा वापर करू शकतो, असे अनेक प्रश्न आता उपस्थित करण्यात आले आहेत. (फोटो सौजन्य – threads)

AI प्लॅटफॉर्मसोबत फोटो शेअर केल्याने वाढतो धोका

डेटा स्टोरेज – तुम्ही अपलोड केलेले फोटो सिस्टममध्ये सेव्ह केले जाण्याची शक्यता असते, याचा वापर AI मॉडलला अधिक चांगलं बनवण्यासाठी केला जाऊ शकतो.

वैयक्तिक ओळख – तुम्ही अपलोड केलेल्या फोटोंमधून AI तुमचा चेहरा, बॅकग्राऊंडमधील वस्तू, लोकेशन आणि डॉक्यूमेंटसारखी माहिती गोळा करू शकते.

चुकीचा वापर केला जाण्याची शक्यता – अपलोड केलेल्या फोटोमध्ये तुमची वैयक्तिक माहिती असेल तर त्याचा चुकीचा वापर केला जाऊ शकतो.

अज्ञात वापर – अनेकदा कंपन्या तुम्ही अपलोड केलेल्या कंटेटचा वापर भविष्यातील मॉडेलला ट्रेनिंग देण्यासाठी देखील करू शकतात.

सुरक्षित राहण्यासाठी लक्षात ठेवा या गोष्टी

• AI प्लॅटफॉर्मवर असा कोणताही फोटो अपलोड करू नका ज्यामध्ये आधार कार्ड, डॉक्यूमेंट, पता अशी माहिती असेल.
• फक्त वैयक्तिक नसलेल्या प्रतिमा (उदा. वस्तू, दृश्ये) अपलोड करण्याचा प्रयत्न करा.
• Google Gemini ची प्रायव्हसी पॉलिसी आणि सेटिंग्स तपासा. काहीवेळा इथे तुम्हाला डेटा सेविंग बंद करण्याचा ऑप्शन मिळतो.
• तुम्ही अपलोड केलेल्या फोटोंवर तुमचा पूर्णपणे कंट्रोल नसेल, हे लक्षा ठेवा.

काल्पनिक जगात अनुभवा स्वत:चं अस्तित्व, Ghibli नंतर Gemini AI चं हे फीचर होतंय ट्रेंड, तुम्ही ट्राय केलं का?

फोटो शेअर केल्याने निर्माण होतात हे धोके

प्रायव्हसी लॉस (Privacy Loss)

• एकदा फोटो अपलोड केल्यानंतर फोटोवर तुमचा पूर्ण कंट्रोल राहत नाही. तुम्ही हे ठरवू शकत नाही, की तुमचा फोटो कधी आणि कुठे वापरला जाऊ शकतो.
• तुमचा चेहरा, घर, स्थान किंवा तुमच्याबद्दल बरेच काही फोटोमधून कळू शकते.
• AI तुमचा चेहरा ओळखू शकते आणि तुम्हाला इतर डेटाशी (सोशल मीडिया, सार्वजनिक रेकॉर्ड) लिंक करू शकते.

डेटा ट्रेनिंगसाठी उपयोग (Data Training)

• अनेक AI कंपन्या अपलोड करण्यात आलेल्या फोटोचा वापर त्यांच्या मॉडेल ट्रेनिंगसाठी करतात. याचा अर्थ तुम्ही अपलोड केलेला कंटेटचा वापर अप्रत्यक्षपणे AI साठी केला जातो.

संबंधित बातम्या