Asus Zenbook 14 Series भारतात लॉन्च; 33 तासांच्या बॅटरी बॅकअपचा कंपनीचा दावा : किंमत जाणून घ्या

लॅपटॉप खरेदी करू इच्छिणाऱ्या ग्राहकांसाठी आसुसने भारतीय बाजारात आपली नवीन प्रीमियम Zenbook 14 सीरिज लॉन्च केली आहे. या लॅपटॉपची सुरुवातीची किंमत १,३६,९९० रुपये ठेवण्यात आली आहे.

• Asus Zenbook 14 भारतात लॉन्च
• तीन प्रोसेसर पर्याय आणि १६ जीबी रॅम
• ३३ तासांपर्यंत बॅटरी बॅकअपचा दावा

नवी दिल्ली : लॅपटॉप खरेदी करू इच्छिणाऱ्या ग्राहकांसाठी आसुसने भारतीय बाजारात आपली नवीन प्रीमियम Zenbook 14 सीरिज लॉन्च केली आहे. आकर्षक डिझाइन, दमदार प्रोसेसर, एआय आधारित फीचर्स आणि दीर्घकाळ टिकणाऱ्या बॅटरीसह ही सीरिज सादर करण्यात आली आहे. विशेष म्हणजे, ग्राहकांना त्यांच्या गरजेनुसार Intel Core Ultra, AMD Ryzen AI आणि Snapdragon X असे तीन प्रोसेसर पर्याय उपलब्ध करून देण्यात आले आहेत. या लॅपटॉपची सुरुवातीची किंमत १,३६,९९० रुपये ठेवण्यात आली आहे. कंपनीच्या दाव्यानुसार, एका चार्जमध्ये हा लॅपटॉप तब्बल ३३ तासांपर्यंत बॅटरी बॅकअप देऊ शकतो.

 

रॅम, स्टोरेज आणि बॅटरीमध्ये काय खास?

नवीन Zenbook 14 सीरिजमध्ये १६ जीबी LPDDR5X रॅम आणि ५१२ जीबी SSD स्टोरेज देण्यात आले आहे. कनेक्टिव्हिटीसाठी Wi-Fi 6E आणि Bluetooth 5.4 सपोर्ट मिळतो. मात्र, Snapdragon व्हेरिएंटमध्ये Bluetooth 5.3 देण्यात आले आहे. बॅटरी क्षमतेबाबत Intel व्हेरिएंटमध्ये ७०Wh, तर AMD मॉडेलमध्ये ५०Wh बॅटरी देण्यात आली आहे. कंपनीने एका चार्जमध्ये ३३ तासांपर्यंत बॅटरी चालण्याचा दावा केला आहे. चार्जिंगसाठी USB Type-C फास्ट चार्जिंगची सुविधा आणि ६८W अॅडॅप्टर देण्यात आले आहे.

डिस्प्ले आणि प्रोसेसरचे वेगवेगळे पर्याय

या सीरिजमधील Intel Core i9 टॉप व्हेरिएंटमध्ये १४ इंचांचा 3K OLED टचस्क्रीन डिस्प्ले मिळतो. याचा रिफ्रेश रेट १२०Hz असून HDR मोडमध्ये पीक ब्राइटनेस १,१०० निट्सपर्यंत आहे. तसेच १०० टक्के DCI-P3 कलर गॅमट सपोर्ट मिळतो. AMD Ryzen AI 7 व्हेरिएंटमध्ये १४ इंचांचा Full HD+ OLED डिस्प्ले देण्यात आला आहे. याचा रिफ्रेश रेट ६०Hz असून स्टायलस सपोर्टही मिळतो. दुसरीकडे, Snapdragon X व्हेरिएंटमध्येही १४ इंचांचा Full HD+ OLED डिस्प्ले देण्यात आला आहे.

हे सुद्धा वाचा :  एसटी बसचा भीषण अपघात, ब्रेक निकामी झाल्याने बस खड्ड्यात उलटली; जखमींचा आकडाही समोर

ग्राहकांसाठी तीन प्रोसेसर पर्याय

आसुसने या सीरिजमध्ये तीन वेगवेगळ्या प्रोसेसरचे पर्याय दिल्यामुळे ग्राहकांना कामाचे स्वरूप आणि गरजेनुसार लॅपटॉप निवडता येणार आहे. ऑफिसचे काम, मल्टिटास्किंग, मनोरंजन आणि एआय आधारित कामांसाठी ही सीरिज उपयुक्त ठरू शकते. प्रीमियम फीचर्स आणि OLED डिस्प्लेमुळे Zenbook 14 सीरिजकडे ग्राहकांचे लक्ष वेधले जाण्याची शक्यता आहे.