4G सोडा आता BSNL युजर्सना लवकरच 5G सर्व्हिस मिळणार, केंद्रीय मंत्र्यांनी सांगितली डेट

BSNL युजर्ससाठी आनंदाची बातमी! कंपनी लवकरच आपली 5G सेवा सुरु करणार आहे. केंद्रीय संचार मंत्री ज्योतिरादित्य सिंधिया यांनी सरकारी टेलिकॉम कंपनीची 5G सेवा सुरू होण्याची तारीख सांगितली आहे. सध्या बीएसएनएल खासगी कंपन्यांना एअरटेल, जिओ आणि व्ही यांना मोठी टक्कर देण्याच्या विचारात आहे.

BSNL युजर्ससाठी आनंदाची बातमी समोर आली आहे. 4G च्या प्रतीक्षेत असलेल्या BSNL युजर्सना लवकरच 5G सेवेची भेट मिळणार आहे. केंद्रीय दूरसंचार मंत्री ज्योतिरादित्य सिंधिया यांनी भारत संचार निगम लिमिटेडच्या 5G सेवेच्या लाँच तारखेबाबत मोठा खुलासा केला आहे. सोमवार, 14 ऑक्टोबर रोजी आयोजित एका कार्यक्रमादरम्यान केंद्रीय मंत्री म्हणाले की, बीएसएनएल 5G सर्विसची तयारी पूर्ण झाली आहे. सरकारी टेलिकॉम कंपनी नेटवर्क अपग्रेड करण्यासाठी देशभरात हजारो मोबाइल टॉवर्स बसवत आहे.

लवकरच सुरु होणार 5G सर्व्हिस

केंद्रीय दूरसंचार मंत्री ज्योतिरादित्य सिंधिया म्हणाले की, कंपनी पुढील वर्षी जून 2025 पर्यंत 5G नेटवर्क सुरू करू शकते. ते यूएस-इंडिया स्ट्रॅटेजिक पार्टनरशिप फोरम ITUWTSA येथे म्हणाले की, भारताने 4G मध्ये जगाचे अनुसरण करण्यास सुरुवात केली आहे, कंपनी 5G मध्ये जगाशी संपर्क साधत आहे आणि 6G तंत्रज्ञानामध्ये जगाचे नेतृत्व करेल.

हेदेखील वाचा – फोनचा स्टोरेज पुन्हा पुन्हा Full होतोय, मग ही सोपी ट्रिक तुमची समस्या दूर करेल

दूरसंचार मंत्री म्हणाले की, पंतप्रधान नरेंद्र मोदी हे अगदी स्पष्ट आहेत की सरकारी कंपनी इतर कोणाचीही उपकरणे वापरणार नाही. “आमच्याकडे आता एक कोर आणि रेडिओ ऍक्सेस नेटवर्क आहे जे पूर्णपणे कार्यरत आहे,” सिंधिया म्हणाले, पुढच्या वर्षी एप्रिल-मे पर्यंत एक लाख साइट्सची आमची योजना आहे. आम्ही कालपर्यंत 38,300 साइट्स सुरू केल्या आहेत.

हेदेखील वाचा – Google Chrome वापरताना एकही जाहिरात दिसणार नाही! फक्त ही सेटिंग ऑन करा

ते पुढे म्हणाले, “आम्ही आमचे स्वतःचे 4G नेटवर्क सुरू करणार आहोत, जे जून 2025 पर्यंत 5G वर जाईल. असे करणारा आम्ही जगातील सहावा देश असू.” सरकारी कंपनी BSNL C-DOT आणि देशांतर्गत IT कंपनी TCS यांच्या सहकार्याने विकसित केलेले 4G तंत्रज्ञान वापरत आहे. सिंधिया म्हणाले की, भारताने 22 महिन्यांत 4.5 लाख टॉवर्स बसवून जगातील सर्वात जलद 5G तंत्रज्ञान लागू केले आणि ही सेवा देशातील 80 टक्के लोकसंख्येसाठी उपलब्ध आहे.

1 लाख टॉव्हर लावले जातील

BSNL ची 4G/5G सर्व्हिससाठी 1 लाख नवीन टॉव्हर्स बसवण्याची योजना आहे. , त्यापैकी 75 हजार टॉवर्स या वर्षाच्या अखेरीस बसवण्याचे लक्ष्य आहे. यंदाच्या अर्थसंकल्पात केंद्र सरकारने सरकारी टेलिकॉम कंपनी BSNL’ला रिव्हाईज करण्यासाठी हजारो करोडचे बजेट अलॉट केले आहे.