BSNL Recharge Plan: सरकारी कंपनीचा अनोखा खेळ! पुन्हा घेऊन आली फ्रीडम प्लॅन, केवळ 1 रुपयांत मिळणार बरंच काही

BSNL पुन्हा एकदा त्यांचा फ्रीडम प्लॅन घेऊन आली आहे. या रिचार्ज प्लॅनला यूजर्सची नेहमीच पसंती मिळते. कारण यामध्ये केवळ 1 रुपयांत यूजर्सना अनेक फायदे ऑफर केले जाणार आहेत.

• केवळ 1 रुपयांत 30 दिवसांची व्हॅलिडिटी, अनलिमिटेड कॉलिंग आणि डेली 2GB डेटा मिळणार.
• हा फ्रीडम प्लॅन फक्त नवीन आणि MNP करून BSNL मध्ये येणाऱ्या यूजर्ससाठी उपलब्ध आहे.
• BSNL नेटवर्क सुधारण्यासाठी 1 लाख नवीन 4G/5G टॉवर्स उभारत असून सेवा अधिक मजबूत करण्यावर भर.

सरकारी टेलिकॉम कंपनी बीएसएनएल यूजर्ससाठी आनंदाची बातमी आहे. कंपनीने पुन्हा एकदा फ्रीडम प्लॅन लाँच केला आहे. कंपनीच्या या फ्रीडम प्लॅनची किंमत केवळ 1 रुपये आहे. केवळ 1 रुपयांत यूजर्सना बरेच फायदे मिळणार आहेत. बीएसएनएलच्या फ्रीडम प्लॅनमध्ये यूजर्सना अनलिमिटेड कॉलिंग आणि डेटासह इतर अनेक फायदे ऑफर केले जाणार आहेत. खरं तर गेल्यावर्षी ऑगस्ट महिन्यात कंपनीने त्यांच्या नवीन ग्राहकांसाठी 1 रुपयांत फ्रीडम प्लॅन लाँच केला होता. ग्राहकांसाठी कंपनीने या प्लॅनची मर्यादा वाढवली आणि दिवळीपर्यंत केली. आता पुन्हा एकदा कंपनी फ्रीडम प्लॅन घेऊन आली आहे.

WhatsApp Update: आता मोबाईल नंबरची गरज नाही! ‘हे’ नवं फीचर दूर करणार यूजर्सची चिंता, नियम आणि अटी जाणून घ्या

1 रुपयांचा प्लॅन पुन्हा परतला

भारत संचार निगम लिमिटेडने पुन्हा एकदा 1 रुपयांच्या प्लॅनची घोषणा केली आहे. सोशल मीडिया प्लॅटफॉर्म एक्सवर याबाबत घोषणा देखील करण्यात आली आहे. त्यामुळे आता अधिकृतपणे कंपनीचा फ्रीडम प्लॅन परतला आहे, असं म्हटलं तरी काही वावग ठरणार नाही. यूजर्सना 1 रुपयांच्या फ्रीडम प्लॅनमध्ये 30 दिवसांची व्हॅलिडीटी ऑफर केली जाणार आहे. तसेच कंपनीच्या या प्लॅनमध्ये यूजर्सना संपूर्ण भारतात अनलिमिटेड कॉलिंग आणि फ्री नेशनल रोमिंगची सुविधा देखील ऑफर केली जाणार आहे. त्यामुळे यूजर्ससाठी कंपनीचा हा प्लॅन अतिशय फायदेशीर ठरणार आहे.  (फोटो सौजन्य – Pinterest)

See more

Freedom is back at just ₹1!
Simple. Reliable. Affordable#bsnl #freedomplan #1rupeeoffer #freesim @CMDBSNL @robertravi21 pic.twitter.com/9I2J1maJ2O — BSNL India (@BSNLCorporate) April 11, 2026

बीएसएनएल कंपनीने एक्स अकाऊंटवर शेअर केलेल्या पोस्टनुसार, 1 रुपयांच्या फ्रीडम प्लॅनमध्ये यूजर्सना डेली 2GB डेटा बेनिफिट्स आणि 100 फ्री एलएमएसचा लाभ देखील मिळणार आहे. भारत संचार निगम लिमिटेडचा हा फ्रीडम प्लॅन नव्या यूजर्ससाठी लाँच करण्यात आला आहे. जर एखाद्या यूजरने दुसऱ्या ऑपरेटरकडून बीएसएनएलमध्ये आपल्या नंबरचा MNP केला, तरच त्याला या योजनेचा लाभ मिळणार आहे.

BSNL Recharge Plan: काय सांगता! नव्या प्लॅनमध्ये मिळणार तब्बल 5000GB मंथली डेटा आणि फ्री OTT अ‍ॅप्स, किंमत खिशाला परवडणारी

नेटवर्क कवरेज अधिक वाढवण्यासाठी कंपनीचा प्रयत्न

भारत संचार निगम लिमिटेड सतत यूजर्ससाठी नवीन रिचार्ज प्लॅन लाँच करत असते. या प्लॅन्सची खासियत म्हणजे कमी किंमत आणि फायदे जास्त. याशिवाय कंपनी त्यांचे मोबाईल नेटवर्क अधिक चांगले करण्यासाठी देखील सतत प्रयत्न करत आहे. अलीकडेच बीएसएनएलने सुमारे 1 लाख नवीन 4G/5G मोबाईल टॉवर लावले आहेत. हे टॉवर्स पूर्णपणे स्वदेशी तंत्रज्ञानावर आधारित आहेत. शिवाय, सरकारने या वर्षीच्या अर्थसंकल्पात बीएसएनएलला हजारो रुपयांचे आश्वासन दिले आहे. बीएसएनएल आपल्या पायाभूत सुविधा सुधारण्यासाठी काम करत असून, या दूरसंचार कंपनीला सरकारी पाठिंबाही मिळणार आहे.