Freelancers आणि YouTubers सावधान! डॉलरची कमाई खात्यात हवी असेल तर ‘हा’ फॉर्म भरावा लागणार

Freelancers: 1 ऑक्टोबर 2026 पासून परदेशातून पैसे घेणाऱ्या फ्रीलान्सर्स, यूट्यूबर्स आणि डिजिटल सेवा देणाऱ्यांना Export Declaration Form (EDF) भरावा लागणार आहे. हा कोणताही नवीन टॅक्स नसून परदेशातून येणाऱ्या पैशांवर लक्ष ठेवण्यासाठीची सिस्टीम असल्याचे बातमीत सांगितले आहे.

• 1 ऑक्टोबर 2026 पासून परदेशी कमाईसाठी EDF फॉर्म आवश्यक.
• बिलाच्या महिन्याच्या अखेरपासून 30 दिवसांत EDF भरावा लागेल.
• 10 लाखांपेक्षा कमी बिलासाठी Self-Declarationची सुविधा.

तुम्ही फ्रीलान्सिंग Freelancing करता का? यूट्यूबवरून Youtube कमाई होते? किंवा बाहेरच्या देशातील क्लायंटसाठी काम करून डॉलरमध्ये पैसे कमावता? मग ही बातमी तुमच्यासाठीच आहे. कारण सरकारने एक नवीन नियम आणला आहे. 1 ऑक्टोबर 2026 पासून जर तुम्ही परदेशातून पैसे घेत असाल तर तुम्हाला Export Declaration Form म्हणजेच EDF भरावा लागणार आहे. सोशल मीडियावर अनेक जण याला नवीन टॅक्स म्हणून सांगत आहेत, पण हे साफ चुकीचं आहे. हा कोणताही टॅक्स नाही. तर परदेशातून येणाऱ्या पैशावर लक्ष ठेवण्यासाठी आणलेली एक नवीन सिस्टीम आहे. Freelancers

नक्की काय आहे हा EDF चा प्रकार?

आधी काय व्हायचं, जे लोक वस्तू बाहेरच्या देशात पाठवायचे किंवा मोठ्या IT कंपन्या होत्या त्यांनाच RBI कडे असा फॉर्म भरावा लागायचा. याला SOFTEX म्हणायचे. पण आता RBI ने सगळ्या डिजिटल सेवा देणाऱ्यांना पण यात आणलंय. म्हणजे तुम्ही जरी एकटे काम करत असाल, घरी बसून फ्रीलान्सिंग करत असाल, तरी तुम्ही आता सरकारच्या नजरेत एक ‘सेवा निर्यातदार’ आहात. त्यामुळे तुम्हाला पण हे नियम पाळावे लागतील. नवीन नियम काय सांगतात?सरकारने यासाठी काही नियम ठरवले आहेत, ते खूप सोपे आहेत.

पहिला नियम – 30 दिवसांच्या आत फॉर्म भरा:

तुम्ही ज्या महिन्यात बाहेरच्या क्लायंटला बिल दिलं आहे, तो महिना संपल्यापासून 30 दिवसांच्या आत तुम्हाला तुमच्या बँकेत जाऊन EDF फॉर्म द्यायचा आहे. बरं, प्रत्येक बिलासाठी वेगळा फॉर्म भरायची गरज नाही. RBI ने सांगितलंय की पूर्ण महिन्याचे सगळे बिल मिळून एकच फॉर्म भरला तरी चालेल. त्यामुळे छोट्या फ्रीलान्सर्सना जास्त त्रास होणार नाही.

दुसरा नियम – 9 महिन्यांच्या आत पैसे भारतात आणा:

तुम्ही काम केल्यानंतर किंवा बिल दिल्यानंतर 9 महिन्यांच्या आत ते पैसे तुमच्या भारतीय बँक अकाऊंटमध्ये जमा झाले पाहिजेत. यापेक्षा जास्त वेळ लावता येणार नाही.

तिसरा नियम – कागदपत्रं जपून ठेवा:

तुम्ही क्लायंटसोबत काय बोललात, त्याचा मेल, तुम्ही दिलेलं इनव्हॉईस आणि बँकेकडून मिळणारं FIRC सर्टिफिकेट, हे सगळं तुम्हाला व्यवस्थित सांभाळून ठेवावं लागणार आहे.10 लाखांपर्यंत कमाई असणाऱ्यांना टेन्शन नाहीयात सगळ्यात मोठा दिलासा छोट्या यूट्यूबर्स आणि फ्रीलान्सर्सना दिला आहे. जर तुमचं एका बिलाचं मूल्य 10 लाख रुपयांपेक्षा कमी असेल, म्हणजे साधारण 12 हजार डॉलर्सपेक्षा कमी असेल, तर तुम्हाला जास्त कागदपत्रांच्या मागे धावावं लागणार नाही. तुम्ही थेट तुमच्या बँकेच्या वेबसाईटवर जाऊन Self-Declaration करू शकता. हे काम फक्त 5-10 मिनिटांत होऊन जाईल. त्यामुळे घाबरून जाण्याचं काही कारण नाही.

फॉर्म नाही भरला तर काय होईल?

हा जरी टॅक्स नसला तरी हा RBI च्या EDPMS नावाच्या सिस्टीमला जोडलेला आहे. ही एक मोठी डिजिटल सिस्टीम आहे जिथे सगळ्या निर्यातीचा डेटा जमा होतो.जर तुम्ही वेळेत हा फॉर्म नाही भरला तर तुमचं परदेशातून येणारं पेमेंट अडकू शकतं. बँक तुमचे पैसे होल्डवर ठेवू शकते. तुम्ही योग्य पर्पज कोड आणि इनव्हॉईस दिल्याशिवाय ते पैसे तुमच्या खात्यात येणार नाहीत. एवढंच नाही तर पुढे GST रिफंड घेताना किंवा ITR भरताना पण तुम्हाला प्रॉब्लेम येऊ शकतो.

त्यामुळे तुम्ही जर Google AdSense, Upwork, Fiverr किंवा थेट बँक ट्रान्सफरने पैसे घेत असाल, तर आत्ताच तुमच्या बँकेच्या फॉरेन डिपार्टमेंटला भेटा किंवा तुमच्या CA सोबत बोला. हा फॉर्म वेळेत भरून घ्या म्हणजे तुमचे कष्टाचे पैसे कसलाही त्रास न होता तुमच्या खात्यात येतील.