Android वर संपला फ्रॉडचा खेळ! बँकिंग अ‍ॅप्ससाठी Google घेऊन आला इन-कॉल स्कॅम प्रोटेक्शन, अशा पद्धतीने करणार काम

Google New Features: अँड्रॉईड स्मार्टफोन्सवर आता कॉल्सद्वारे स्कॅमर्स तुमचे पैसे लुटू शकणार नाहीत. कारण गुगलने अँड्रॉईड यूजर्ससाठी एक नवीन फीचर लाँच केलं आहे. यामुळे यूजर्सना अतिरिक्त सुरक्षा मिळणार आहे.

• अँड्रॉयईचे स्कॅम प्रोटेक्शन फीचर्स यूजर्सना देणार अतिरिक्त सुरक्षा
• नवीन फीचरसाठी गुगलने बँकांसोबत पार्टनरशिप केली
• यूजर्सना मिळणार 30 सेंकंदांचा पॉज पीरियड

Google ने यूएसमध्ये त्यांचे नवीन इन-कॉल स्कॅम प्रोटेक्शन फीचर लाँच केले आहे. टेक जायंटने हे फीचर मार्केटमध्ये लाँच करण्यासाठी फिनटेक अ‍ॅप्स आणि बँकांसह पार्टनरशिप केली आहे. जर यूजर्स स्क्रीन शेअरिंग दरम्यान कोणत्याही अनोळखी नंबरवर कॉलवर आहेत आणि एखाद्या पार्टिसिपेटिंग फाइनेंशियल अ‍ॅपचा वापर करत असतील तर हे फीचर यूजर्सना अलर्ट करते. ही सिस्टम संभाव्य फाइनेंशियल स्कॅमबाबत अलर्ट देते आणि एका टॅपवर कॉल संपवण्याचा आणि स्क्रीन शेअरिंगचा ऑप्शन देतो. गूगलने आधीच यूकेमध्ये आधीच एक पायलट लाँच केला होता.

Apps Ban: सरकारची मोठी कारवाई! देशातील तब्बल 87 फ्रॉड लोन अ‍ॅप्सवर घातली बंदी, तुमच्या फोनमध्ये तर हे अ‍ॅप्स नाहीत ना?

अँड्रॉयईचे स्कॅम प्रोटेक्शन फीचर्स आता यूएसमध्ये उपलब्ध

सर्च जायंटने घोषणा केली आहे की, यूएसमध्ये डिव्हाईससाठी अँड्रॉईड इन-कॉल स्कॅम प्रोटेक्शनचे पायलट प्रोग्राम वाढवले जात आहेत. कंपनीने यूजर्सची सुरक्षा अधिक वाढावी, यासाठी हे नवीन फीचर डिझाईन केलं आहे. या लेटेस्ट सेफ्टी फीचर रोलआउट करण्यासाठी कंपनीने Cash App आणि JPMorgan Chase सारख्या बँकांसोबत पार्टनरशिप केली आहे.  (फोटो सौजन्य – Pinterest)

या प्रोग्रामचा उद्देश यूजर्सना स्कॅमपासून सुरक्षा देणं हा आहे. जेव्हा स्कॅमर्स यूजर्सना कॉल दरम्यान फोनची स्क्रीन शेअर करायला लावतात आणि महत्त्वाचा डेटा अ‍ॅक्सेस करतात, पैसे ट्रान्सफर करतात आणि दुर्भावनापूर्ण अ‍ॅप्स इन्स्टॉल करतात, अशावेळी हे नवीन फीचर यूजर्सना अलर्ट पाठवते. हे नवीन फीचर स्कॅम ओळखण्यासाठी आणि स्कॅमपासून यूजर्सना सुरक्षा देण्यासाठी तयार करण्यात आले आहे. जिथे फसवणूक करणारे यूजर्सना त्यांची स्क्रीन शेअर करण्यास प्रवृत्त करतात जेणेकरून ते बँक खात्याची माहिती मिळवू शकतील आणि पैशाचे व्यवहार सुरू करू शकतील.

या प्रोग्रामअंतर्गत, जेव्हा एखादा यूजर स्क्रीन करताना किंवा अनोळखी व्यक्तीसोबत फोनवर बोलताना एखादा सपोर्टेड फाइनेंशियल अ‍ॅप ओपन करतो, तेव्हा यूजर्सचे अँड्रॉईड हँडसेट संभाव्य धोक्यांबद्दल यूजर्सना अलर्ट पाठवते. हे फीचर यूजर्सना तात्काळ कॉल बंद करण्याचा ऑप्शन देखील देतो. गूगलचं असं म्हणणं आहे की, अलर्टमध्ये यूजर्सना स्क्रीन शेअर करण्यापूर्वी किंवा सपोर्टेड फाइनेंशियल अ‍ॅप ओपन करण्यापूर्वी 30 सेंकंदांचा पॉज पीरियड दिला जातो. ज्यामुळे यूजर्सना पुन्हा एकदा विचार करण्याची संधी दिली जाते. यामुळे तुम्हाला स्कॅमरच्या सोशल इंजिनिअरिंगच्या जाळ्याला तोडण्यासाठी थोडा वेळ मिळतो.

Flipkart Buy Buy 2025 Sale: ऑफर्सचा धमाका अजूनही सुरुच! स्मार्टफोन्सच्या खरेदीवर करा हजारो रुपयांची बचत, या आहेत पैसा वसून डिल्स

गूगलने या वर्षाच्या सुरुवातीला यूकेमध्ये फाइनेंशियल अ‍ॅप्ससाठी इन-कॉल प्रोटेक्शन मिळावे, यासाठी एक पायलट लाँच केला होता. कंपनीने दावा केला आहे की, त्यांनी हजारो यूजर्सना संशयास्पद कॉल थांबवण्यास सांगून संभाव्य घोटाळे टाळण्यास मदत केली आहे. गूगलने ब्राझील आणि भारतीय बाजारांमध्ये अशाच प्रकराचे पायलट लाँच केले आहेत.