Google Maps च्या मदतीने सहज बुक करता येईल मेट्रोचे तिकिट! EV चालकांसाठी महत्त्वाची अपडेट

गुगल मॅप्सने आपल्या युजर्ससाठी नवीन अपडेट आणले आहे. याच्या अंतर्गत आता युजर्स मेट्रो तिकिट बुक कारण्यासह अनेक फीचर्सचा लाभ घेऊ शकतात. यात EV वाहन चालकानासाठीही महत्त्वाचे अपडेट देण्यात आले आहे. (फोटो सौजन्य: Pinterest)

तुम्हीही गुगल मॅपचा वापर करत असाल तर आजची ही बातमी तुमच्यासाठी फायद्याची ठरणार आहे. गुगल मॅप्स हे गुगलचे एक अत्यावश्यक सुविधा आहे, जे एखाद्या ठिकाणाच्या स्थानाविषयी माहिती प्रदान करणे, नेव्हिगेशन तपासणे आणि नवीन स्थान शोधणे यासाठी उपयुक्त ठरते. गुगल मॅप्स हे गाडी चालवणाऱ्या लोकांसाठी एक महत्त्वाचे साधन आहे कारण त्याच्या मदतीने नेव्हिगेशन खूप सोपे होते.

गुगल मॅप्स आपल्या ग्राहकांना अधिक चांगला अनुभव देण्यासाठी सतत काम करत राहतो. हा ट्रेंड सुरू ठेवत, गुगल मॅप्सने काही नवीन सुविधांच्या समर्थनासह त्याचे ॲप अपडेट केले आहे. यामुळे आता याचे नेव्हिगेशन अनुभव सुधारेल आणि इलेक्ट्रिक वाहन (EV) चार्जिंग स्टेशन शोधणे आणि अगदी मेट्रो तिकीट बुक करणे सोपे करेल. आज आम्ही तुम्हाला याबद्दल सविस्तर माहिती सांगणार आहोत.

गुगल मॅप्सने लाँच केले नवीन फीचर्स

• गुगल मॅप्सने आपल्या मोबाईल ॲपमध्ये अनेक नवीन फीचर्स आणले आहेत, ज्यामुळे युजर्सचे आयुष्य अधिक सोपे होईल
• या नवीन वैशिष्ट्यांमध्ये उड्डाणपुलांची माहिती, लहान रस्त्यांवर नेव्हिगेट करण्यात मदत आणि EV चालकांना जवळपासचे चार्जिंग स्टेशन शोधण्यात मदत होईल
• यासह, युजर्स Google Maps ॲपवरून मेट्रो तिकीट बुक करू शकतील आणि ॲपवर रस्ते अपघाताची तक्रार करू शकतील

EV चार्जिंग स्टेशन

• यासोबतच गुगल मॅपने आता EV (Electric vehicle) चार्जिंग स्टेशनचीही माहिती दाखवायला सुरुवात केली आहे
• यासाठी कंपनीने Ather, Electricpay, Kazam आणि Static सोबत भागीदारी करून देशातील 8,000 हून अधिक चार्जिंग स्टेशनची माहिती दिली आहे
• कंपनीची माहिती आणि चार्जिंग स्टेशनच्या प्लग प्रकारासह याच्याशी संबंधित सर्व माहिती तुमच्या स्क्रीनवर प्रदर्शित केली जाईल
• याशिवाय, तुम्ही स्टेशन रिअल टाइममध्ये सुरू आहे की नाही हे याद्वारे देखील तपासू शकता
• गुगलने प्रथमच दुचाकींसाठी ईव्ही चार्जिंग स्टेशनची माहिती प्रदान करायला सुरुवात केली आहे

हेदेखील वाचा –  Jio-Airtel च्या या रिचार्ज प्लॅनची किंमत आहे 200 रुपयांहून कमी! अनलिमिटेड कॉलिंग आणि डेटासह मिळतात अनेक फीचर्स

मेट्रो तिकिट बुकिंग

• गुगल मॅप्सने आपल्या यूजर्ससाठी एक खास अपडेट आणले आहे
• या नवीन अपडेटच्या मदतीने तुम्ही आता गुगल मॅपवर मेट्रोचे तिकीट बुक करू शकता
• यासाठी कंपनीने ONDCआणि नम्मा यात्रीसोबत भागीदारी केली आहे
• त्याच्या मदतीने, युजर्स कोची आणि चेन्नईमध्ये मेट्रो मार्गावर प्रवास करताना तिकीट बुक करू शकतात