आजच्या काळात मोबाईल फोन ही प्रत्येकाची मूळ गरज बनली आहे. बँकिंग, ऑनलाइन पेमेंट, मनोरंजन, तिकीट बुकिंग, शिक्षण आणि ऑनलाइन शॉपिंग यांसारखी आपली अनेक कामे मोबाईल फोनद्वारे सहज केली जातात. ही सर्व कामे सुरू राहण्यासाठी मोबाईलमध्ये योग्य नेटवर्क असणे आवश्यक आहे. अनेकदा प्रॉपर नेटवर्क नसल्यामुळे किंवा नेटवर्कशी वारंवार जोडणी न झाल्यामुळे अनेक समस्यांना तोंड द्यावे लागते. पण, तुम्हाला माहीत आहे का? आता तुम्ही तुमच्या मोबाईल नेटवर्कची स्ट्रेंथ सहज तपासू शकता? फक्त यासाठी तुम्हाला एक सोप्या ट्रिकचा वापर करावा लागेल.
वास्तविक, जेव्हा आपण कुठेतरी जातो किंवा प्रवास करतो तेव्हा आपल्याला आपल्या मोबाईलमध्ये नेटवर्कच्या मोठ्या समस्यांचा सामना करावा लागतो. अनेक वेळा मोबाईल नेटवर्क टॉवर दिसत असतानाही योग्य कनेक्टिव्हिटी मिळत नाही. तुम्हालाही अशा प्रकारचा त्रास होत असेल तर आजचीबत्तमी तुमच्यासाठी महत्त्वाची ठरणार आहे. आज आम्ही तुम्हाला मोबाईलमधील नेटवर्क कसा तपासायचा याबाबत सविस्तर माहिती देत आहोत.
हेदेखील वाचा – फ्रीमध्ये Netflix शो बघायचे आहेत? मग ‘हा’ जुगाड येईल कामी
आम्ही तुम्हाला सांगतो की, असे अनेक ॲप्स उपलब्ध आहेत ज्याद्वारे तुम्ही तुमच्या मोबाईल नेटवर्कची स्ट्रेंथ म्हणजेच सिग्नलची स्ट्रेंथ तपासू शकता. तुम्हाला तुमच्या क्षेत्रातील BSNL, Jio, Airtel किंवा Vodafone Idea चे सिग्नल देखील तपासायचे असतील तर तुम्ही Opensignal ॲप वापरू शकता. त्याच्या मदतीने, तुम्हाला कळेल की तुमच्या क्षेत्रात कोणते सिम कार्ड नेटवर्क योग्यरित्या कार्य करते. BSNL, Jio किंवा Airtel कोणाचे नेटवर्क आहे हे जाणून घेण्यासाठी तुम्हाला OpenSignal ॲप इंस्टॉल आणि सेटअप करावे लागेल. ॲप सेट केल्यानंतर तुम्ही ते ओपन केल्यावर तुम्हाला चार पर्याय दिसतील.
वर नमूद केलेल्या पर्यायांपैकी, तुम्ही तिसऱ्या पर्यायावर जाऊन विविध कंपन्यांच्या नेटवर्कची उपस्थिती आणि स्ट्रेंथ याविषयी सहज माहिती घेऊ शकता. नेटवर्क प्रेझेन्स दाखवण्यासोबतच हे ॲप तुमच्या क्षेत्राचा नकाशाही दाखवेल. नेटवर्क उपलब्ध झाल्यावर तुम्हाला हिरवा बिंदू दिसेल. आम्ही तुम्हाला सांगतो की या ॲपमध्ये तुम्हाला ऑल ऑपरेटरचा पर्याय देखील मिळेल, ज्याद्वारे तुम्ही Jio, Airtel, BSNL आणि Vi चे नेटवर्क सहज तपासू शकाल. जर तुम्ही नवीन सिम कार्ड खरेदी करणार असाल तर या ॲपच्या मदतीने तुम्हाला नेटवर्कबद्दल योग्य माहिती मिळू शकते.
