गुरुवार, 12 नोव्हेंबर 2026
Improve Breathing and Respiratory Health During Air Pollution ( वायू प्रदूषणाच्या काळात श्वसनक्रिया आणि श्वसन-आरोग्य सुधारा) फोटो सौजन्य AI
सध्या मुंबई आणि इतर शहरांमध्ये हवेची गुणवत्ता खालावत चालली आहे.या वातावरणात श्वास घेणअयास लोकांना त्रास होतोय. अशा प्रदूषित हवेत राहिल्याने खोकला, घशाला खवखव, श्वास घेण्यास त्रास आणि फुफ्फुसांशी संबंधित समस्यांचा धोका वाढू लागला आहे.
आजारी माणसांसाठी विशेषतः दमा किंवा श्वसनाचे विकार असलेल्या व्यक्तींना याचा अधिक त्रास जाणवू लागल्याने फुफ्फुसांचे आरोग्य जपण्यासाठी योग्य काळजी घेणे गरजेचे आहे.
यासाठी तुम्ही योगाभ्यासाची मदत घेऊ शकता. काही योगासनांमुळे शरीराची लवचिकता, श्वसनाचा सराव आणि शरीराचा समतोल सुधारण्यास मदत होते. अशीच 4 योगासने कोणती आणि ती कशी करावीत, जाणून घेऊया.
हे आसन करताना सर्वप्रथम योगा मॅटवर सरळ उभे राहा. दोन्ही पायांमध्ये योग्य अंतर ठेवा आणि गुडघे सरळ ठेवा. आता दीर्घ श्वास घेत दोन्ही हात डोक्याच्या वर घ्या. दोन्ही तळहात एकमेकांना जोडा. त्यानंतर शरीराची क्षमता लक्षात घेऊन हात आणि छातीचा भाग हळूहळू मागच्या दिशेने न्या. काही सेकंद या स्थितीत राहिल्यानंतर पुन्हा सरळ उभे राहा.
World Pneumonia Day: हवेतील प्रदूषणामुळे न्यूमोनियाचा धोका वाढू शकतो, तज्ज्ञांचा इशारा
ताडासन करण्यासाठी सर्वातआधी आपले दोन्हा पाय एकमेकांना जोडून सरळ उभे करावे. मग हळूहळू टाचा जमिनीवरून वर उचलावे आणि पायाच्या बोटांवर उभे राहण्याचा प्रयत्न करावे.
त्याचवेळी दोन्ही हात डोक्याच्या वर घ्या आणि हातांची बोटे एकमेकांत गुंफा. शरीराचा तोल सांभाळत दीर्घ श्वास घ्या. काही सेकंद या स्थितीत राहिल्यानंतर हळूहळू टाचा जमिनीवर ठेवा आणि हात खाली आणा.
हे आसन करण्यासाठी सर्वप्रथम दोन्ही पायांमध्ये अंतर ठेवून सरळ उभे राहा. त्यानंतर उजव्या बाजूला शरीर वाकवा. उजवा हात जमिनीवर टेकवा आणि डावा हात वरच्या दिशेला घ्या. या वेळी शरीराचा समतोल राखण्याचा प्रयत्न करा. काही सेकंद या स्थितीत राहून सामान्य स्थितीत या. त्यानंतर दुसऱ्या बाजूनेही या आसनाचा सराव करा.
या आसनाला कॅमल पोझ म्हणतात. यासाठी सर्वप्रथम योगा मॅटवर गुडघ्यांवर बसा. दोन्ही गुडघ्यांमध्ये योग्य अंतर ठेवा. आता दीर्घ श्वास घ्या, हळूहळू शरीर मागच्या बाजूला वाकवा.
दोन्ही हातांनी पायांच्या टाचा पकडण्याचा प्रयत्न करा. यावेळी छातीचा भाग वरच्या दिशेने उचला आणि मान शरीराच्या क्षमतेनुसार मागे न्या. काही सेकंद या स्थितीत राहिल्यानंतर सावकाश पूर्व स्थितीत आणा.
