iPhone 16 सिरीजमध्ये चार नवीन मॉडल्स लाँच केले जाणार! किंमत आणि फीचर्स झालेत लीक, जाणून घ्या

आगामी iPhone 16 सिरीजमध्ये चार नवीन मॉडेल्स लाँच केले जाणार आहेत. या सिरीजचे अनावरण पुढील महिन्यात केले जाणार असून आता यामधील चारही मॉडेल्सचे डिटेल्स ऑनलाईन लीक झाले आहेत. तथापि यांच्या रंगाची पुष्टी अधिकृतपाने अद्याप करण्यात आलेली नाही. चारही मॉडेल्सची किंमत आणि स्पेसीफिएक्शन्स विषयी सविस्तर जाणून घ्या.

ॲपलची iPhone 16 सीरीज पुढील महिन्यात लाँच होणार आहे ज्या अंतर्गत iPhone 16, iPhone 16 Plus, iPhone 16 Pro आणि iPhone 16 Pro Max हे चार मॉडल्स लाँच केले जातील. ॲपलने अद्याप कोणत्याही फोनच्या किंमती आणि फीचर्सबाबत अधिकृत माहिती दिलेली नाही, मात्र एका नवीन लीक झालेल्या रिपोर्टमध्ये किंमतीपासून ते फीचर्सपर्यंतची माहिती देण्यात आली आहे. रिपोर्टमध्ये असे म्हटले जात आहे की, iPhone 16 सीरीजच्या सर्व मॉडेल्समध्ये Apple Intelligence AI सपोर्ट असेल.

iPhone 16 सिरीजची किंमत

• iPhone 16 च्या रेग्युलर मॉडेलची किंमत $799 म्हणजेच सुमारे 67,100 रुपये असेल. ही किंमत 128 GB स्टोरेज मॉडेलसाठी असेल
• तर iPhone 16 Plus ची सुरुवातीची किंमत $899 म्हणजेच सुमारे 75,500 रुपये आहे
• iPhone 16 Pro ची सुरुवातीची किंमत $1,099 म्हणजेच सुमारे 92,300 रुपये असेल
• iPhone 16 Pro Max ची किंमत $1,199 म्हणजेच सुमारे 1,00,700 रुपये असेल

हेदेखील वाचा – BSNL च्या 4G सिममध्ये आता 5G चालणार! नवीन सर्व्हिस लाँच

iPhone 16, iPhone 16 Plus चे स्पेसीफिएक्शन्स

iPhone 16 आणि iPhone 16 Plus या दोन्ही मॉडेल्समध्ये A18 चिपसेट उपलब्ध असेल. याशिवाय यात 8GB रॅम आणि Apple Intelligence चा सपोर्ट देखील असेल. नियमित मॉडेलमध्ये 60Hz रिफ्रेश रेटसह 6.1-इंच स्क्रीन असेल आणि iPhone 16 Plus मध्ये 6.7-इंच स्क्रीन असेल.

iPhone 16 सिरीजची बॅटरी

iPhone 16 मध्ये 3,561mAh ची मोठी बॅटरी असू शकते, तर iPhone 16 Plus मध्ये 4,006mAh युनिट असू शकते. iPhone 16 Pro मध्ये 3,577mAh बॅटरी असेल, तर iPhone 16 Pro Max मध्ये 4,676mAh बॅटरी असू शकते. iPhone 16 सिरीज 40W वायर्ड फास्ट चार्जिंग आणि 20W MagSafe चार्जिंगसह येऊ शकतो.