Instagram रील्समध्ये ‘वॉच हिस्ट्री’चे दमदार फीचर लॉन्च! पाहिलेली रील पुन्हा कशी बघायची? जाणून घ्या येथे

इंस्टाग्रामचे सीईओ अॅडम मोसेरी यांनी याबद्दल माहिती शेअर केली आहे ज्यामध्ये त्यांनी सांगितले आहे की आतापासून इन्स्टाग्राममधील रीलसाठी वॉच हिस्ट्री फीचर आले आहे.

• Instagram रील्समध्ये ‘वॉच हिस्ट्री’चे दमदार फीचर लॉन्च!
• पाहिलेली रील पुन्हा कशी बघायची?
• जाणून घ्या येथे

आजकाल प्रत्येकजण इन्स्टाग्रामच्या रील्समध्ये (Instagram Reels) स्क्रोल करण्यात व्यस्त असतो. परंतु, रील स्क्रोल करतानाची एक मोठी समस्या अशी होती की, एखादी रील एकदा पाहिली आणि ती गमावली तर ती पुन्हा शोधणे शक्य नव्हते. युजर्सचा हा अनुभव अधिक आनंददायक बनवण्यासाठी, इन्स्टाग्रामने आता ‘वॉच हिस्ट्री’ (Watch History) हे शक्तिशाली आणि बहुप्रतिक्षित फीचर लाँच केले आहे.

इन्स्टाग्रामच्या सीईओकडून घोषणा

इन्स्टाग्रामचे सीईओ ॲडम मोसेरी यांनी एका व्हिडिओद्वारे या नवीन फीचरबद्दल माहिती शेअर केली.

• मोसेरींचे विधान: त्यांनी सांगितले, “आशा आहे की, आतापासून, तुम्हाला अशा गोष्टी सापडतील ज्या तुम्हाला पूर्वी सापडल्या नाहीत आणि ते तुमच्यासाठी सोपे होईल.”
• मोसेरींनी ही घोषणा करताच, इन्स्टाग्राम युजर्सनी त्यांचे आभार मानले आणि सकारात्मक प्रतिक्रियांचा वर्षाव केला.

iPhone 17 Pro Max चा Cosmic Orange मॉडेल बदलतोय रंग? युजर्स झाले चकित, खरं कारण वाचून तुम्हालाही बसेल धक्का

‘वॉच हिस्ट्री’ फीचर कसे मिळवायचे?

तुम्ही खालील सोप्या स्टेप्स फॉलो करून हे नवीन फीचर वापरू शकता:

• सर्वात आधी तुमचे इन्स्टाग्राम ॲप उघडा.
• सेटिंग्ज (Settings) मध्ये जा.
• तुमची ॲक्टिव्हिटी (Your Activity) हा पर्याय निवडा.
• येथे तुम्हाला वॉच हिस्ट्री (Watch History) हे नवीन फीचर मिळेल. यामध्ये तुम्ही पूर्वी पाहिलेल्या सर्व रील्स दिसतील.

या फीचरची गरज का होती?

इन्स्टाग्रामवर रील पाहताना, कॉल आल्यास, ॲप रिफ्रेश केल्यास किंवा चुकून कुठेही टॅप झाल्यास, रील निघून जायचे आणि दुसरे रील दिसायचे. यामुळे आवडलेली रील पुन्हा पाहणे शक्य होत नव्हते. लाखो युजर्स अनेक दिवसांपासून या समस्येबद्दल तक्रार करत होते. युजर्सची मागणी पूर्ण करण्यासाठी इन्स्टाग्रामच्या सपोर्ट आणि टेक टीमने हे ‘वॉच हिस्ट्री’ फीचर विकसित केले आहे.

वाढता सायबर फ्रॉड थांबवण्यासाठी टेलिकॉम विभाग लागू करणार नवे नियम! या कंपन्यांना करावे लागणार मोबाईल नंबर व्हेरिफिकेशन