iPhone 18 Pro: उद्यापासून सुरू होणार विक्री, A20 Pro चिपसेट, 48MP कॅमेरा आणि 6.9 इंच डिस्प्ले

iPhone 18 Pro: ॲपलची नवीन आयफोन १८ प्रो सिरीज उद्या, १८ सप्टेंबर रोजी विक्रीसाठी उपलब्ध होईल. ग्राहकांना ॲपलच्या वेबसाइटवरून खरेदी केल्यास ₹७,००० कॅशबॅक आणि एक्सचेंज ऑफर्सचा लाभ घेता येईल

• iPhone 18 Pro सिरीजची विक्री १८ सप्टेंबरला होणार सुरू 

• रू. 7000 चा त्वरीत कॅशबॅक आणि आकर्षक एक्स्चेंज ऑफरही उपलब्ध 

• A20 Pro चिपेसेट, 48MP कॅमेरा आणि 6.9 इंच डिस्प्लेसारखे फिचर्स 

iPhone 18 Pro: अ‍ॅपलने अलीकडेच आपली नवीन आयफोन 18 प्रो सिरीज लाँच केली आहे, ज्यामध्ये नवीन आयफोन 18 प्रो आणि आयफोन 18 प्रो मॅक्स मॉडेल्सचा समावेश आहे. या नवीन डिव्हाइसेसची विक्री उद्या, १८ सप्टेंबरपासून सुरू होणार आहे. कंपनीने ९ सप्टेंबर रोजी आपल्या ‘सरप्राईज अँड शाईन’ इव्हेंटमध्ये हे दोन्ही स्मार्टफोन्स लॉन्च केले.

त्यामुळे, जर तुम्ही नवीन आयफोन खरेदी करण्याचा विचार करत असाल, तर तुम्ही अ‍ॅपलच्या अधिकृत वेबसाइटवरून खरेदी करून ₹७,००० पर्यंतचा इन्स्टंट कॅशबॅक मिळवू शकता. तुमचे जुने डिव्हाइस एक्सचेंज करून किंमत आणखी कमी केली जाऊ शकते.

iPhone 18 Pro Pre-Booking India: iPhone 18 Pro घेण्याची तयारी? Pre-Booking आजपासून; वेळ आणि ऑफर्सची संपूर्ण माहिती

आयफोन 18 प्रो सिरीजसाठी किंमती आणि ऑफर्स

किंमतींच्या बाबतीत, आयफोन 18 प्रो च्या २५६ जीबी स्टोरेज मॉडेलची किंमत ₹१,६४,९०० पासून सुरू होते, तर टॉप-एंड २ टीबी मॉडेलची किंमत ₹३,१४,९०० आहे. आयफोन 18 प्रो मॅक्सची किंमत ₹१,७९,९०० पासून सुरू होते आणि त्याच्या २ टीबी व्हेरिएंटची किंमत ₹३,२९,९०० आहे.

तथापि, पात्र बँक कार्ड वापरून ॲपलच्या वेबसाइटवरून ₹7,000 च्या इन्स्टंट कॅशबॅकसह दोन्ही डिव्हाइसेस खरेदी करता येतात. यामुळे आयफोन 18 प्रो ची प्रभावी किंमत ₹1,57,900 आणि आयफोन 18 प्रो मॅक्स ची किंमत ₹1,72,900 होते. याव्यतिरिक्त, ॲपल जुने डिव्हाइस एक्सचेंज करण्यासाठी ₹45,000 ते ₹81,500 पर्यंतचे एक्सचेंज मूल्य देत आहे. तथापि, एक्सचेंज मूल्य जुन्या डिव्हाइसचे मॉडेल, स्थिती आणि इतर अटींवर अवलंबून असेल.

आयफोन 18 प्रो आणि प्रो मॅक्सची वैशिष्ट्ये

वैशिष्ट्ये: आयफोन 18 प्रो मध्ये 6.3-इंचाचा डिस्प्ले आहे, तर आयफोन 18 प्रो मॅक्स मध्ये 6.9-इंचाचा 120Hz LTPO सुपर रेटिना XDR OLED डिस्प्ले आहे. दोन्ही फोन HDR10 आणि डॉल्बी व्हिजनला सपोर्ट करतात. कमाल ब्राइटनेस 3,000 nits पर्यंत पोहोचू शकतो. त्यामध्ये सिरेमिक शील्ड २ (Ceramic Shield 2) आणि अँटी-रिफ्लेक्टिव्ह कोटिंग (anti-reflective coating) देखील आहे.

परफॉर्मन्ससाठी, दोन्ही डिव्हाइसेसमध्ये २nm प्रोसेसवर आधारित अगदी नवीन A20 प्रो चिपसेट आहे. ते १२GB पर्यंत रॅम आणि २५६GB, ५१२GB, १TB, आणि २TB स्टोरेज पर्यायांसह येतात. दोन्ही फोन iOS 27 वर चालतात.

iPhone 18 Pro vs Mutual Funds: नवीन iPhone 18 चा मोह टाळा, म्युच्युअल फंडात पैसे गुंतवा! ५ वर्षांत किती होऊ शकतो पैशांचा खेळ?

आयफोन १८ प्रो आणि प्रो मॅक्सचे कॅमेरा स्पेसिफिकेशन्स

फोटोग्राफीसाठी, दोन्ही डिव्हाइसेसमध्ये ट्रिपल रियर कॅमेरा सेटअप आहे. या फोनमध्ये ४८MP प्रायमरी कॅमेरा, ४८MP पेरिस्कोप टेलीफोटो कॅमेरा आणि ४८MP अल्ट्रावाइड कॅमेरा असेल. टेलीफोटो कॅमेऱ्यामध्ये ४x ऑप्टिकल झूम सपोर्ट आहे. त्यामध्ये LiDAR सेन्सर आणि १८MP फ्रंट कॅमेरा देखील आहे.

बॅटरीबद्दल बोलायचे झाल्यास, नवीन आयफोन १८ प्रो eSIM मॉडेलवर ३६ तासांपर्यंत व्हिडिओ प्लेबॅक देईल आणि प्रो मॅक्स ४५ तासांपर्यंत व्हिडिओ प्लेबॅक वेळ देईल. तुम्ही दोन्ही उपकरणे बरगंडी, ग्लेशियर, सिल्व्हर आणि ब्लॅक रंगांमध्ये खरेदी करू शकाल.