Jio vs Airtel: खिशाला परवडणारा डेटा प्लॅन कोणाचा? Jio-Airtel च्या स्वस्त रिचार्जमध्ये चुरस!

Jio vs Airtel: जिओ आणि एअरटेलमध्ये स्वस्त डेटा रिचार्ज प्लॅन्सवरून स्पर्धा सुरू आहे. जिओने 15 रुपयांचा अनलिमिटेड 5G डेटा पॅक उपलब्ध केला आहे. तर एअरटेलकडे 22 रुपयांचा 1GB डेटा आणि 49 रुपयांचा अनलिमिटेड डेटा पॅक आहे.

• जिओचा 15 रुपयांचा अनलिमिटेड 5G डेटा पॅक.
• एअरटेलचा 22 रुपयांत 1GB डेटा, 24 तास वैधता.
• एअरटेलच्या 49 रुपयांच्या पॅकवर 20GB नंतर स्पीड कमी.

रोजचा नेट लवकर संपतो का? मग ही बातमी तुमच्यासाठीच आहे. जिओ आणि एअरटेल या दोन्ही कंपन्यांमध्ये सध्या स्वस्त डेटा पॅक देण्यासाठी जोरदार स्पर्धा चालू आहे. जिओने 5 नोव्हेंबरपासून 15 रुपयांचा नवीन पॅक आणला आहे. आणि त्याला टक्कर द्यायला एअरटेलकडे पण 22 आणि 49 रुपयांचे पॅक आहेत. Jio vs Airtel:

कोणता पॅक घ्यायचा?

1. जिओचा 15 रुपयांचा पॅक

जिओचा हा पॅक सगळ्यात स्वस्त आणि सगळ्यात जास्त फायदा देणारा आहे.

किंमत – फक्त 15 रुपये
डेटा – पूर्णपणे अनलिमिटेड 5G
डेटा, याला कोणतीही मर्यादा नाही
वैधता – रिचार्ज केल्यापासून पूर्ण 24 तास

म्हणजे तुम्ही सकाळी 10 वाजता रिचार्ज केला तर दुसऱ्या दिवशी सकाळी 10 वाजेपर्यंत चालेल. पण एक अट आहे, तुमच्याकडे 5G फोन असला पाहिजे आणि तुमच्या भागात जिओचं ट्रू 5G नेटवर्क असलं पाहिजे.

2. एअरटेलचा 22 रुपयांचा पॅक

एअरटेलने ज्यांना थोडा डेटा पाहिजे त्यांच्यासाठी हा पॅक आणलाय.

किंमत – 22 रुपये
डेटा – फक्त 1GB हाय स्पीड डेटा
वैधता – पूर्ण 24 तास

तुमचा रोजचा डेटा संपला आणि एखादं महत्वाचं काम करायचं आहे, एक व्हिडिओ बघायचा आहे, तर हा 1GB चा पॅक कामाला येतो. पण 1GB संपला की नेट बंद.

Jio 15 Rupees Plan: मोठ्या फाइल्स डाउनलोड करा बिनधास्त! Jio चा 15 रुपयांचा डेटा पॅक

3. एअरटेलचा 49 रुपयांचा पॅक

जास्त नेट वापरणाऱ्यांसाठी एअरटेलने हा पॅक ठेवलाय.

किंमत – 49 रुपये
डेटा – अनलिमिटेड सांगतात, पण त्यात एक गंमत आहे
वैधता – फक्त 1 दिवस, पण 24 तास नाही

एअरटेल म्हणतं अनलिमिटेड, पण दिवसाला 20GB वापरल्यावर स्पीड एकदम कमी होतो, 64Kbps वर येतो. म्हणजे नंतर नेट चालेल पण कासवाच्या गतीने. आणि सगळ्यात मोठा तोटा म्हणजे हा पॅक रात्री 11:59 वाजता संपतो. तुम्ही रात्री 10 वाजता रिचार्ज केला तर फक्त 2 तासच मिळणार. पैसे वाया.

मग नक्की कोणता बेस्ट आहे?

तिन्ही पॅक समोर ठेवले तर जिओचा 15 रुपयांचा पॅक सगळ्यात भारी ठरतो. का ते बघा.

पहिलं, पैशाचा हिशोब. एअरटेल 22 रुपयात फक्त 1GB देतं, तर जिओ 15 रुपयात अनलिमिटेड देतं. म्हणजे 7 रुपये कमी देऊन जास्त डेटा मिळतो. दुसरं, 49 रुपयांच्या पॅकशी तुलना केली तर जिओ 34 रुपयांनी स्वस्त आहे. आणि एअरटेलमध्ये 20GB नंतर स्पीड कमी होतो, पण जिओमध्ये असं काही नाही. जिओमध्ये कितीही वापरा.

तिसरं, वेळेचा नियम. जिओ आणि एअरटेलचा 22 रुपयांचा पॅक पूर्ण 24 तास चालतो. पण एअरटेलचा 49 रुपयांचा पॅक रात्री 12 ला संपतो. रात्री रिचार्ज केला तर नुकसानच.

Airtel यूजर्सची चांदी! या प्लॅनमध्ये मिळणार 84 दिवसांची व्हॅलिडीटी अन् रोज 2GB डेटा… किंमत 1000 रुपयांहून कमी

शेवटी काय करायचं?

जर तुमच्याकडे 5G फोन असेल आणि जिओचं नेटवर्क चांगलं असेल तर डोळे झाकून जिओचा 15 रुपयांचा पॅक घ्या. हाच सगळ्यात शहाणपणाचा निर्णय आहे. एअरटेल वापरणाऱ्यांसाठी 22 रुपयांचा पॅक तात्पुरत्या कामासाठी ठीक आहे. पण जास्त नेट लागत असेल तर 49 रुपयांचा पॅक घेणं म्हणजे पैसे फुकट घालवण्यासारखं आहे.