तुमचं आधार कार्ड कोणी दुसरं वापरतय का? कसं शोधाल? जाणून घ्या संपूर्ण प्रोसेस

आधार कार्ड हे भारतीयांसाठी प्राथमिक ओळखपत्र बनले आहे. आधार कार्ड तुम्हाला तुमच्या अनेक कामांमध्ये मदत करते. तुम्ही काही सोप्या स्टेप्स फॉलो करून तुमच्या आधार कार्डचा कोणी गैरवापर करत आहे का, हे जाणून घेऊ शकता.

प्रत्येक भारतीय व्यक्तिसाठी आधार कार्ड हा एक अत्यंत महत्त्वाचा डॉक्युमेंट आहे. भारतीयांसाठी, आधार कार्ड एक कागदपत्र आहे जो 12 अंकी युनिक आयडीसह येतो जो तुमची ओळख सिद्ध करतो. अनेक सरकारी कामांसाठी आधार कार्डची गरज असते. परंतु फसवणूक किंवा फ्रॉडर्स तुमच्या आधार कार्डच्या डिटेल्सचा गैरवापर देखील करू शकतात. अशा परिस्थितीत, सावधगिरी बाळगण्यासाठी तुम्ही आधार वापराचा इतिहास तपासू शकता. पण यासाठी तुम्हाला काही प्रोसेस फॉलो करावी लागेल.

आधार कार्डसंबंधित बातम्या वाचण्यासाठी इथे क्लिक करा

आधार कार्ड हे भारतीयांसाठी प्राथमिक ओळखपत्र बनले आहे. हा 12 अंकी युनिक आयडी सरकारी सेवा, बँकिंग सुविधा आणि टेलिकॉम कनेक्शनसाठी खूप महत्त्वाचा आहे. हे एक असे डॉक्युमेंट आहे जे तुम्हाला तुमच्या अनेक कामांमध्ये मदत करते. पण जर तुम्ही तुमचं आधार कार्ड काळजीपूर्वक वापरलं नाही, तर तुमच्या आधार कार्डचा गैरवापर केला जाऊ शकतो. गेल्या काही वर्षांत अशा अनेक घटना घडल्या आहेत ज्यात फसवणूक करणाऱ्यांनी आर्थिक फसवणूक करण्यासाठी चोरी केलेल्या आधार कार्ड डिटेल्सचा वापर केला आहे. (फोटो सौजन्य – pinterest)

अनेक वेळा, फसवणूक करणाऱ्यांनी अनेक सेवांमध्ये अनधिकृतपणे प्रवेश देखील केला आहे. ही घटना एखाद्या वापरकर्त्यासोबत घडल्यास, त्याला पुढील ब्लॉक, आर्थिक नुकसान किंवा कायदेशीर त्रास सहन करावा लागू शकतो. पण आपल्या आधार कार्डचा कोणी गैरवापर करत आहे का, हे आपल्याला कसं कळणार? तुम्ही काही सोप्या स्टेप्स फॉलो करून तुमच्या आधार कार्डचा कोणी गैरवापर करत आहे का, हे जाणून घेऊ शकता.

तुमचा आधार क्रमांक प्रवास, स्टे, बँकिंग आणि इतर कारणांसाठी भूतकाळात कुठे वापरला गेला आहे ते तुम्ही पाहू शकता. लोकांना त्यांचे आधार सुरक्षित ठेवण्यास आणि त्याच्या वापरावर लक्ष ठेवण्यास मदत करण्यासाठी, यूनिक आइडेंटिफिकेशन ऑथोरिटी ऑफ इंडियाने (UIDAI) वापरकर्त्यांना त्यांच्या आधार वापराचे निरीक्षण आणि संरक्षण करण्यात मदत करण्यासाठी टूल लाँच केली आहेत.

स्मार्टफोनसंबंधित बातम्या वाचण्यासाठी इथे क्लिक करा

आधार वापराची हिस्ट्री जाणून घेण्यासाठी, या स्टेप्स फॉलो करा:

• सर्व प्रथम myAadhaar पोर्टलवर जा.
• तुमचा आधार क्रमांक आणि कॅप्चा कोड प्रविष्ट करा आणि ‘Login With OTP’ वर क्लिक करा.
• यानंतर तुमच्या रजिस्टर्ड मोबाईल नंबरवर एक ओटीपी पाठवला जाईल. तुमच्या अकाऊंटमध्ये प्रवेश करण्यासाठी ते प्रविष्ट करा.
• यानंतर Authentication History हा पर्याय निवडा आणि तुम्ही ज्या कालावधीचे रिव्यू करू इच्छिता त्या कालावधीसाठी तारीख रेंज निवडा.
• नोंदी तपासल्यानंतर, तुम्हाला अनेक अपरिचित किंवा संशयास्पद व्यवहार आढळल्यास, तुम्ही त्याची UIDAI कडे तक्रार करू शकता.
• यासाठी तुम्ही UIDAI च्या टोल फ्री हेल्पलाइन 1947 वर कॉल करू शकता.
• किंवा तुम्ही help@uidai.gov.in वर मेल पाठवू शकता.

UIDAI गैरवापर टाळण्यासाठी आधार बायोमेट्रिक्स लॉक आणि अनलॉक करण्याचा पर्याय देखील देते. आधार बायोमेट्रिक्स लॉक केल्याने तुमची माहिती कोणाकडेही उपलब्ध असली तरी देखील कोणीही तुमच्या बायोमेट्रिक माहितीचा गैरवापर करू शकत नाहीत. यासाठी तुम्ही UIDAI वेबसाइटवर आधार लॉक/अनलॉक करू शकता.