Smartphone Tips: ऑनलाईन फाइल शेअरिंग करताना 'या' महत्त्वाच्या गोष्टी लक्षात ठेवा
डिजीटल जगात स्मार्टफोनसारखे आपली आयुष्य देखील स्मार्ट होत आहे. वाढत्या डिजिटल जगात, फायल्स ऑनलाइन शेअर करणे हे मॅसेज पाठवणे आणि कॉल करण्याइतकेच सामान्य झाले आहे. तुम्ही एखाद्या महत्त्वाच्या प्रकल्पावर काम करत असाल, कुटुंबासोबत सुट्टीतील फोटो शेअर करत असाल किंवा एखाद्या मित्राला व्हिडिओ पाठवत असाल, अशावेळी तुमच्या फाइल्स आणि तुमची प्रायव्हसी सेफ राहील याची खात्री करण्यासाठी काही गोष्टी लक्षात ठेवणे महत्त्वाचे आहे.
स्मार्टफोनसंबंधित बातम्या वाचण्यासाठी इथे क्लिक करा
पीडीएफ, वर्ड फाइल्स, स्प्रेडशीट, फोटो, ग्राफिक्स, मीम्स, पर्सनल रेकॉर्डिंग आणि प्रोफेशनल कंटेंट्स सामान्यतः ऑनलाइन शेअर केली जाते. या सर्वांमध्ये सेंसिटिव कंटेंट आहे, शेअर बटण दाबण्यापूर्वी या सर्व फाईलचे रिव्यू करणे महत्त्वाचे आहे. ऑनलाईन फाईल शेअर करताना झालेली छोटी चूक देखील तुमचा डाटा हॅक करण्यासाठी किंवा लिक करण्यासाठी कारणीभुत ठरू शकते. (फोटो सौजन्य – pinterest)
एन्क्रिप्टेड सेवा वापरा: फाईल-शेअरिंग प्लॅटफॉर्म निवडा जे एंड-टू-एंड एन्क्रिप्शन ऑफर करतात. हे सुनिश्चित करते की तुमच्या फाइल्स ट्रान्झिटमध्ये स्क्रॅम्बल केल्या जातात आणि रिसीवरद्वारेच डिक्रिप्ट केल्या जाऊ शकतात.
पासवर्ड प्रोटेक्शन: जेव्हा शक्य असेल तेव्हा तुमच्या फाईल्सला पासवर्डने प्रोटेक्ट करतो. हे सुरक्षिततेचा अतिरिक्त स्तर जोडते. विशेषत: संवेदनशील डॉक्यूमेंट्ससाठी या गोष्टी महत्त्वाच्या आहेत.
रिसीपीएंट वेरिफाई करा: कोणतीही फाईल शेअर करण्यापूर्वी ईमेल पत्ता किंवा यूजर नेम दोनवेळा चेक करा. तुमची संवेदनशील माहिती चुकून एखाद्या चुकीच्या व्यक्तीसोबत शेअर केल्याने तुम्हाला धोकाही होऊ शकतो.
सार्वजनिक वाय-फाय सह सावधगिरी बाळगा: सार्वजनिक वाय-फाय नेटवर्कशी कनेक्ट केलेले असताना संवेदनशील फायली शेअर करणे टाळा. कारण सार्वजनिक वाय-फाय अनेकदा असुरक्षित ठरू शकतात, ज्यामुळे तुमची पर्सनल माहिती हॅक होऊ शकते.
सार्वजनिक वाय-फायसंबंधित बातम्या वाचण्यासाठी इथे क्लिक करा
फाइल मेटाडेटा तपासा: इमेज आणि डॉक्यूमेंट्समध्ये अनेकदा लोकेशन डेटा किंवा लेखकांची नावे अशी माहिती लपलेली असते. आवश्यक असल्यास, शेअर करण्यापूर्वी मेटाडेटा काढण्याची टूल वापरा.
एक्सेस लिमिटेड करा: शक्य असल्यास शेअर केल्या जाणाऱ्या फाईल्ससाठी टाइम-लिमिटेड लिंकचा वापर करा. किंवा एक्सपायरेशन डेट सेट करा.
प्राइवेसी पॉलिसी: तुम्ही वापरत असलेल्या फाइल शेअरिंग सर्विसच्या प्राइवेसी पॉलिसीबद्दल जाणून घ्या. काही लोक अपलोड केलेल्या कंटेंटच्या मालकीचा दावा करू शकतात.
कोणतीही फाईल ऑनलाईन शेअर करताना वरील गोष्टी लक्षात ठेवणं अत्यंत गरजेचं आहे. यामुळे तुमची प्रायव्हसी काय राहिल आणि तुमच्या ऑनलाईन सुरक्षेला कोणताही धोका निर्माण होणार नाही.
