Tech Tips: महागडा iPhone हँग झाला अन् तुमचाही पारा चढला? फोन फ्रीज होण्याची ‘ही’ असू शकतात कारणं, घरबसल्या करा ‘हे’ उपाय

Tech Tips: जेव्हा आपण महागडा आयफोन खरेदी करतो, तेव्हा एकच अपेक्षा असते की, डिव्हाईस स्मूथ चालावे आणि चांगला परफॉर्मंस ऑफर करावा. पण जेव्हा आयफोन हँग होऊ लागतो, आपल्याला प्रचंड राग येतो आणि काय करावे सूचत नाही. यावेळी तुम्ही काही स्टेप्स फॉलो करू शकता.

• महागडा आयफोन वारंवार होतोय हँग?
• फोर्स रिस्टार्ट सोडवू शकते तुमची समस्या
• आयफोन हँग होण्याची कारण जाणून घ्या

iPhone Tips: जेव्हा आपल्याकडे असणारा महागडा आयफोन हँग होऊ लागतो, ॲप्स काम करत नाहीत, फोन बंद होत नाही आणि सिस्टिम काही वेळासाठी अडकते… अशावेळी प्रचंड राग येतो आणि काय करावे सूचत देखील नाही. अशावेळी आपल्याला वाटते की, आपला आयफोन खराब झाला आहे. पण प्रत्येकवेळी आयफोन हँग होण्याचे कारण कोणती मोठी समस्या असावी, असे गरजेचे नाही. लो बॅटरी, फुल स्टोरेज किंवा इतर काही कारणांमुळे देखील आयफोन हँग होऊ शकतो. ही समस्या सोडवण्यासाठी तुम्हाला सर्विस सेंटरमध्ये जाण्याची देखील गरज नाही. तुम्ही घरबसल्या काही सोप्या स्टेप्स फॉलो करून ही समस्या सोडवू शकता.

पुन्हा होणार धमाका! Apple ने केली नव्या ऑक्टोबर ईव्हेंटची घोषणा, होमपॉड मिनी अन् ॲपल टिव्हीची होऊ शकते एंट्री

आयफोन हँग होण्यामागे असू शकतात ही कारणं

• आयफोनच्या बॅकग्राऊंडमध्ये एकाचवेळी अनेक काम चालू असतील, तर फोनवरील भार वाढू शकतो. यामुळे आयफोन हँग होऊ शकतो.
• तुम्ही एकाच वेळी अनेक ॲप्सचा वापर करत असाल तर सिस्टिमवर भार पडू शकतो, ज्यामुळे डिव्हाईस हँग होऊ शकते.
• लो बॅटरीमुळे देखील फोनच्या स्पीडवर परिणाम होतो.(फोटो सौजन्य: Pinterest) 
• याशिवाय, जर तुमच्या आयफोनचे स्टोरेज फुल झाले असेल तर अशावेळी देखील डिव्हाईस हँग होऊ शकते. आयफोनचे स्टोरेज फुल झाल्यामुळे सिस्टिमकडे महत्त्वाची काम करण्यासाठी, अपडेट इंस्टॉल करण्यासाठी आणि तात्पुरत्या फाइल्स सेव्ह करण्यासाठी स्टोरेज शिल्लक राहत नाही. अशावेळी फोन फ्रीज होऊ शकतो.
• जर तुमचा आयफोन एखाद्या विशेष ॲपचा वापर करताना वारंवार हँग होत असेल तर या गोष्टीकडे लक्ष देणं गरजेचं आहे. कारण असे काही ॲप्स असतात जे आयओएस वर्जनसोबत पूर्णपणे सुसंगत होऊ शकत नाही, ज्यामुळे ॲप्समधील बग फोन फ्रीज होण्याचे कारण बनू शकतात. त्यामुळे असे ॲप्स अपडेट करणं किंवा गरज नसल्यास फोनमधून डिलीट करणं गरजेचं असतं.

आयफोन हँग झाल्यास वापरा ही पद्धत

• तुमचा आयफोन हँग झाल्यास किंवा फ्रीज झाल्यास तुम्ही फोर्स रिस्टार्ट पर्याय वापरू शकता. यासाठी तुम्हाला काही स्टेप्स फॉलो कराव्या लागणार आहेत.
• जर आयफोनच्या स्क्रीनवर टच करण्याचा परिणाम होत नसेल तसेच फोन सामान्य पद्धतीने बंद होत नसेल तर फोर्स रिस्टार्ट केले जाऊ शकते.
• सर्वात आधी व्हॉल्यूम अप बटन दाबून त्वरित सोडा.
• यानंतर व्हॉल्यूम डाऊन बटन दाबून त्वरित सोडा.
• आता साईड बटन दाबून ठेवा.
• स्क्रीनवर ॲपल लोगो दिसू लागला की, साईड बटन सोडा. यानंतर आयफोन पुन्हा सुरु होण्यासाठी काही कालावधी लागू शकतो.

Amazon Sale: नवा फोन खरेदीचं स्वप्न आता होणार पूर्ण! ग्रेट इंडियन फेस्टिवल सेलमध्ये मिळणार जबरदस्त डील्स अन् भरघोस सूट…

आयओएस अपडेट करा

जुन्या आयओएसमुळे देखील फोनमध्ये फ्रीज आणि क्रॅश होण्यासारख्या समस्या निर्माण होतात. ॲपलच्या सॉफ्टवेअर अपडेट्समध्ये केवळ नवीन फीचर्सचाच नाही, तर फोनच्या कामगिरीवर परिणाम करू शकणाऱ्या त्रुटींच्या (बग्जच्या) सुधारणांचाही समावेश असतो; याव्यतिरिक्त, हे अपडेट्स ॲप सुसंगतता आणि बॅटरी व्यवस्थापनातही सुधारणा करतात.