आयएमसी 2024 मध्ये लाँच केले JioBharat V3 आणि V4 फीचर फोन, किंमत केवळ इतकी

रिलायन्स जिओने इंडिया मोबाइल काँग्रेस (IMC 2024) मध्ये JioBharat V3 आणि V4 लाँच केले आहेत. ग्राहकांना लवकरच या फोनची खरेदी करता येईल. Jio ने AI चा लाभ प्रत्येक भारतीयापर्यंत पोहोचवण्यासाठी प्रयत्न सुरू केले आहेत, असं आकाश अंबानी यांनी इंडिया मोबाइल काँग्रेस ईव्हेंटमध्ये सांगितलं.

रिलायन्स जिओने इंडिया मोबाइल काँग्रेस (IMC 2024) मध्ये आपल्या ग्राहकांना एक उत्तम भेट दिली आहे. कंपनीने दिवाळीपूर्वी आपले दोन नवीन फीचर फोन स्वस्त किमतीत लाँच केले आहेत. दिल्लीमधील प्रगती मैदान येथील इंडिया पॅव्हेलियन येथे इंडिया मोबाइल काँग्रेस (IMC 2024) या ईव्हेंटचे आयोजन करण्यात आले आहे. या ईव्हेंटला रिलायंस जियो इन्फोकॉम लिमिटेडचे चेअरपरसन आकाश अंबानी देखील उपस्थित होते. या ईव्हेंटमध्ये JioBharat V3 आणि V4 लाँच करण्यात आले आहेत.

हेदेखील वाचा- डिजीटल इंडिया 4 स्तंभांवर आधारित, आयएमसीमध्ये 6G च्या भविष्यावर पंतप्रधानांचं मोठं विधान

JioBharat V3 आणि V4 फोन स्वस्त दरात आणि उत्तम फीचर्ससह लाँच करण्यात आले आहेत. V3 आणि V4 हे दोन्ही 4G फीचर फोन JioBharat सीरीज अंतर्गत लाँच झाले आहेत. JioBharat V2 मॉडेल गेल्या वर्षी लाँच करण्यात आले होते. ज्याने भारतीय फीचर फोन मार्केटमध्ये खळबळ उडवून दिली. आता कंपनी पुन्हा एकदा धमाका करण्याच्या तयारीत आहे. (फोटो सौजन्य – JIO)

किंमत फक्त 1099 रुपये

Jio च्या नवीन 4G फीचर फोन JioBharat V3 आणि V4 ची किंमत फक्त 1,099 रुपये आहे. Jio Bharat V3 आणि V4 लवकरच सर्व मोबाईल स्टोअर्स तसेच JioMart आणि Amazon वर उपलब्ध होणार आहे. त्यामुळे ग्राहकांना लवकरच या फोनची खरेदी करता येईल. कंपनीने हे स्वस्त फीचर फोन 2G वरून 4G नेटवर्ककडे वळलेल्या वापरकर्त्यांना लक्षात घेऊन सादर केले आहेत. या दोन्ही फोनमध्ये 455 हून अधिक लाईव्ह टीव्ही चॅनल उपलब्ध असतील.

128GB स्टोरेज आणि शक्तिशाली बॅटरी

JioBharat V3 आणि V4 फोन 1000 mAh च्या पॉवरफुल बॅटरीसह लाँच करण्यात आले आहेत. यामध्ये 128GB पर्यंत वाढवता येण्याजोगे स्टोरेज आणि 23 भारतीय भाषांसाठी सपोर्ट आहे. विशेष म्हणजे ते वापरण्यासाठी तुम्हाला जास्त पैसे खर्च करण्याची गरज नाही. तुम्ही फक्त 123 रुपयांच्या मासिक रिचार्जसह हे वापरू शकता. 123 रुपयांमध्ये तुम्हाला 14GB डेटा आणि अमर्यादित व्हॉइस कॉल मिळणार आहे.

हेदेखील वाचा- आठ वर्षांत पूर्ण केला 2G ते 5G चा प्रवास, मोदी है तो मुमकीन है! आयएमसीमध्ये आकाश अंबानींकडून मोदींचं कौतुक

जिओ सिनेमाचे सब्सक्रिप्शन

V3 आणि V4 दोन्ही मॉडेल्स Jio-TV, Jio-Cinema, Jio-Pay आणि Jio-Chat सारख्या काही उत्तम प्री-लोडेड ॲप्ससह लाँच झाले आहेत. यामध्ये 455 हून अधिक लाइव्ह टीव्हीसोबतच चित्रपट, व्हिडिओ आणि स्पोर्ट्स कंटेंटही मिळणार आहे. दुसरीकडे, Jio-Pay सोपे पेमेंट आणि Jio-Chat ऑफर करते, अमर्यादित व्हॉइस मेसेजिंग, फोटो शेअर आणि ग्रुप चॅट सारखे अनेक पर्याय ऑफर केले जातात.

IMC 2024 मध्ये आकाश अंबानी काय म्हणाले?

आकाश अंबानी म्हणाले की, विकसित भारताचे स्वप्न साकार करण्यासाठी AI खूप महत्त्वाचे आहे. Jio ने AI चा लाभ प्रत्येक भारतीयापर्यंत पोहोचवण्यासाठी प्रयत्न सुरू केले आहेत. जसे मोबाईल ब्रॉडबँडने केले. आम्ही सर्वसामान्यांना परवडणाऱ्या किमतीत शक्तिशाली AI मॉडेल्स आणि सेवा देण्यासाठी तयार आहोत. यासाठी आम्ही राष्ट्रीय AI पायाभूत सुविधांचा आधार तयार करत आहोत.