आठ वर्षांत पूर्ण केला 2G ते 5G चा प्रवास, मोदी है तो मुमकीन है! आयएमसीमध्ये आकाश अंबानींकडून मोदींचं कौतुक

आठ वर्षांपूर्वी 2G च्या वेगाने रेंगाळणारा भारत आता 5G च्या वेगाने वाटचाल करत आहे. मोदी है तो मुमकीन है, असं म्हणत आकाश अंबानी यांनी इंडिया मोबाईल काँग्रेस 2024 ईव्हेंटमध्ये पंतप्रधान नरेंद्र मोदी यांचे कौतुक केलं. भारताच्या या टेक इव्हेंटमध्ये जगभरातील 190 हून अधिक देशांनी सहभाग घेतला आहे. आयोजित करण्यात आलेला इंडिया मोबाईल काँग्रेस 2024 हा AI वर आधारित आहेत.

आठ वर्षांत पूर्ण केला 2G ते 5G चा प्रवास, मोदी है तो मुमकीन है! आयएमसीमध्ये आकाश अंबानींकडून मोदींचं कौतुक

Follow Us:

Follow Us:

पंतप्रधान नरेंद्र मोदी यांच्या हस्ते आज इंडिया मोबाईल काँग्रेस 2024 चे उद्घाटन करण्यात आलं. दिल्लीतील प्रगती मैदान येथील इंडिया पॅव्हेलियन येथे इंडिया मोबाईल काँग्रेस ईव्हेंटचे आयोजन करण्यात आलं आहे. आज 15 ऑक्टोबरपासून या ईव्हेंटला सुरुवात झाली असून पुढील 3 दिवस हा ईव्हेंट सुरु राहणार आहे. या ईव्हेंटला आज दिग्गज नेते आणि उद्योगपतींनी हजेरी लावली आहे. यामध्ये पंतप्रधान नरेंद्र मोदी केंद्रीय मंत्री ज्योतिरादित्य सिंधिया, रिलायन्स जिओचे चेअरपर्सन आकाश अंबानी, भारती एंटरप्रायझेसचे संस्थापक आणि अध्यक्ष सुनील मित्तल आणि आदित्य बिर्ला समूहाचे कुमार एम बिर्ला यांचा समावेश आहे.

हेदेखील वाचा- पंतप्रधान मोदींच्या हस्ते इंडिया मोबाइल काँग्रेस 2024 चे उद्घाटन, ज्योतिरादित्य सिंधिया उपस्थित

या ईव्हेंटदरम्यान भाषण करताना रिलायन्स जिओचे चेअरपर्सन आकाश अंबानी यांनी भारताच्या 2G पासूनच्या 5G पर्यंतच्या प्रवासाबद्दल सांगितलं. तसंच त्यांनी यावेळी पंतप्रधान नरेंद्र मोदी यांचं कौतुक देखील केलं. आकाश अंबानी म्हणाले की, मोदींच्या भारतात पूर्वीसारखे काम होत नाही. 1.45 अब्ज भारतीयांच्या गरजा आणि अपेक्षा पूर्ण करण्यासाठी जागतिक दर्जाच्या सेवा पुरवण्याच्या उद्देशाने सरकार आणि उद्योग यांच्यात एक विलक्षण समन्वय आहे. (फोटो सौजन्य – X)

आकाश अंबानी म्हणाले, यंग इंडियाचा प्रतिनिधी म्हणून, तरुणांशी तुमच्या अतुलनीय जोडणीबद्दल आणि अशक्य वाटणारी उद्दिष्टे साध्य करण्यासाठी आम्हाला प्रेरणा दिल्याबद्दल मी तुमचा आभारी आहे. मोदी है तो मुमकीन है. आठ वर्षांपूर्वी 2G च्या वेगाने रेंगाळणाऱ्या आणि आता 5G च्या वेगाने वाटचाल करणाऱ्या देशाने जगाला धक्का बसला आहे. मी पंतप्रधानांना आश्वासन देऊ इच्छितो की 6G मध्ये भारताचा विक्रम आणखी चांगला असेल.

आकाश अंबानी म्हणाले की, UPI ही जगातील नंबर वन डिजिटल पेमेंट प्रणाली बनली आहे, मोबाइल डेटाच्या किमती कमी असूनही भारत हा जगातील एकमेव मोठा देश आहे. भारताने जास्तीत जास्त आत्मनिर्भर प्रयत्नांसह आणि सुनियोजित धोरणासह AI चा तातडीने अवलंब केला पाहिजे.

हेदेखील वाचा- AI वर आधारित इंडिया मोबाईल काँग्रेस 2024 ईव्हेंटला आजपासून सुरुवात, 900 स्टार्टअप्स होणार सहभागी

IMC आणि ITUWTSA 2024 च्या उद्घाटनप्रसंगी बोलताना, अंबानी यांनी सरकारला डेटा सेंटर धोरण 2020 चा मसुदा स्वीकारण्याची प्रक्रिया जलद करण्याची विनंती केली जेणेकरून भारतीय डेटा भारताच्या डेटा केंद्रांमध्येच राहील.

ते म्हणाले की, आम्ही सरकारला 2020 मसुदा स्वीकारण्याच्या प्रक्रियेत हे लक्षात घेण्याचे आवाहन करतो की, भारतातील बहुभाषिक डेटा उत्पादनाचे प्रमाण आणि गती, जे AI क्रांतीला चालना देईल. डेटा सेंटर पॉलिसीमध्ये हे सुनिश्चित करणे महत्वाचे आहे की भारतीय डेटा भारताच्या डेटा सेंटरमध्ये राहील. आरोग्यसेवा, शिक्षण, कृषी आणि उत्पादन यासह प्रत्येक क्षेत्रात परिवर्तनासाठी AI हे क्रांतिकारक साधन आहे. AI आणि मशीन लर्निंग डेटा केंद्रे स्थापन करण्यास इच्छुक असलेल्या भारतीय कंपन्यांना वीज वापरासाठी प्रोत्साहनांसह सर्व आवश्यक समर्थन मिळावे.

Web Title: India completed the journey from 2g to 5g in just 8 years modi hai toh mumkin hai akash ambani said during india mobile congress 2024

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com