Jolla Phone: प्रायव्हसीचा खरा बादशाह! Android OS नाही, पण अँड्रॉईड अ‍ॅप्स चालणार, आणखी काय असणार खास? जाणून घ्या

Jolla Smartphone Launched: Android आणि iOS या सिस्टिमवर स्मार्टफोन आधारीत असतात. पण आता या सिस्टिमना स्पर्धा देण्यासासाठी Linux OS सज्ज झाले आहे. Linux OS वर आधारित एक नवीन स्मार्टफोन आता लाँच करण्यात आला आहे.

• मार्केटमध्ये नवीन स्मार्टफोनची एंट्री
• कंपनी गेल्या 12 वर्षापासून मार्केटमध्ये
• Sailfish मध्ये कोणताही ट्रॅकर नाही

जेव्हा स्मार्टफोन ऑपरेटिंग सिस्टमबद्दल चर्चा सुरु होते, तेव्हा Android आणि iOS या दोन नावांचा बोलबाला असतो. जेव्हा आपण नवीन स्मार्टफोन खरेदी करण्याचा विचार करतो तेव्हा Android आणि iOS या स्मार्टफोन्सपैकी एकाची निवड करावी लागते. पण आता एक स्मार्टफोन बाजारात लाँच करण्यात आला आहे जो Android OS नाही. पण या स्मार्टफोनमध्ये अँड्रॉईड अ‍ॅप्स देण्यात आले आहेत. स्मार्टफोन कंपनी Jolla मार्केटमध्ये एक नवीन स्मार्टफोन घेऊन आली आहे. कंपनीचं असं म्हणणं आहे की, हा स्मार्टफोन अँड्रॉईड सिस्टमवर नाही तर Linux OS वर आधारित आहे.

Starlink India Price vs Global: अमेरिकेसह इतर देशांत किती आहे स्टारलिंक प्लॅनची किंमत? जाणून घ्या सविस्तर

खास गोष्ट अशी आहे की, Jolla च्या स्मार्टफोन्सवर अँड्रॉईड अ‍ॅप्स कोणत्याही समस्येशिवाय अत्यंत स्मूद चालतात. स्मार्टफोन बनवणारी कंपनी Jolla ने 2013 मध्ये देखील त्यांचा स्मार्टफोन लाँच केला होता. त्यावेळी कंपनीने Sailfish OS वर आधारित फोन लाँच केला होता, जो Linux वर आधारित ऑपरेटिंग सिस्टम होता. कंपनीने आता लाँच केलेल्या नवीन फोनचं नाव Jolla Phone असं आहे. (फोटो सौजन्य – X)

Jolla Phone ची ऑपरेटिंग सिस्टम

Jolla Phone हा Linux आधारित मोबाईल ऑपरेटिंग सिस्टिम Sailfish OS 5 वर चालतो. फिनलँडच्या या स्मार्टफोन कंपनीने असा दावा केला आहे की, Sailfish ऑपरेटिंग सिस्टिम यूरोपमधील एकमेव यशस्वी मोबाईल ऑपरेटिंग सिस्टिम आहे. ही कंपनी गेल्या 12 वर्षापासून मार्केटमध्ये आहे. कंपनीने दावा केला आहे की, त्यांच्या सॉफ्टवेयरमध्ये ट्रॅकिंग आणि डेटा कलेक्शन सारखे मॅकेनिज्म उपलब्ध नाही.

See more

After a long silence in X, @JollaHQ is back. And we’re bringing something Europe desperately needs. The Jolla Phone: Europe’s independent smartphone running #SailfishOS 5. In 2013, when we founded Jolla from @nokia MeeGo’s ashes, people called us naive. “You can’t compete with… pic.twitter.com/A4YV2bQA6s — Jolla (@JollaHQ) December 5, 2025

कंपनीने सांगितलं आहे की, Sailfish मध्ये कोणताही ट्रॅकर, कोणत्याही बॅकग्राऊंडमध्ये डेटा कलेक्शन आणि गूगल प्ले सारखी सर्विस लपलेली नाही. हा स्मार्टफोन प्रायव्हसीवर फोकस करत आणि गूगल इकोसिसटमपासून दूर ठेवत डिझाईन करण्यात आलं आहे. ज्यामुळे यूजरकडे सर्वात जास्त कंट्रोल असतो. यासोबतच फोनमध्ये फिजिकल प्रायव्हसी स्विच देखील आहे. ज्याच्या मदतीने यूजर्स फोनच्या मायक्रोफोन, कॅमेरा, ब्लूटूथ आणि दूसरे सेंसर बंद करू शकतात. ज्या यूजर्सना सतत त्यांच्या प्रायव्हसीबाबत चिंता असते, अशा लोकांसाठी हा स्मार्टफोन एक चांगला पर्याय ठरणार आहे. Jolla च्या स्मार्टफोनमध्ये अँड्रॉईड अ‍ॅप्स उपलब्ध आहेत. अँड्रॉईड अ‍ॅप्स या स्मार्टफोनमध्ये Jolla AppSupport द्वारे चालवली जातात.

Jolla Phone ची किंमत

या फोनची प्री – ऑर्डर सुरु झाली आहे, ज्यासाठी यूजर्सना €99 म्हणजेच सुमारे 10,406 रुपये खर्च करावे लागणार आहेत. प्री-ऑर्डर नंतर हा स्मार्टफोन €499 म्हणजेच सुमारे 52,450 रुपयांत खरेदी केला जाऊ शकतो. फोनच्या किंमतीतबाबत कंपनीने म्हटलं आहे की, डिव्हाईस €599 म्हणजेच सुमारे 62,960 रुपये आणि €699 म्हणजेच सुमारे 73,480 रुपयांत खरेदी केले जाऊ शकते.

Free Fire Max: गेममध्ये का होते सतत नव्या ईव्हेंटची एंट्री? काय आहे कारण? जाणून घ्या सविस्तर

Jolla Phone चे फीचर्स

Jolla Phone ची डिझाईन स्क्वायरिश आहे. हा फोन ब्लॅक, व्हाइट आणि ऑरेंज कलर ऑप्शनमध्ये विक्रिसाठी उपलब्ध आहे. याचा बॅक पॅनल काढला जाऊ शकतो, ज्यामुळे यूजर्स या फोनची बॅटरी बदलू शकतता. Jolla Phone ला 5G कनेक्टिविटीसह 12GB रॅम आणि 256GB बिल्ट-इन स्टोरेज मिळते. या फोनमध्ये माइक्रोएसडी कार्ड स्लॉट मिळतो. ज्यामुळे स्टोरेज 2TB पर्यंत वाढवले जाऊ शकते. यामध्ये 6.36-इंचाचा AMOLED डिस्प्ले दिला आहे. Jolla Phone मध्ये डुअल रियर कॅमेरा सेटअप आहे. फोनमध्ये 5,500mAh बॅटरी देण्यात आली आहे.