Lava Yuva 2 5G भारतात लाँच, 10,000 रुपयांपेक्षा कमी किमतीत मिळणार हे जबदरस्त फीचर्स

Lava Yuva 2 5G स्मार्टफोन भारतात सिंगल स्टोरेज आणि रॅम व्हेरिअंटमध्ये लाँच करण्यात आला आहे. स्मार्टफोन बजेट सेगमेंटमध्ये भारतीय बाजारात लाँच करण्यात आला आहे. चला तर मग या स्मार्टफोनचे फीचर्स जाणून घेऊया.

स्मार्टफोन कंपनी Lava चा नवीनतम स्मार्टफोन Lava Yuva 2 5G भारतात लाँच करण्यात आला आहे. स्मार्टफोनमध्ये 6nm ऑक्टा-कोर Unisoc T760 प्रोसेसर देण्यात आला आहे, ज्याचा AnTuTu स्कोर 4,40,000 पेक्षा जास्त असल्याचा दावा करण्यात आला आहे. त्यामुळे या स्मार्टफोनचा परफॉर्मंस उत्तम असण्याची शक्यता आहे.

या दिवशी लाँच होणार Redmi चा बजेट-फ्रेंडली स्मार्टफोन! सोशल मिडीयावर शेअर केला टीझर

Lava Yuva 2 5G स्मार्टफोनमध्ये 50-मेगापिक्सेलचा ड्युअल रियर कॅमेरा सेटअप देण्यात आला आहे, जो AI वैशिष्ट्यांसह सुसज्ज आहे. हँडसेटमध्ये नोटिफिकेशन लाइट फीचर देखील आहे ज्याचा वापर सिस्टीम किंवा ॲप अलर्ट दाखवण्यासाठी केला जाऊ शकतो. नवीनतम बजेट 5G हँडसेट सध्या ऑफलाइन रिटेल स्टोअरद्वारे विक्रीसाठी उपलब्ध आहे. आम्ही तुम्हाला सांगतो की पहिल्या जनरेशनचा Lava Yuva 5G मे महिन्यात भारतात लाँच करण्यात आला होता. (फोटो सौजन्य – X)

स्मार्टफोनची किंमत आणि उपल्बधता

Lava Yuva 2 5G हा नवीन स्मार्टफोन भारतात 9,499 रुपयांच्या किंमतीत लाँच करण्यात आला आहे. हा स्मार्टफोन सिंगल 4GB रॅम आणि 128GB स्टोरेज व्हेरियंटमध्ये लाँच करण्यात आला आहे. हा स्मार्टफोन सध्या देशभरातील रिटेल स्टोअरमध्ये खरेदीसाठी उपलब्ध आहे. कंपनीने अद्याप हँडसेटच्या ऑनलाइन उपलब्धतेबद्दल कोणतीही माहिती दिलेली नाही. हा फोन मार्बल ब्लॅक आणि मार्बल व्हाईट या दोन रंगांच्या पर्यायांमध्ये लाँच करण्यात आला आहे. हे एक वर्षाची वॉरंटी आणि मोफत होम सर्व्हिससह येते.

Lava Yuva 2 5G चे स्पेसिफेकेशन्स

Lava Yuva 2 5G मध्ये 90Hz च्या रीफ्रेश रेटसह आणि 700 nits च्या ब्राइटनेस पातळीसह 6.67-इंच HD+ स्क्रीन आहे. हा स्मार्टफोन Unisoc T760 प्रोसेसरसह सुसज्ज आहे जे 4GB रॅमसह जोडलेले आहे. फोन व्हर्च्युअल रॅमला देखील सपोर्ट करतो, ज्याद्वारे रॅम अतिरिक्त 4GB पर्यंत वाढवता येते. हे 128GB UFS 2.2 ऑनबोर्ड स्टोरेजसह येते आणि हँडसेट Android 14 वर चालतो.

OnePlus Smartphone: OnePlus चे दोन ढासू स्मार्टफोन लाँच, 16GB रॅम आणि 1TB स्टोरेजने सुसज्ज! मिळणार हे खास फीचर्स

फोटोग्राफीसाठी, Lava Yuva 2 5G मध्ये ड्युअल रियर कॅमेरा युनिट देण्यात आला आहे, ज्यामध्ये AI-समर्थित 50-मेगापिक्सल प्राथमिक सेन्सर आणि 2-मेगापिक्सल दुय्यम सेन्सर आहे. फ्रंट कॅमेरा सेल्फी आणि व्हिडिओ कॉलसाठी 8-मेगापिक्सेल सेन्सर आहे. नोटिफिकेशन लाईट युनिट मागील कॅमेरा मॉड्यूलमध्ये ठेवलेले आहे. मिळालेल्या माहितीनुसार, ते ब्लिंकिंग लाइटद्वारे इनकमिंग कॉलसह इन-सिस्टम आणि ॲप नोटिफिकेशन्स दाखवते.

Lava Yuva 2 5G मध्ये 5,000mAh बॅटरी आहे जी USB Type-C पोर्टद्वारे 18W वायर्ड चार्जिंगला सपोर्ट करते. हँडसेटमध्ये ड्युअल स्टीरिओ स्पीकर युनिट देखील आहे. सुरक्षिततेसाठी, फोनमध्ये साइड-माउंट फिंगरप्रिंट सेन्सर तसेच फेस अनलॉक वैशिष्ट्य आहे.