Lenovo Idea Tab Plus: 10000mAh बॅटरी आणि तगडा प्रोसेसर…. नव्या टॅब्लेटने भारतात घातलाय धुमाकूळ, फीचर्स जाणून घ्या

Lenovo Tablet Launched: कंपनीने लाँच केलेला हा नवीन हँडसेट MediaTek Dimensity 6400 प्रोसेसरने सुसज्ज आहे. नवीन डिव्हाईस मिड रेंज किंमतीत लाँच करण्यात आले आहे. या डिव्हाईसचे फीचर्स आणि स्पेसिफिकेशन्स जाणून घेऊया.

• Lenovo Idea Tab Plus टॅब्लेट 8GB आणि 12GB या दोन व्हेरिअंटमध्ये लाँच
• Lenovo Idea Tab Plus टॅबमध्ये 12.1-इंच LCD स्क्रीन
• Lenovo Idea Tab Plus ची किंमत जाणून घ्या

Lenovo Idea Tab Plus अखेर आता भारतात लाँच करण्यात आला आहे. हे डिव्हाईस कंपनीने दोन रॅम ऑप्शनमध्ये लाँच केले आहे, ज्यामध्ये 8GB आणि 12GB यांचा समावेश आहे. हा टॅब्लेट ग्लोबल मार्केटमध्ये आधीच लाँच करण्यात आला होता. त्यानंतर कंपनीने हा टॅब्लेट आता भारतात देखील लाँच केला आहे. भारतातील स्मार्टफोन मार्केटमध्ये आता हा टॅब्लेट उपलब्ध झाला आहे. Lenovo Idea Tab Plus ची किंमत किती आहे आणि त्यामध्ये कोणते खास फीचर्स आणि स्पेसिफिकेशन्स देण्यात आली आहे.

लक्झरीचा नवीन ट्रेंड सुरु! स्नॅपड्रॅगन प्रोसेसर आणि 50MP कॅमेरा….. Oppo Reno 15c चीनमध्ये लाँच, इतकी आहे किंमत

Lenovo Idea Tab Plus ची किंमत आणि उपलब्धता

Lenovo Idea Tab Plus टॅब्लेट 8GB आणि 12GB या दोन व्हेरिअंटमध्ये लाँच करण्यात आला आहे. डिव्हाईसच्या 8GB रॅम + 256GB स्टोरेज या बेस व्हेरिअंटची किंमत 27999 रुपये आणि 12GB रॅम + 256GB स्टोरेज या दुसऱ्या व्हेरिअंटची किंमत 30,999 रुपये ठेवण्यात आली आहे. 12GB रॅम मॉडेल ओनली वाय-फायसह देखील उपलब्ध आहे, ज्याची किंमत 27999 रुपये आहे. तिन्ही मॉडेलसह कंपनी बॉक्समध्ये Tab Pen स्टायलस देखील देत आहे. Lenovo Idea Tab Plus टॅब्लेटची प्री बुकींग भारतात सुरु झाली आहे. या डिव्हाईसची विक्री भारतात 22 डिसेंबरपासून होणार आहे. ग्राहक लेनोवो वेबसाइट आणि ऑनलाइन शॉपिंग प्लॅटफॉर्म अ‍ॅमेझॉनवरून या डिव्हाईसची खरेदी करू शकता. हा टॅब लूना ग्रे आणि क्लाउड ग्रे दो कलर ऑप्शनमध्ये खरेदीसाठी उपलब्ध आहे. (फोटो सौजन्य – Lenovo ) 

Lenovo Idea Tab Plus चे फिचर्स आणि स्पेसिफिकेशन्स

डिस्प्ले

Lenovo Idea Tab Plus टॅबमध्ये 12.1-इंच LCD स्क्रीन देण्यात आली आहे. याचे रेजोल्यूशन 2.5K आणि रिफ्रेश रेट 90Hz आहे. डिस्प्लेची पीक ब्राइटनेस 800 निट्स आहे.

परफॉर्मेंस

लेनोवोच्या या टॅबमध्ये MediaTek Dimensity 6400 प्रोसेसर देण्यात आला आहे. हा टॅब्लेट 12GB पर्यंत रॅम आणि 256GB पर्यंत स्टोरेजपर्यायासह लाँच करण्यात आला आहे. हे डिव्हाईस अँड्रॉईड 15 वर आधारित आहे.

कॅमेरा

Lenovo Idea Tab Plus मध्ये 13-मेगापिक्सेलचा रियर कॅमेरा सेंसर देण्यात आला आहे. यासोबतच सेल्फी आणि व्हिडीओ कॉलिंगसाठी या डिव्हाईसमध्ये 8 मेगापिक्सेलचा फ्रंट कॅमेरा दिला आहे.

Online Games Redeem Codes: गेमर्ससाठी खुशखबर! फ्री फायर मॅक्समध्ये Faded Wheel इव्हेंट लाईव्ह, फ्री रिवॉर्ड मिळवण्याची संधी

कनेक्टिविटी

लेनोवोच्या या टॅबमध्ये Wi-Fi-ओनली व्हेरिअंट 802.11 a/b/g/n/ac Wi-Fi स्टेंडर्ड सपोर्ट दिला आहे. यासोबतच LTE मॉडेल वाय-फायसह 5G कनेक्टविटीला सपोर्ट करतो. हे टॅब Bluetooth 5.2 सह लाँच करण्यात आले आहे.

बॅटरी आणि इतर फीचर

Lenovo Idea Tab Plus मध्ये 10,200mAh बॅटरी दिली आहे. यामध्ये Lenovo NotePad, Circle to Search, Gemini सारखे खास फीचर्स देण्यात आले आहेत.