Meta चा मोठा डाव! 2026 मध्ये Mango आणि Avocado AI बदलणार गेम, गुगलला मिळणार मोठं आव्हान

Meta AI Models: AI क्षेत्रात सतत बदल होत आहेत. कंपन्या त्यांच्या मॉडेल्स अपडेट करत आहेत आणि यासोबतच नवीन मॉडेल्स देखील लाँच करत आहेत. Meta देखील लवकरच त्यांचे दोन नवीन AI मॉडेल्स लाँच करणार आहे.

• 2026 मध्ये येणार Mango आणि Avocado AI
• AI क्षेत्रात लवकरच होणार मोठी उलथापालथ
• Meta AI यूजर्ससाठी घेऊन येणार खास सरप्राईज

Meta चे सिईओ मार्क झुकरबर्ग AI च्या जगातील बादशाह मानले जातात. AI च्या जगात आपली दहशत टिकवून ठेवण्यासाठी मार्क झुकरबर्ग नेहमीच प्रयत्न करत असतात. Meta AI देखील यूजर्ससाठी सतत अपडेट केले जाते. आता मार्क झुकरबर्ग यांनी आणखी एक निर्णय घेतला आहे. कंपनी 2026 मध्ये दोन नवीन AI मॉडेल्स लाँच करणार आहे. गुगल आणि ओपनएआयला आव्हान देण्यासाठी कंपनीने हा निर्णय घेतला आहे. असं सांगितलं जात आहे की, कंपनी 2026 च्या पहिली सहामाहित दोन पावरफुल AI मॉडेल्स लाँच करणार आहे. या मॉडेल्सचे कोडनेम Mango आणि Avocado असं ठेवण्यात आलं आहे. हा प्रोजेक्ट मेटासाठी अत्यंत महत्त्वाच आहे. यासाठी कंपनीने एक वेगळी सुपर इंटेलिजेंस लॅब देखील तयार केली आहे आणि यामध्ये जगातील टॉप शास्त्रज्ञांचा देखील समावेश करण्यात आला आहे.

BSNL Recharge Plan: सरकारी कंपनी पुन्हा घेऊन आली बजेट फ्रेंडली प्लॅन! 400 रुपयांहून कमी किमतीत मिळणार 50 दिवसांची व्हॅलिडीटी

Mango आणि Avocado

मिळालेल्या माहितीनुसार, मेटाचे दोन्ही आगामी प्रोग्राम वेगवेगळ्या डोमेनवर काम करणार आहेत. याशिवाय या दोन्ही आगामी मॉडेल्सबाबत काही माहिती देखील समोर आली आहे. याबाबत आता सविस्तर जाणून घेऊया. (फोटो सौजन्य – Pinterest) 

Mango: हे मॉडेल हाय-क्वालिटी इमेज आणि व्हिडीओ जनरेशनवर फोकस करणार आहे. मेटाच्या या AI मॉडेलचा उद्देश ओपनएआयचे सोरा आणि गुगलचे जेमिनी 3 फ्लॅश यासारख्या टूल्सना मागे टाकून त्यांच्यावर वर्चस्व निर्माण करणं असं आहे. ओपनएआयचे सोरा आणि गुगलचे जेमिनी 3 फ्लॅश सध्या क्रिएटिव फील्डमध्ये आघाडीवर आहेत.

Avocado (कोडिंग आणि रीजनिंगसाठी): हे मेटाचे आतापर्यंतचे सर्वात स्मार्ट लार्ज लँग्वेज मॉडेल असणार आहे. Avocado समोर मेटाचा सध्या उपलब्ध असलेला Llama मॉडेल देखील कोडिंगमध्ये मागे पडणार आहे. आगामी AI मॉडेल Avocado डीप टेक्निकल प्रॉब्लम सॉल्विंग आणि कोडिंगसाठी एका विशेष पद्धतीने डिझाईन करण्यात आले आहे.

Year Ender 2025: या वर्षी PS5 वर धुमाकूळ घालणारे हे आहेत टॉप गेम्स, जाणून घ्या सविस्तर

28 वर्षांचा AI वंडरकिड करतोय काम

या संपूर्ण प्रोजक्टची जबाबदारी मेटाच्या नवीन चीफ AI ऑफिसर अलेक्झांडर वांग यांना देण्यात आली आहे. 28 वर्षीय वांग स्केल AI चे फाऊंडर होते. ते याचवर्षी मेटामध्ये सहभागी झाले आहेत. मेटाने त्यांची नवीन डिवीजन मेटा सुपरइंटेलिजेंस लॅब्स (MSL) तयार केली आहे. वांग ने त्यांच्या टीममध्ये ओपनएआयमधील 20 हून अधिक शास्त्रज्ञांना सहभागी केले आहे. यामुळे वांग यांच्या टीमला सुपर टीम म्हटलं जात आहे. वांग यांचा असा उद्देश आहे की, त्यांनी तयार केलेले मॉडेल्स केवळ शब्दच नाही तर संपूर्ण जगाला समजून घेतील. त्यामुळे AI च्या जगातील एक वेगळी क्रांती मानली जात आहे.

गुगल आणि ओपनएआयला देणार आव्हान

गुगल आणि ओपनएआय देखील AI च्या शर्यतीमधील आघाडीवर असलेले स्पर्धक आहेत. मात्र गेल्या काहि महिन्यांपासून स्पर्धा प्रचंड वाढली आहे. गुगलच्या जेमिनी मॉडेल्सचे यूजर बेस संख्या प्रचंड वाढसली आहे. ऑक्टोबरपर्यंत ही संख्या 650 मिलियन होती. ओपनएआय देखील या शर्यतीत आघाडीवर राहण्यासाठी वेगवेगळे प्रयत्न करत आहे.