Air Purifier Placement: कोपऱ्यात ठेवताय का Air Purifier? चूक पडू शकते महागात, कुठे ठेवावा Easy Tips

Air Purifier Placement: एअर प्युरीफायर खरेदी केल्यानंतर किचनच्या कोणत्याही कोपऱ्यात ठेवणं योग्य नाही. चुकीच्या ठिकाणी ठेवल्याने तो लवकर खराब होतो. नक्की कोणत्या ठिकाणी ठेवावा सोप्या टिप्स

• एअर प्युरीफायर खरेदी केल्यानंतर कुठे ठेवावा

• किचनमध्ये नक्की योग्य ठिकाण कोणते

• एअर प्युरीफायरची जागा योग्य का असावी?

Air Purifier Placement: घरातील हवा स्वच्छ ठेवण्यासाठी हिवाळ्यात एअर प्युरिफायरचा वापर वाढतो. पण, केवळ एक महागडा किंवा सुसज्ज एअर प्युरिफायर खरेदी करणे पुरेसे नाही. त्याच्या जागेचाही त्याच्या कार्यक्षमतेवर परिणाम होतो. जागा वाचवण्यासाठी लोक अनेकदा ते कोपऱ्यात, सोफ्याच्या मागे किंवा पडद्यांजवळ ठेवतात, परंतु यामुळे स्वच्छ हवा आत घेण्याची आणि बाहेर सोडण्याची मशीनची क्षमता कमी होऊ शकते. 

एअर प्युरिफायर खोलीतील प्रदूषित हवा आत घेतो, फिल्टरद्वारे धूळ, ॲलर्जीकारक घटक आणि इतर प्रदूषक काढून टाकतो आणि नंतर स्वच्छ हवा पुन्हा खोलीत सोडतो. त्यामुळे, जर त्याच्या सभोवताली योग्य जागा उपलब्ध नसेल, तर हवेच्या योग्य अभिसरणात अडथळा येईल. म्हणूनच, एअर प्युरिफायरसाठी योग्य जागा निवडणे अत्यंत महत्त्वाचे आहे. चला तर मग, घरात ते कुठे ठेवणे सर्वोत्तम ठरेल हे जाणून घेऊया 

वाढत्या प्रदूषण आणि धुक्यापासून एअर प्युरिफायर करेल तुमचं संरक्षण, खरेदी करण्यापूर्वी महत्त्वाच्या गोष्टी लक्षात ठेवा

एअर प्युरीफायरची जागा 

एअर प्युरीफायर अशा ठिकाणी ठेवावा जिथे हवा खेळती असेल आणि चारही बाजूने हवा लागेल. जागेचा मधला भाग हा एअर प्युरीफायरसाठी योग्य ठरू शकतो. यामुळे मशीनला वेगवेगळ्या बाजूने हवा खेचणं सोयीस्कर ठरतं. जर मध्यभागी ठेवणं शक्य नसेल तर एखादी मोकळी जागा तुम्ही यासाठी निवडावी 

कुठे ठेऊ नये 

एअर प्युरीफायर हा भिंत, सोफा अथवा जड फर्निचरच्या मध्ये अजिबात ठेऊ नका. या गोष्टींच्या आणि एअर प्युरीफायरच्या मध्ये किमान २ फुटाचं अंतर असू द्यावं. यामुळे एअर इनटेक आणि आऊटलेट ब्लॉक होणार नाहीत आणि मशीन उत्तमरित्या हवा फिल्टर करू शकेल. त्यामुळे तुम्ही ही काळजी घेणं आवश्यक आहे. 

तुम्ही रात्री एअर प्युरीफायर चालू करणार असाल तर आपल्या बेडपासून काही अंतरावर हा ठेवा. स्वच्छ आणि खेळती हवा तुमच्यापर्यंत पोहचेल हाच तुमचा प्रयत्न असू द्या. तसंच मशीनचा एअरफ्लो सरळ चेहऱ्यावर येणार नाही याचीही काळजी घ्या 

कागदावर हवा नको 

तुम्ही एखाद्या ठिकाणी घरात बसून काम करणार असाल आणि एअर प्युरीफायरचा वापर करणार असाल तर तुमच्या डेस्कजवळ हे ठेऊ शकता मात्र, कागदांना हवा लागणार नाही याची काळजी तुम्ही अशावेळी घ्यायला हवी. याशिवाय आजूबाजूला असणाऱ्या इलेक्ट्रॉनिक वस्तूंवर याची हवा जाणार नाही याबाबतही तुम्ही दक्षता घ्या 

आर्द्रतेमुळे हैराण आहात का? मग ‘या’ स्मार्ट गॅजेट्सचा वापर करा

दरवाजे-खिडक्यांपासून लांब ठेवा 

याशिवाय तुम्ही एअर प्युरीफायर दरवाजे आणि खिडक्यांजवळ अजिबात ठेऊ नका. बाहेरून येणाऱ्या प्रदूषणामुळे मशीन सतत तुम्हाला स्वच्छ करावे लागू शकते. प्रदूषण वाढत असेल तर खिडकी – दरवाजेही बंद ठेवा. पण तुमचा एअर प्युरीफायर लवकर खराब होऊ नये वाटत असेल तर ही काळजी नक्की घ्या 

तुमचा एअर प्युरीफायर लहान आकाराचा असेल तर तुम्ही डेस्क, टेबल वा स्टूलवर नक्कीच ठेऊ शकता. यामुळे योग्य पद्धतीने हवा सर्क्युलेट करण्यास मदत मिळते. एअरवेंट उघडे राहतील अशाच ठिकाणी हे मशीन ठेवा. याशिवाय फिल्टरची नियमित स्वच्छता ठेवायला विसरू नका.