BSNL चा दिवाळी धमाका! अवघ्या ‘इतक्या’ रूपयांमध्ये मिळणार हाय-स्पीड इंटरनेटसह OTT ॲप्सचा फ्री आनंद

BSNL Recharge: ही सेवा BSNL च्या 'भारतनेट फायबर' नेटवर्कचा विस्तार आणि ग्रामीण व शहरी भागांत स्वस्त इंटरनेट पोहोचवण्याच्या उद्देशाने तयार करण्यात आली आहे. या स्वस्त प्लॅनचे सर्वात मोठे वैशिष्ट्य म्हणजे यामध्ये ग्राहकांना मोफत OTT प्लॅटफॉर्म्सचे सबस्क्रिप्शन दिले जाणार आहे.

• बीएसएनएलने आणला 259 रुपयांचा नवीन प्लॅन 
• अनलिमिटेड कॉलिंग अन् वेगवान इंटरनेटची सुविधा 
• दिवाळीनिमित्त जाहीर केला नवीन प्लॅन 

BSNL Recharge: बीएसएनएल ही एक देशातील एक महत्वाची आणि प्रसिद्ध अशी दूरसंचार कंपनी आहे. बीएसएनएल कंपनी आपल्या यूजर्ससाठी दरवेळेस नवनवीन रिचार्ज प्लॅन्स आणत असते. दिवाळीनिमित (Tech News) बीएसएनएलने आपल्या ग्राहकांसाठी नवीन प्लॅन लॉंच केला आहे.  BSNL ने अवघ्या २५९ रुपयांचा नवा ब्रॉडबँड प्लॅन सादर केला आहे.  यामध्ये युजर्सना हाय-स्पीड इंटरनेट आणि अनलिमिटेड व्हॉईस कॉलिंगसोबतच लोकप्रिय OTT ॲप्सचे ॲक्सेस मोफत मिळणार आहे.

BSNL ब्रॉडबँड प्लॅनचे प्रमुख वैशिष्ट्ये

बीएसएनएलच्या 259 रुपयांच्या या प्लॅनमध्ये ग्राहकांना हाय-स्पीड फायबर ब्रॉडबँड इंटरनेट डेटाचा फायदा मिळणार आहे. त्यामुळे वर्क फॉर्म होम करणे देखील सोपे होणार आहे. वेगवान इंटरनेट सुविधा देखील ग्राहकांना मिळणार आहे. इंटरनेटसोबतच कोणत्याही नेटवर्कवर मोफत अन् अमर्याद लोकल आणि एसटीडी व्हॉईस कॉलिंग सुविधा पुरवली जात आहे.

ना वारंवार रिचार्जची चिंता, ना डेटाची कमतरता! दिवाळीच्या मूहूर्तावर BSNL चा धमाका, मिळणार तब्बल इतक्या दिवसांची व्हॅलिडीटी

ही सेवा BSNL च्या ‘भारतनेट फायबर’ नेटवर्कचा विस्तार आणि ग्रामीण व शहरी भागांत स्वस्त इंटरनेट पोहोचवण्याच्या उद्देशाने तयार करण्यात आली आहे. या स्वस्त प्लॅनचे सर्वात मोठे वैशिष्ट्य म्हणजे यामध्ये ग्राहकांना मोफत OTT प्लॅटफॉर्म्सचे सबस्क्रिप्शन दिले जाणार आहे. BSNL ने या दिवाळी सणाच्या मुहूर्तावर आपल्या युजर्ससाठी इतर अनेक आकर्षक रिचार्ज प्लॅन्स आणि स्पेशल ऑफर्सची घोषणा केली आहे. खाजगी दूरसंचार कंपन्यांच्या वाढत्या प्लॅनच्या किमतींच्या पार्श्वभूमीवर BSNL चा हा २५९ रुपयांचा प्लॅन ग्राहकांच्या खिशाला मोठा दिलासा देणारा ठरणार आहे.

बीएसएनएलचा 2,799 रुपयांचा प्लॅन हा वार्षिक प्लॅन असणार आहे. यामध्ये  संपूर्ण भारतात अनलिमिटेड व्हॉईस कॉलिंग आणि फ्री नॅशनल रोमिंगची सुविधा ग्राहकांना मिळणार आहे. यंदये दररोज 3 जीबी डेटा आणि हाय स्पीड इंटरनेट मिळणार आहे. तसेच दररोज 100 एसएमएस मोफत असणार आहेत.

एकदाच रिचार्ज करा अन् वर्षभर निश्चिंत राहा! हा आहे BSNLचा धमाकेदार प्लॅन, 365 दिवसांच्या व्हॅलिडीटीसह मिळणार हे फायदे

BSNL ने आपल्या २,४४९ रुपयांच्या लोकप्रिय वार्षिक प्लॅनच्या मुदतीतही १५ दिवसांची वाढ केली आहे. यामध्ये देशभरात कुठेही मोफत आणि अनलिमिटेड व्हॉईस कॉलिंगची सुविधा मिळणार आहे. दररोज 2 जीबी डेटा देखील यामध्ये मिळणार आहे. यामध्ये एक वर्षामध्ये अधिक 15 दिवस वाढवून देण्यात आले आहेत. बीएसएनएलने आपल्या युजर्ससाठी एक अत्यंत फायदेशीर आणि धमाकेदार ऑफर आणली आहे. या नवीन ऑफर अंतर्गत, ग्राहकांना रिचार्जवर केवळ अतिरिक्त व्हॅलिडिटीच मिळणार नाही, तर तब्बल १ लाख रुपयांचे वैयक्तिक अपघात विमा संरक्षण आणि १०,००० रुपयांचे सायबर विमा संरक्षण मिळणार असल्याचे समजते आहे.