मायक्रोसॉफ्ट आउटलुक आणि मायक्रोसॉफ्ट 365 चे सर्व्हर क्रॅश! यूजर्स वैतागले, कंपनीने X वर पोस्ट शेअर करत दिली माहिती

गुरुवारी रात्रीपासून मायक्रोसॉफ्टची ईमेल सेवा आउटलुक आणि मायक्रोसॉफ्ट 365 चे सर्वर अचानक ठप्प झाले असल्याची माहिती समोर आली आहे. टीम ही समस्या सोडवण्याचा आणि परिस्थिती पूर्वपदावर आणण्याचा प्रयत्न करतल असल्याची माहिती कंपनीने दिली आहे.

• मायक्रोसॉफ्टची ईमेल सेवा आउटलुक आणि मायक्रोसॉफ्ट 365 चे सर्वर अचानक ठप्प
• काही तांत्रिक कारणांमुळे काही क्षेत्रांत कनेक्टिविटीवर परिणाम झाल्याची कंपनीची माहिती
• संपूर्ण प्रकरणाबाबत कंपनीने सोशल मीडिया प्लॅटफॉर्म एक्सवर शेअर केली पोस्ट

जगातील सर्वात मोठ्या सॉफ्टवेअर कंपनी मायक्रोसॉफ्टबाबत एक महत्त्वाची आणि मोठी बातमी समोर आली आहे. गुरुवारी रात्रीपासून मायक्रोसॉफ्टची ईमेल सेवा आउटलुक आणि मायक्रोसॉफ्ट 365 चे सर्वर अचानक ठप्प झाले आहेत. यामुळे भारतातील लाखो यूजर्सवर परिणाम झाल्याचे पाहायला मिळत आहे. यूजर्सना ईमेल पाठवण्यात, रिसिव्ह करण्यात आणि अकाऊंट लॉगिन करण्यात समस्या येत असल्याचे पाहायला मिळत आहे. या प्रकरणी कंपनीने सांगितलं आहे की, काही तांत्रिक कारणांमुळे काही क्षेत्रांत कनेक्टिविटीवर परिणाम झाला आहे आणि आमची टीम ही समस्या सोडवण्याचा आणि परिस्थिती पूर्वपदावर आणण्याचा प्रयत्न करत आहे.

Oppo Reno 17 स्मार्टफोनचा लूक आला समोर; कॅमेरा मॉड्यूलसह दिसणार ‘ग्लोइंग कॅट’ डिझाईन, चाहते थक्क

एक लाखांहून अधिक रिपोर्ट

मायक्रोसॉफ्टच्या ईमेल सेवांमधील तांत्रिक समस्यांमुळे जगभरातील करोडो ऑफीसमधील कामांवर परिणाम होत असल्याचे पाहायला मिळत आहे. ऑनलाईन सेवांमधील व्यत्ययांचा मागोवा घेणारे व्यासपीठ ‘डाउनडिटेक्टर’ ने दिलेल्या माहितीनुसार, आउटलुकमधील समस्या ईस्टर्न टाइमनुसार दुपारी 1 वाजण्याच्या सुमारास सुरू झाली असल्याची माहिती मिळाली आहे. अगदी काही वेळातच तक्रारी प्रचंड वाढल्या आणि आऊटलूक संबंधित 1 लाखांहून अधिक तक्रारी प्राप्त झाल्या. तर मायक्रोसॉफ्ट 365 साठी 15 हजारांहून अधिक नव्या यूजर्सनी तक्रार दाखल केल्या.  (फोटो सौजन्य – AI Created) 

स्मार्टवॉच नाही, तर थेट मेंदूवर लक्ष ठेवणारं गॅजेट! नव्या ‘Temple’ ची सर्वत्र चर्चा, जाणून घ्या किंमत आणि फीचर्स

कंपनीने काय सांगितलं?

या संपूर्ण प्रकरणाबाबत कंपनीने सोशल मीडिया प्लॅटफॉर्म एक्सवर एक पोस्ट शेअर केली आहे. या पोस्टमध्ये कंपनीने सांगितलं आहे की, आमची टीम या संपूर्ण प्रकरणाची तपसाणी करत आहे. सुरुवातीला ही समस्या केवळ युनायटेड स्टेट्सपुरती मर्यादित असल्याचे वाटत होते, परंतु नंतर कंपनीने कबूल केले की याचा परिणाम जागतिक स्तरावर असू शकतो. मायक्रोसॉफ्टने सांगितले की, त्यांची टीम ही समस्या सोडवण्यासाठी आणि परिस्थिती पूर्वपदावर आणण्यासाठी प्रयत्न करत आहे. तसेच कंपनीने हेही स्पष्ट केले की, ही समस्या कोणत्याही प्रदेशातील यूजर्ससाठी ‘मायक्रोसॉफ्ट 365’ सेवेच्या कनेक्टिव्हिटीवर परिणाम करू शकते.

We’re investigating reports of users experiencing issues accessing Exchange Online mailboxes through multiple connection methods in the Americas. More details can be found in the Microsoft 365 admin center under EX1550543. — Microsoft 365 Status (@MSFT365Status) November 12, 2026

काही यूजर्सनी देखील सोशल मीडियावर याबाबत पोस्ट शेअर केल्या आहेत.

Nothing bonds a global workforce faster than rushing to X to verify that Outlook is down for everyone else too. Enjoy the unscheduled break while Microsoft restarts the servers! 🙌 #Outlook #MicrosoftOutage Le Employees https://t.co/Lssto3Klyq — Amit Singh (@RockstarAmit) November 13, 2026

> It’s a perfect start on Friday for all teams. > Outlook down.
> Teams having issues.
> Microsoft 365 struggling.
> So, no communication with anyone.
> Close your laptops and enjoy your day. > We will meet on Monday 🤝 #MicrosoftOutage #microsoft365down https://t.co/ypaAGX5guS — Uday👨‍💻 (@AIVerseUday) November 13, 2026