गाणी ऐकण्याची मजा होणार दुप्पट! Noise चे नवे ओपन-ईयर ईयरबड्स भारतात लाँच, खास आणि आकर्षक अशी डिझाईन मिळणार केवळ इतक्या किंमतीत

Noise Air Clips 2 ची किंमत आणि उपलब्धता

Noise Air Clips 2 हे नवीन ईअरबड्स भारतात 3999 रुपयांच्या सुरुवातीच्या किंमतीत लाँच करण्यात आले आहेत. हे नवीन आणि आकर्षक डिझाईनवाले ईअरबड्स तीन कलर ऑप्शनमध्ये उपलब्ध आहेत. ज्यामध्ये फ्रॉस्ट ब्लॅक, फ्रॉस्ट ग्रीन आणि फ्रॉस्ट आइवरी यांचा समावेश आहे. या डिव्हाईसची ऑफिशियल सेल 29 जुलै रोजी दुपारी 12 वाजल्यापासून Amazon आणि Noise India e-store वर सुरु झाली आहे.  (फोटो सौजन्य – X)

Noise Air Clips 2 चे फीचर्स आणि स्पेसिफिकेशन्स

Noise Air Clips 2 मध्ये Open Beam Design आणि क्लिप-स्टाइल डिझाईन देखील देण्यात आले आहे. हे ईअरबड्स आधीपेक्षा जास्त चांगली ग्रिप आणि आरामदायक फिट ऑफर करतात. ज्यामुळे युजर्सची गाणी ऐकण्याची मजा दुप्पट होते. यामध्ये 12mm चे डायनामिक ड्राइवर्स लावण्यात आले आहेत. ज्यामुळे युजर्सना क्लियर आणि क्रिस्प साउंड क्वालिटी ऑफर केली जाते. यासोबतच Noise Air Clips 2 मध्ये AirWave Technology चा वापर करण्यात आला आहे. जे एयर कंडक्शनद्वारे चांगली साउंड क्वालिटी ऑफर करतो. याची खासियत म्हणजेच यामध्ये साउंड लीकेज होत नाही. म्हणजेच तुमच्या आजूबाजूच्या लोकांना समजणार नाही, की तुम्ही काय ऐकत आहात.

Noise Air Clips 2 मध्ये असलेले ओपन-एअर डिझाइन तुम्हाला संगीताचा आनंद घेण्यास मदत करते आणि त्याचबरोबर आजूबाजूच्या वातावरणाशीही जोडण्याची संधी देखील देते. कनेक्टिव्हिटीसाठी, या नवीन ईअरबड्समध्ये ब्लूटूथ 5.3 सपोर्ट देण्यात आला आहे जो एकाच वेळी दोन डिव्हाइस कनेक्ट करण्याची परवानगी देतो. यात हायपरसिंक तंत्रज्ञान देखील आहे, जेणेकरून केस उघडताच इअरबड्स त्वरित पेयर केले जातील.

Samsung च्या ‘वॉक-ए-थॉन इंडिया’चे तिसरे एडिशन सुरु, विजेत्यांना Galaxy Watch8 वर मिळणार डिस्काऊंट कूपन

गेमिंग लवर्ससाठी Noise Air Clips 2 मध्ये लो-लेटेंसी मोड देखील देण्यात आला आहे. ज्यामुळे गेमिंगचा अनुभव लॅग-फ्री राहतो. Noise Air Clips 2 च्या बॅटरी लाइफबद्दल बोलायचे झाले तर, ते चार्जिंग केससह 40 तासांपर्यंत बॅटरी लाईफ देतात, तर फक्त इअरबडची बॅटरी 6.5 तासांपर्यंत टिकते.

संबंधित बातम्या