Google Map Update: इंटरनेटशिवाय गुगल मॅप दाखवणार रस्ता, अशा पद्धतीने सेव्ह करा ऑफलाईन लोकेशन

गुगल मॅप हे एक प्रसिद्ध नेव्हिगेशन ॲप आहे, जे इतर अनेक वैशिष्ट्यांसह जगभरातील लोकांना दिशानिर्देश प्रदान करते. गुगल मॅप्समध्ये युजरच्या सोयीचा विचार करून ऑफलाइन मॅप फीचर सुरू करण्यात आले आहे.

गुगल मॅप्समध्ये स्मार्टफोन युजर्सना ऑफलाइन नकाशे सेव्ह करण्याची सुविधा मिळते. तुम्ही एखाद्या अशा ठिकाणी असाल जिथे इंटरनेट चालत नाही, किंवा तुमच्या फोनला नेटवर्क नाही, अशावेळी गुगल मॅपचं ऑफलाइन मॅप फीचर तुमच्यासाठी फायदेशीर ठरणार आहे. तुम्ही अगदी सोप्या पद्धतीने गुगल मॅपवर ऑफलाईन नकाशे सेव्ह कर शकता, जे तुम्हाला आपत्कालीन परिस्थितीत मदत करतील.

हेदेखील वाचा- Google Map Update: पैसे वाचवण्यासाठी गुगल मॅप करणार मदत, या फीचरच्या मदतीने गाडी चालवताना होणार इंधनाची बचत

गुगल मॅप्समध्ये युजरच्या सोयीचा विचार करून ऑफलाइन मॅप फीचर सुरू करण्यात आले आहे. या फीचरसह, डिव्हाइस इंटरनेटशी कनेक्ट केलेले नसले तरीही गुगल मॅप वापरता येऊ शकतात. यासाठी तुम्हाला काही सोप्या स्टेप्स फॉलो कराव्या लागणार आहेत, ज्याच्या मदतीने तुम्ही ऑफलाईन नकाशे सेव्ह करू शकता. (फोटो सौजन्य – pinterest)

गुगल मॅप ऑफलाइन कसा काम करतो?

गुगल मॅप्स एका खास वैशिष्ट्यासह ऑफलाइन वापरता येतात. यासाठी, प्रथम तुम्हाला इंटरनेट कनेक्शनसह मॅपवर लोकेशन सेव्ह करावे लागेल .

गुगल मॅपवर ऑफलाइन लोकेशन कसे सेव्ह करायचं

• गुगल मॅप्सवर ऑफलाइन लोकेशन सेव्ह करण्यासाठी, सर्वात आधी इंटरनेट कनेक्शनसह गुगल मॅप ओपन करा.
• आता गुगल मॅपवर लोकेशन सर्च करा.
• एकदा लोकेशन सेट केल्यावर, तुम्हाला वरच्या उजव्या कोपऱ्यात असलेल्या थ्री डॉट पर्यायावर क्लिक करावे लागेल.
• आता तुम्हाला मेनूमधून Download offline map वर टॅप करावे लागेल.
• डाउनलोड करण्यापूर्वी एरिआ कन्फर्म करणे आवश्यक आहे.
• यानंतर तुम्हाला डाउनलोड पर्यायावर टॅप करावे लागेल.

गुगल मॅप ऑफलाइन सेव्ह करण्यासाठी फोनमध्ये स्टोरेज असणे आवश्यक आहे. लोकेशननुसार स्टोरेज लागते. इंटरनेट नसल्यास, ॲपला भेट देताच सेव्ह केलेले लोकेशन पाहिले आणि वापरले जाऊ शकते.

हेदेखील वाचा- Google Map Update: iPhone वर गुगल मॅपला डिफॉल्ट नेविगेशन अ‍ॅप बनवायचं? या सोप्या टीप्स तुम्हाला करतील मदत

गुगल ऑफलाइन मॅप कधी उपयोगी ठरतो?

ऑफलाइन गुगल मॅपसह, तुम्ही रस्त्यांपासून कोणत्याही बेसिक पॉइंटपर्यंत माहिती सेव्ह करू शकता. ऑफलाइन गुगल मॅपसह, वापरकर्त्याला टर्न बाय टर्न नेव्हिगेशनची सुविधा मिळते. डेस्टीनेशनवर जाण्यापूर्वी नकाशा ऑफलाइन सेव्ह केला जाऊ शकतो, जेणेकरून मार्गावर कोणतेही नेटवर्क नसताना तुम्हाला अगदी सहज रस्ता शोधण्यासाठी मदत होऊ शकते.

गुगल मॅपवर लोकेशनसाठी ईमोजी सेव्ह करा

• गुगलने मॅप्सवर ईमोजी फीचर अ‍ॅक्टिव करण्यात आले आहे. आता युजर्स कोणत्याही लोकेशनसाठी ईमोजी सेट करू शकतात.
• गुगल मॅपवर एखाद्या लोकेशनवर टॅप केल्याने एक नवीन मेनू उघडतो, जेथे यूजर्स सेव्ह बटणावर टॅप करू शकतात.
• पुढे, एक नवीन पॅनेल जोडले गेले आहे जे यूजर्सना लोकेशनसाठी नाव अ‍ॅड करण्याचा पर्याय देते. यानंतर, टॉप सेंटरला एक नवीन आयकॉन पर्याय आहे, ज्यावर टॅप केल्यास इमोजी लिस्ट दिसून येते.
• पूर्वी हे चिन्ह हार्ट, स्टार, सूटकेस, प्लेग आणि लिस्ट आयकॉनपुरते मर्यादित होते.
• इमोजी जोडल्याने वापरकर्त्यांना अधिक पर्याय आणि ते सेव्ह करत असलेले लोकेशन सहज मिळेल. ते पर्सनलाइज्ड केले जाईल.