Google Map Update: अशा पद्धतीने गुगल मॅपमध्ये मिळणार वेदर अपडेट, एयर क्वालिटी इंडेक्सचीही माहिती मिळणार

गुगल मॅपमध्ये आता रिअल टाईम इंडेक्स आणि हवामानाची सर्व माहिती शोधणं सहज सोपं होणार आहे. गुगल मॅप्स, जगातील सर्वात लोकप्रिय नेव्हिगेशन अ‍ॅप आहे. मॅपमध्ये अनेक फीचर्स देण्यात आले आहेत, जे युजर्ससाठी फायदेशीर आहेत.

करोडो लोक रस्ता शोधण्यासाठी नेव्हिगेशन अ‍ॅप गुगल मॅपचा वापर करतात. गुगल मॅपच्या मदतीने अवघड वाट शोधणे देखील अगदी सहज सोपं होतं. गुगल मॅप आता केवळ रस्ता शोधण्यासाठीच नाही तर हवामान अपडेट देण्यासाठी देखील मदत करणार आहे. गुगल मॅप्सवर असं फीचर जोडण्यात आलं आहे ज्याच्या मदतीने युजर्सना आता कोणत्याही ठिकाणचे हवामान अपडेट्स अगदी सहज मिळणार आहे. गुगल मॅप्सवर हवामान अपडेट मिळवण्यासाठी युजर्सना काही सोप्या स्टेप्स फॉलो करून सेटिंग अपडेट करावी लागणार आहे.

हेदेखील वाचा- Google Map Update: स्पीड चलानपासून सुरक्षित राहण्यासाठी गुगल मॅप करेल मदत, फक्त करा ही सेटिंग

Android आणि IOS दोघांना मिळणार हवामान अपडेट

गुगल मॅपमधील हवामान अपडेटचे हे फीचर अँड्रॉइड आणि आयओएस दोन्ही युजर्ससाठी सादर करण्यात आले आहे. या फीचरच्या मदतीने तुम्हाला रिअल टाईम इंडेक्स आणि हवामानाची सर्व माहिती मिळू शकते.पण यासाठी तुम्हाला तुमच्या स्मार्टफोनवरील गुगल मॅपमध्ये काही सेटिंग करावी लागणार आहे. (फोटो सौजन्य – pinterest)

गुगल मॅपवर हवामान अपडेट कसं तपासायचं?

• सर्वात आधी तुमच्या स्मार्टफोनवर गुगल मॅप ओपन करा.
• सर्च बॉक्समध्ये तुम्हाला ज्या ठिकाणाचं हवामान जाणून घ्यायचे आहे त्या ठिकाणाचे नाव एंटर करा.
• यानंतर सर्च बॉक्सच्या खाली असलेल्या आयकॉनवर क्लिक करा. येथे मॅप डिटेल पर्यायामध्ये, तुम्हाला वाइल्डफायर्स आणि एअर क्वालिटीचा पर्याय मिळेल.
• तुम्ही एअर क्वालिटीवर टॅप केल्यास तुम्हाला एअर क्वालिटी इंडेक्सबद्दल माहिती मिळेल.

गुगल मॅपचे हे फीचर्सही ठरतील उपयुक्त

• गुगल मॅपमध्ये इतर अनेक फीचर्स दिलेले आहेत जे तुम्हाला कठीण काळात खूप उपयोगी पडतील.
• गुगल मॅपमध्ये स्ट्रीट व्यू पर्याय उपलब्ध आहे.
• यामध्ये तुम्ही कोणाशीही लाईव्ह लोकेशन शेअर करू शकता.
• गुगल मॅपसुद्धा ट्रॅफिक अपडेट्सची माहिती देतो.

हेदेखील वाचा- Google Map Update: iPhone वर गुगल मॅपला डिफॉल्ट नेविगेशन अ‍ॅप बनवायचं? या सोप्या टीप्स तुम्हाला करतील मदत

• यामध्ये एक खास फीचर देण्यात आले आहे ज्याद्वारे तुम्ही पार्क केलेले वाहन काही मिनिटांत शोधू शकता.
• विशेष बाब म्हणजे गुगल मॅप ऑफलाइन मोडमध्येही वापरता येणार आहे.
• गुगल मॅप्सवरून ट्रेनचा लाईव्ह स्टेटस देखील चेक करता येणार आहे.
• गुगल मॅप तुम्हाला स्पीड चलानपासून सुरक्षित राहण्यासाठी देखील मदत करणार आहे.
• गुगल मॅपवर तुम्ही अगदी सोप्या पध्दतीने तुमचं आवडतं ठिकाण मार्क करू शकणार आहात.
• गुगल मॅपमध्ये अ‍ॅड करण्यात आलेलं आणखी एक फीचर म्हणजे आता गुगल मॅप रस्त्याची रुंदीसुध्दा सांगणार आहे.
• गुगल मॅप्सवर दिल्या जाणाऱ्या खोट्या फीडबॅकबाबतीत देखील कठोर पावलं उचलण्यात आली आहेत.
• गूगल मॅपवरून तुम्ही सीएनजी पंप आणि ईव्ही चार्जिंग स्टेशन देखील अगदी सहज शोधू शकता.