अरे देवा!! ग्राहकांच्या बजेटवर पुन्हा ताण; Oppo आणि Xiaomi ने वाढवल्या या डिव्हाईसच्या किंमती, नवीन दर पाहून बसेल धक्का

शाओमी आणि ओप्पोने त्यांच्या काही डिव्हाईसच्या किंमतीत तब्बल 5 हजार रुपयांपर्यंत वाढ केली आहे. त्यामुळे ग्राहकांना मोठा झटका बसला आहे. खरं तर, टेक कंपन्या गेल्या अनेक दिवसांपासून त्यांच्या विविध प्रोडक्ट्सच्या किंमतीत वाढ करत आहेत.

• ओप्पो फाइंड एक्स 9 एस च्या दोन्ही व्हेरिअंट्सच्या किंमतीत ₹5,000 ची वाढ झाली असून, नवीन किंमत ₹84,999 पासून सुरू झाली आहे.
• शाओमी पॅड 8 ची किंमत ₹3,000 पर्यंत वाढली असून, रेडमी पॅड 2 चे विविध व्हेरिअंट्सही ₹1,000 ने महागले आहेत.
• रेडमी 15 ए च्या सर्व मॉडेल्सच्या किंमती वाढल्या असून, आता ग्राहकांना ₹16,499 ते ₹20,499 पर्यंत खर्च करावा लागणार आहे.

टेक कंपनी ओप्पो आणि शाओमीने देखील आता त्यांच्या ग्राहकांना मोठा झटका दिला आहे. कंपनीने त्यांच्या स्मार्टफोन्स आणि टॅबलेट्सच्या किंमतीत मोठी वाढ केली आहे. कंपनीने घेतलेल्या या निर्णयाचा परिणाम मिडरेंज आणि फ्लॅगशिप दोन्ही रेंमधील मॉडेल्सवर झाला आहे. कंपनीने Oppo Find X9s, Xiaomi Pad 8, Redmi Pad 2 आणि Redmi 15A च्या किंमतीत वाढ करण्याचा निर्णय घेतला आहे. लेटेस्ट राउंड मेमोरी कंपोनेंट्सच्या वाढत्या खर्चामुळे कंपनीने या मॉडेल्सच्या किंमतीत वाढ केली असल्याचे सांगितलं जात आहे.

Appleच्या सिंहासनावर नवा चेहरा! Tim Cook यांच्यानंतर John Ternus हाती घेणार कंपनीची सूत्रे, कसा आहे आतापर्यंतचा प्रवास? जाणून घ्या

ओप्पो फाइंड एक्स 9 एस

टिप्स्टर संजू चौधरीने एक्सवर एक पोस्ट शेअर केली आहे. या पोस्टमध्ये त्याने डिव्हाईसच्या नवीन किंमतींबाबत माहिती शेअर केली आहे. एक्सवर शेअर करण्यात आलेल्या पोस्टनुसार, Oppo Find X9s च्या दोन्ही व्हेरिअंट्सच्या किंमतीत 5 हजार रुपयांची वाढ करण्यात आली आहे. 12GB रॅम + 256GB स्टोरेज मॉडेलची किंमत यापूर्वी 79,999 रुपये होती. मात्र आता हे डिव्हाईस खरेदी करण्यासाठी ग्राहकांना 84,999 रुपये खर्च करावे लागणार आहेत. तसेच 12GB + 512GB व्हेरिअंटची किंमत आता 89,999 रुपयांऐवजी 94,999 रुपये झाली आहे.  (फोटो सौजन्य: Pinterest) 

शाओमी पॅड 8

शाओमी पॅड 8 च्या किंमतीत देखील वाढ करण्यात आली आहे. या डिव्हाईसचे 12GB रॅम + 256GB स्टोरेज व्हेरिअंट खरेदी करण्यासाठी आता ग्राहकांना 43,999 रुपयांऐवजी 46,999 रुपये खर्च करावे लागणार आहेत. तर या डिव्हाईसच्या नॅनो टेक्सचर व्हेरिअंटची किंमत 45,999 रुपयांऐवजी आता 48,999 रुपये झाली आहे.

Price hike alert 🚨
OPPO & Xiaomi increases the price of smartphones & tablets by upto ₹5k: FIND X9s:
• 12/256GB: ₹79,999 → ₹84,999
• 12/512GB: ₹89,999 → ₹94,999 Pad 8
• 12/256GB: ₹43,999 → ₹46,999
• Nano texture : ₹45,999 → ₹48,999 Pad 2:
• 4/128GB… pic.twitter.com/FuNaPOB65X — Sanju Choudhary (@saaaanjjjuuu) September 1, 2026

रेडमी पॅड 2

रेडमी पॅड 2 चे 4GB रॅम + 128GB वायफाय व्हेरिअंट देखील आता 1 हजार रुपयांनी महाग झाले आहे. त्यामुळे आता हे व्हेरिअंट खरेदी करण्यासाठी 18,999 रुपयांऐवजी 19,999 रुपये खर्च करावे लागणार आहेत. या डिव्हाईसच्या 4GB + 128GB सेलुलर मॉडेलची किंमत 19,999 रुपयांऐवजी 20,999 रुपये झाली आहे. तर 6GB + 128GB सेलुलर व्हेरिअंटची किंमत 22,999 रुपयांऐवजी 23,999 रुपये झाली आहे. तर रेडमी पॅड 2 च्या 8GB रॅम + 256GB सेलुलर व्हेरिअंटच्या किंमतीत देखील 1 हजार रुपयांची वाढ करण्यात आली आहे. त्यामुळे आता हे व्हेरिअंट खरेदी करण्यासाठी 24,999 रुपयांऐवजी 25,999 रुपये मोजावे लागणार आहेत.

आता रेशन कार्डही डिजिटल! ‘मेरा रेशन’ ॲपवर मिळणार धान्यापासून रेशन दुकानापर्यंतची सर्व माहिती, वाचा सविस्तर

रेडमी 15 ए

कंपनीने रेडमी 15 ए च्या सर्व मॉडेल्सच्या किंमतीत वाढ केली आहे. 4GB रॅम + 64GB स्टोरेज व्हेरिअंटची किंमत आता 15,999 रुपयांऐवजी 16,499 रुपये झाली आहे. तर 4GB + 128GB मॉडेलची किंमत 17,499 रुपयांऐवजी 18,499 रुपये झाली आहे. तर 6GB रॅम + 128GB स्टोरेज व्हेरिअंटची किंमत 19,499 रुपयांऐवजी 20,499 रुपये झाली आहे. कंपनीने अद्याप अधिकृतपणे या बदलत्या किंमतींची माहिती थेट शेअर केली नाही. मात्र ओप्पो आणि शाओमीच्या भारतीय वेबसाईट्सवर या नवीन किंमती पाहायला मिळत आहेत.