Xiaomi च्या नव्या 4K स्मार्ट टिव्हीची जबरदस्त एंट्री! 50-इंच स्क्रीन आणि 144Hz रिफ्रेश रेटने सुसज्ज, किंमत तुमच्या बजेटमध्ये
कंपनीने लाँच केलेल्या या नवीन स्मार्ट टिव्ही मॉडेलची किंमत 1399 युआन म्हणजेच सुमारे 19 हजार रुपये आहे. रोजच्या वापरासाठी आणि घरातील मनोरंजनासाठी हा टिव्ही डिझाईन करण्यात आला आहे. कंपनीने रेडमी स्मार्ट टीव्ही ए 50 एनर्जी एफिशिअंसी लेव्हल 1 एडिशन एंट्री लेव्हल स्मार्ट टिव्हीच्या रुपात सादर केला आहे. (फोटो सौजन्य – Xiaomi)
रेडमीच्या या नवीन स्मार्ट टिव्हीमध्ये 50-इंच 4K UHD डिस्प्ले देण्यात आले आहे, ज्याचे रिजोल्यूशन 3840 × 2160 पिक्सेल आहे. एवढंच नाही तर या स्मार्ट टिव्हीमध्ये 144Hz पर्यंत रिफ्रेश रेट सपोर्ट देखील देण्यात आला आहे, जो स्पोर्ट्स आणि गेमिंग कंटेंट पाहताना अधिक जास्त स्मूथ मोशन ऑफर करतो. हा स्मार्ट टिव्ही डायरेक्ट बॅकलाइटिंगवाल्या डायरेक्ट-लिट LCD पॅनलचा वापर करतो. ज्यामुळे संपूर्ण स्क्रीनवर एकसारखी ब्राइटनेस पाहायला मिळते. टिव्हीमध्ये ट्रू टोन डिस्प्ले टेक्नोलॉजी सपोर्ट देखील देण्यात आला आहे, जे रंग बॅलेन्स करण्यासाठी आणि दिर्घकाळ टिव्ही पाहणं आरामदायक राहण्यासाठी डिझाईन करण्यात आले आहे. हार्डवेअरबद्दल बोलायंच झालं तर टिव्ही एक क्वाड-कोर Cortex-A35 प्रोसेसरने सुसज्ज आहे, ज्यासोबत माली-जी 31 एमपी 2 जीपीयू देखील देण्यात आला आहे.
यासोबतच या शाओमी स्मार्ट टिव्हीमध्ये 2GB रॅम आणि 32GB इंटरनल स्टोरेज देण्यात आले आहे, ज्याच्या मदतीने यूजर्स अॅप्स इंस्टॉल करू शकतात आणि स्मार्ट फीचर्स अगदी सहज एक्सेस करू शकणार आहेत. नवीन स्मार्ट टिव्ही शाओमी सर्ज ओएसवर चालते, ज्यामुळे यूजर्सना शाओमीच्या स्मार्ट टीव्ही इंटरफेस, स्ट्रीमिंग अॅप्स आणि कनेक्टेड इकोसिस्टमच्या वैशिष्ट्यांमध्ये प्रवेश मिळतो.
ऑडिओबद्दल बोलायचं झालं तर या लेटेस्ट लाँच स्मार्ट टिव्हीमध्ये दोन स्पीकर देण्यात आले आहे, ज्यामधील एकाचे आउटपुट 10W पर्यंत आहे. याचा अर्थ या डिव्हाईसमध्ये एकूण 20W पर्यंत साउंड आउटपुट ऑफर केला जातो. कनेक्टिव्हिटीसाठी, टीव्हीमध्ये दोन एचडीएमआई पोर्ट, दो यूएसबी-ए पोर्ट, AV इनपुट, इथरनेट LAN, DTMB/ॲनालॉग सिग्नल सपोर्ट, S/PDIF ऑडिओ आउटपुट आहेत.
.png "Videos"){kind=small}
