सॅमसंग-विवोला टक्कर देण्यासाठी भारतीय कंपनी सज्ज! 15 हजारांहून कमी किंमतीत नवा स्मार्टफोन लाँच, फीचर्स जाणून घ्या

Karbonn Rebel Smartphones Launched: भारतीय टेक कंपनीने पुन्हा एकदा कमबॅक केले आहे. कंपनीने भारतात दोन नवीन स्मार्टफोन्स लाँच केले आहेत. या स्मार्टफोनची किंमत कमी असली तरी देखील यामध्ये दमदार फीचर्स ऑफर करण्यात आले आहेत.

• भारतीय कंपनीने लाँच केले दोन नवीन स्मार्टफोन्स
• 15 हजारांहून कमी किंमतीत दोन नवीन स्मार्टफोन्स लाँच
• कार्बोन रेबेल प्रोची किंमत 12,499 रुपये तर स्टँडर्ड रेबेल मॉडेलची किंमत केवळ 11,999 रुपये

Karbonn Smartphone Launched: भारतीय टेक कंपनी कार्बोनने दोन नवीन स्मार्टफोन लाँच केले आहेत. सॅमसंग विवोसारख्या कंपन्यांना टक्कर देण्यासाठी कंपनीने हे स्मार्टफोन्स लाँच केले आहेत. कंपनीने दोन्ही नवीन स्मार्टफोन्स Karbonn Rebel Pro आणि Karbonn Rebel या नावाने लाँच करण्यात आले आहेत. या दोन्ही स्मार्टफोन्सच्या लाँचिंगसह कंपनीने पुन्हा एकदा भारतीय मार्केटमध्ये पदार्पण केले आहे. 15 हजारांहून कमी किंमतीत लाँच करण्यात आलेले हे स्मार्टफोन्स आता भारताच्या बजेट सेगमेंटचा भाग बनले आहेत.

दिवाळीत ऑनलाईन शॉपिंग करताय? सावधान… या 5 सायबर फ्रॉडमुळे रिकामं होऊ शकतं तुमचं अकाऊंट

कंपनीने लाँच केलेल्या दोन्ही नवीन स्मार्टफोन्समध्ये मीडियाटेक हेलियो प्रोसेसर आणि मोठी बॅटरी मिळणार आहे. या दोन्ही डिव्हाईसमध्ये कंपनी 2 वर्षांपर्यंत मोठे अँड्रॉईड ओएस अपग्रेड आणि 2 वर्षांपर्यंत रेगुलर सिक्योरिटी पॅच मिळणार आहे. यामध्ये 3.5mm चा हेडफोन जॅक देखील मिळणार आहे, जो हल्लीच्या नव्या स्मार्टफोन्समध्ये पाहायला मिळत नाही. (फोटो सौजन्य: Karbonn) 

कार्बोन रेबेल प्रो आणि रेबेल ची किंमत

भारतीय कंपनीने लाँच केलेल्या नव्या स्मार्टफोन्सच्या किंमतींबद्दल बोलायचं झालं तर, कार्बोन रेबेल प्रोची किंमत 12,499 रुपये आहे, तर स्टँडर्ड रेबेल मॉडेलची किंमत केवळ 11,999 रुपये आहे. दोन्ही स्मार्टफोन्सची विक्री 4 नोव्हेंबरपासून सुरु होणार आहे. ग्राहक ई कॉमर्स प्लॅटफॉर्म ॲमेझॉनवरून हे स्मार्टफोन्स खरेदी करू शकतात.

कार्बोन रेबेल प्रो चे फीचर्स आणि स्पेसिफिकेशन्स

कंपनीने लाँच केलेल्या नव्या कार्बोन रेबेल प्रो स्मार्टफोनमध्ये 6.7 इंच एचडी+ डिस्प्ले देण्यात आला आहे. यासोबतच या स्मार्टफोनमध्ये 120Hz पर्यंत रिफ्रेश रेट आणि 720 निट्सची ब्राइटनेस मिळणार आहे. नव्या डिव्हाईसमध्ये मीडियाटेक हेलियो G81 प्रोसेसर मिळणार आहे. या डिव्हाईसमध्ये 20W फास्ट चार्जिंग सपोर्टसह 6,000mAh बॅटरी देखील मिळणार आहे. फोटोग्राफीसाठी प्रो मॉडेलमध्ये 64MP चा प्रायमरी कॅमेरा आहे. तर सेल्फी आणि व्हिडीओ कॉलिंगसाठी या स्मार्टफोनमध्ये 16MP चा फ्रंट कॅमेरा देण्यात आला आहे.

शेकडो ईमेलमध्ये महत्त्वाचा मेल होतोय मिस? Gmail ची ही ट्रिक ठरेल फायदेशीर, मेल येताच वाजेल रिंगटोन

कार्बोन रेबेल चे फीचर्स आणि स्पेसिफिकेशन्स

कंपनीने लाँच केलेल्या दुसऱ्या स्टँडर्ड कार्बोन रेबेलमध्ये 6.75 इंच एचडी+ डिस्प्ले मिळणार आहे. यासोबतच या स्मार्टफोनमध्ये मीडियाटेक हेलियो G81 चिपसेट आणि 18W फास्ट चार्जिंग सपोर्टसह 7,000mAh बॅटरी मिळणार आहे. फोनमध्ये 50MPचा प्रायमरी कॅमेरा आहे.