Samsung Galaxy F55 5G आज भारतात लाँचसाठी सज्ज झालाय. कंपनीने फ्लिपकार्टवर फोनचा टीझर रिलीज केला आहे असून हा फोन विगन लेदर फिनिशसह येणार आहे. फोनच्या टीझरसोबतच त्याच्या किंमतीबाबतही काही संकेत देण्यात आले आहेत.
या फोनची किंमत 2X,999 रुपयांपासून सुरू होईल. त्यामुळे साधारण हा फोन 30,000 रुपयांपेक्षा कमी किमतीत लाँच केला जाईल असा अंदाज आहे. हा फोन या सेगमेंटमधील सर्वात हलका विगन लेदर फोन असल्याचे सांगण्यात आले आहे. लाँच होण्यापूर्वी फोनचा रंगही समोर आला आहे. फोन अॅप्ररीकॉट क्रश आणि रेसिन ब्लॅक कलर पर्यायांसह उपलब्ध केला जाईल असेही सध्या सांगण्यात येत आहे.
[read_also content=”जुलैमध्ये लाँच होणार सॅमसंगचे हे फोन https://www.navarashtra.com/technology/samsung-galaxy-z-flip-6-and-galaxy-z-fold-6-will-be-launched-in-july-read-special-features-538470.html”]
काय असणार सुविधा
फोनमध्ये अत्याधुनिक स्नॅपड्रॅगन 7 Gen 1 प्रोसेसर असेल आणि 12 GB पर्यंत रॅम असेल असे म्हटले जाते. या सॅमसंग फोनमध्ये 120Hz रिफ्रेश रेट sAMOLED+ सह डिस्प्ले असेल.
किती असेल बॅटरी
फोनमध्ये 12 जीबी रॅम आणि 256 जीबी इंटरनल स्टोरेज आहे. पॉवरसाठी, फोनमध्ये 5000mAh बॅटरी देण्यात येणार असल्याचे आता उघड झाले आहे. तसंच या फोनला 45W फास्ट चार्जिंग सपोर्टदेखील असणार आहे.
[read_also content=”काही तासातच असे चार्ज होतात 5G मोबाईल https://www.navarashtra.com/technology/these-low-prices-5g-smartphones-are-charges-in-just-few-hours-538445.html”]
किती असेल डिस्प्ले
Samsung Galaxy F55 5G मध्ये FHD+ रिझोल्युशनसह मोठा 6.7-इंचाचा सुपर AMOLED डिस्प्ले आहे. हा फोन पंच-होल स्क्रीन आणि 120Hz रिफ्रेश रेटसह ऑफर केला जाईल. हा फोन बॅटरी वाचवण्यासाठी आणि वेळ आणि सूचना दर्शविण्यासाठी ऑलवेज-ऑन फिचरदेखील सपोर्ट करेल.
कसा असेल कॅमेरा
कॅमेरा म्हणून, या फोनमध्ये 50-मेगापिक्सेल प्रायमरी लेन्स, 8-मेगापिक्सेल अल्ट्रा-वाइड लेन्स आणि 2-मेगापिक्सेल मॅक्रो सेन्सरसह मागील बाजूस ट्रिपल-रिअर कॅमेरा सिस्टम असेल.
मुख्य लेन्सला ऑप्टिकल इमेज स्टॅबिलायझेशन (OIS) सपोर्ट असल्याचे समोर आले आहे. सेल्फीसाठी फोनमध्ये 50-मेगापिक्सलचा फ्रंट कॅमेरा दिला जाईल. याच्या कॅमेऱ्याने 4K व्हिडिओ शूट करता येऊ शकते.
