Tesla Cybercab: टेस्ला सायबरट्रक प्रोडक्शन 2027 मध्ये थांबणार? एलॉन मस्क यांचा ‘सायबरकॅब’वर मोठा फोकस

Tesla Cybertruck च्या प्रोडक्शनसाठी वापरली जाणारी टेक्सास गिगाफॅक्टरीची जागा Cybercab साठी वापरण्याची तयारी आहे. 250,000 वार्षिक विक्रीचे लक्ष्य गाठता न आल्याने टेस्लाच्या धोरणात बदल झाला आहे. स्वयंचलित टॅक्सी व्यवसाय मस्क यांची नवी मोठी बाजी ठरू शकतो.

Tesla Cybertruck Production Shift Focuses on Cybercab Robotaxi (फोटो सौजन्य-AI एआय)

Follow Us:

Follow Us:

• टेस्ला टेक्सास गिगाफॅक्टरीमध्ये सायबरट्रकचे प्रोडक्शन 2027 च्या मध्याच्या आसपास थांबवण्याच्या तयारीत आहे.
• अमेरिकेत 2025 मध्ये सायबरट्रकच्या 20,237 युनिट्सची विक्री झाली, जी मागच्या वर्षापेक्षा 48% कमी होती.
• एलॉन मस्क आता सायबरकॅब रोबोटॅक्सीच्या प्रोडक्शनवर लक्ष केंद्रित करून स्वयंचलित वाहतुकीचा विस्तार करण्याच्या प्रयत्नात आहेत.

2027 च्या मध्यापर्यंत सायबरट्रकचे प्रोडक्शन थांबणार

टेस्लाचे सीईओ एलॉन मस्क यांनी सोशल मीडिया प्लॅटफॉर्म X वर दिलेल्या माहितीनुसार, कंपनी टेक्सास गिगाफॅक्टरीमध्ये सायबरट्रकचे प्रोडक्शन 2027 च्या मध्याच्या आसपास बंद करण्याच्या दिशेने वाटचाल करत आहे. या निर्णयामागे Cybercab चे प्रोडक्शन वाढवण्याचा उद्देश आहे. सायबरट्रकचे प्रोडक्शन दुसऱ्या कारखान्यात हलवले जाणार की पूर्णपणे थांबवले जाणार, याबाबत कंपनीने स्पष्ट माहिती दिलेली नाही.

टेस्लाची नवी ऑफर! आता महिन्याच्या ₹१९,९९० च्या EMI वर घरी आणा ‘मॉडेल Y’! जाणून घ्या डिटेल्स

सायबरट्रकची ग्राहकांना डिलिव्हरी 2023 च्या अखेरीस सुरू झाली होती. 2019 मध्ये सादर झालेल्या या इलेक्ट्रिक पिकअपकडून मस्क यांना मोठ्या विक्रीची अपेक्षा होती. त्यांनी वर्षाला 250,000 वाहनांच्या विक्रीचा अंदाज व्यक्त केला होता. पण प्रत्यक्ष आकडे या अपेक्षेपासून दूर राहिले. Kelley Blue Book च्या आकडेवारीनुसार, अमेरिकेत 2025 मध्ये सायबरट्रकच्या 20,237 युनिट्सची विक्री झाली. 2024 मधील 38,965 युनिट्सच्या तुलनेत ही विक्री 48% घटली.

सायबरकॅब रोबोटॅक्सीला प्राधान्य

Tesla Cybercab हे कंपनीचे 2 सीटर स्वयंचलित वाहन आहे. या मॉडेलमध्ये पारंपरिक स्टिअरिंग व्हील आणि पेडल्स नाहीत. 2024 मध्ये सादर झालेल्या या वाहनाचा वापर रोबोटॅक्सी सेवेसाठी करण्याची मस्क यांची योजना आहे. टेक्सास कारखान्यात सायबरकॅबचे प्रोडक्शन एप्रिल 2026 मध्ये सुरू झाले, तर ऑस्टिनमध्ये सशुल्क राइड सेवा सप्टेंबरमध्ये सुरू झाल्याची माहिती समोर आली आहे.

टेस्लाच्या नव्या ‘फ्लाइंग कार रोडस्टर’साठी भारतात बुकिंग सुरू! फक्त बुकिंगसाठीच लागणार 2.50 ते 3 कोटी रुपये! जाणून घ्या डिटेल्स

सायबरट्रकच्या स्टेनलेस स्टील बॉडी आणि कोनीय डिझाइनमुळे काही देशांमध्ये विक्रीसाठी अडचणी निर्माण झाल्या. युरोपमध्ये पादचारी सुरक्षेसंबंधी नियमांमुळे या वाहनाला मंजुरी मिळणे कठीण ठरले. त्यामुळे टेस्लाला अपेक्षित जागतिक विस्तार साधता आला नाही. सायबरट्रकचे प्रोडक्शन कमी करून सायबरकॅबला प्राधान्य देणे म्हणजे टेस्ला इलेक्ट्रिक कार उत्पादक कंपनीकडून AI, रोबोटिक्स आणि स्वयंचलित वाहतुकीच्या दिशेने वाटचाल करत असल्याचे संकेत आहेत.

Web Title: Tesla cybertruck production wind down 2027 cybercab robotaxi auto news marathi ar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com