माऊस आणि कीबोर्ड खरेदीसाठी बाजारात जाण्याची गरज नाही! 10 मिनिटांत होणार सामानाची डिलीव्हरी, या कंपनीने Asus सोबत केली भागीदारी

स्विगी इंस्टामार्टची Asus सोबत भागिदारी

तुम्हाला केवळ मिनिटांत तुमचा नवीन माऊस आणून देण्यासाठी इंस्टंट डिल्हीव्हरी अ‍ॅप स्विगी इंस्टामार्ट तुमची मदत करणार आहे. यासाठी कंपनीने टेक कंपनी Asus सोबत भागिदारी केली आहे. Asus ने Swiggy Instamart सह भागिदारीची घोषणा केली आहे. कंपनीने सांगितलं आहे की, काही निवडक शहरांमध्ये ही सेवा सुरु केली जात आहे. त्यामुळे आता तुम्ही घरबसल्या Asus च्या एक्सेसरीज जसे की कीबोर्ड, माउस आणि चार्जर ऑर्डर करू शकता. पुढील 10 मिनिटांत तुम्हाला तुमच्या या सामानाची डिलीव्हरी मिळणार आहे. (फोटो सौजन्य – Pinterest)

या शहरांमध्ये सुरु झाली सेवा

Asus Marshmallow कीबोर्ड, Silent Ergo माउस आणि 65W Type-C GaN चार्जर आता Swiggy Instamart वर इतर वस्तूंसह उपलब्ध करण्यात आले आहेत. Swiggy Instamart व्यतिरिक्त जानेवारी महिन्यात Asus ने Zepto सोबत देखील भागिदारी केली होती. Asus ने एका प्रेस रिलीजमध्ये सांगितलं आहे की, Swiggy Instamart च्या सहकार्याने, निवडक शहरांमध्ये 10 मिनिटांत डिलिव्हरी सुरू करण्यात आली आहे. अहमदाबाद, चेन्नई, गुरुग्राम, हैदराबाद, कोलकाता, लखनऊ आणि पुणे यासारख्या शहरांमध्ये आसुस कीबोर्ड, माउस आणि चार्जर घरपोच डिलिव्हरीसाठी उपलब्ध असतील.

या वस्तू खरेदीसाठी उपसब्ध

Asus 65W Type-C यूनिवर्सल अडॅप्टर (Black) आणि 65W Type-C GaN यूनिवर्सल अडॅप्टर (Black) देखील क्विक डिलीव्हरीसाठई उपलब्ध आहेत. KW100 Marshmallow कीबोर्ड (Beige), CW100 वायरलेस कीबोर्ड (Green) आणि माउस कॉम्बो देखील क्विक डिलीव्हरीसाठई उपलब्ध आहेत. याशिवाय, MD102 Silent Ergo माउस, MW103 वायरलेस साइलेंट माउस आणि MD100 Marshmallow मल्टी-डिवाइस वायरलेस माउस देखील प्लेटफॉर्मवर विक्रीसाठी उपलब्ध आहे. या वस्तू ऑर्डनंतर केवळ 10 मिनिटांत डिलीव्हर केल्या जाणार आहेत.

या व्यक्तिने तयार केली सर्वात पहिली Ghibli इमेज, क्षणातच इंटरनेटवर सुरु झाला ट्रेंड… अनोखी कहाणी तुम्ही वाचलीत का?

Asus जानेवारीपासून Zepto सोबत भागीदारी केली आहे आणि दिल्ली एनसीआर, मुंबई, चेन्नई आणि बेंगळुरू सारख्या शहरांमध्ये त्यांचे काही कीबोर्ड आणि माऊस विकत आहे. Swiggy Instamart ने अलीकडेच Apple, Samsung, OnePlus आणि Redmi सारख्या ब्रँडच्या स्मार्टफोनची घरपोच डिलिव्हरी सुरू केली आहे, जी बंगळुरू, दिल्ली, मुंबई, चेन्नई, फरीदाबाद, नोएडा, गुरुग्राम, कोलकाता, हैदराबाद आणि पुणे येथे उपलब्ध आहे. ही सेवा लवकरच इतर शहरांमध्येही सुरू होईल. इन्स्टामार्टची प्रतिस्पर्धी ब्लिंकिट देखील अनेक शहरांमध्ये स्मार्टफोन डिलिव्हरी सेवा देत आहे.

संबंधित बातम्या