Refurbished Laptop खरेदी करण्याचा विचार करताय? या महत्वाच्या टिप्स लक्षात ठेवा, कधीही होणार नाही फसवणूक

रिफर्बिश्ड गॅजेट्स खरेदी करण्यापूर्वी महत्त्वाच्या गोष्टींची काळजी घेणं गरजेचं आहे. कारण आपण खरेदी असलेले रिफर्बिश्ड गॅजेट्स काही काळाने बंद पडण्याची शक्यता मोठ्या प्रमाणात असते. अशावेळी काही योग्य टीप्स लक्षात ठेवा.

सध्या लॅपटॉप ही काळाची गरज बनली आहे. आपण आपलं प्रत्येक काम स्मार्टफोनवर करू शकत नाही. त्यामुळे आपल्याला लॅपटॉपच्या गरज असते. अगदी कॉलेज असाईंमेटपासून ऑफिसच्या कमापर्यंत सर्व कामांसाठी लॅपटॉप गरजेचा आहे. त्यामुळे आपल्याकडे देखील लॅपटॉप असावा अशी प्रत्येकाची इच्छा असते. पण लॅपटॉप आणि इतर गॅझेटच्या प्रचंड किमतीमुळे आज लोक रिफर्बिश्ड गॅजेट खरेदी करण पसंत करतात. कारण त्यांची किंमत काही प्रमाणात कमी असते.

Instagram आणि WhatsApp मध्ये होणार हे बदल, नवीन फीचर्समुळे युजर्सचा अनुभव होणार अधिक मजेदार

आजच्या काळात, भारतात असाही लोकांचा एक वर्ग आहे जो नवीन मोबाइल आणि लॅपटॉपऐवजी रिफर्बिश्ड गॅझेट खरेदी करत आहे. रिफर्बिश्ड गॅझेट सामान्यतः नवीन गॅझेटपेक्षा कमी किमतीत उपलब्ध असतात, ज्यामुळे पैशांची बचत होते. पैसे वाचवण्यासाठी लोक रिफर्बिश्ड गॅझेट विकतही घेतात. पण काही काळानंतर ते गॅजेट्स नीट काम करत नाहीत आणि लोकांना समस्यांना सामोरे जावे लागते. या समस्या टाळण्यासाठी तुम्ही काही गोष्टी लक्षात घेऊन रिफर्बिश्ड गॅजेट्स खरेदी करा. या गोष्टींची काळजी घेतल्यास, तुम्हाला आणि तुमच्या डिव्हाइसला कोणत्याही समस्येचा सामना करावा लागणार नाही. आणि तुम्ही खरेदी केलेले रिफर्बिश्ड गॅझेट देखील अगदी नव्या सारखी सुरू राहतील. (फोटो सौजन्य – pinterest)

रिफर्बिश्ड लॅपटॉप खरेदी करण्यापूर्वी वॉरंटी आणि रिटर्न पॉलिसी तपासा

जर तुम्ही रिफर्बिश्ड लॅपटॉप खरेदी करत असाल, तर अशावेळी तुम्ही त्याची वॉरंटी आणि रिटर्न पॉलिसी आधी तपासली पाहिजे. रिफर्बिश्ड लॅपटॉप खरेदी करण्यापूर्वी, तुम्हाला त्यावर किमान 6 महिन्यांची वॉरंटी मिळत असल्याची खात्री करा. दुसरीकडे, रिटर्न पॉलिसी देखील तपासा. जेणेकरून भविष्यात तुमच्या लॅपटॉपमध्ये कोणतीही समस्या उद्भवल्यास, तुम्ही तो परत करू शकता.

विश्वासू विक्रेत्याकडून खरेदी करा

नूतनीकृत लॅपटॉप खरेदी करण्यापूर्वी, तुम्ही ज्या विक्रेत्याकडून किंवा कंपनीकडून तो खरेदी करत आहात त्याबद्दल योग्य माहिती मिळवा. तुम्ही विक्रेता किंवा कंपनीची पुनरावलोकने आणि रेटिंग देखील तपासू शकता. तुम्ही चांगल्या ठिकाणाहून खरेदी केल्यास तुम्हाला चांगल्या किमतीत आणि चांगल्या स्थितीत नूतनीकरण केलेला लॅपटॉप मिळू शकेल.

ग्रेडिंग आणि कंडीशन पहा

आम्ही तुम्हाला सांगतो की रिफर्बिश्ड केलेल्या लॅपटॉपची ग्रेडिंग (ग्रेड A, B, C) स्वरूपात असते. ए ग्रेड सर्वोत्तम आहे. तुम्ही ग्रेड ए ग्रेडिंग लॅपटॉप खरेदी केल्यास तुमचा लॅपटॉप चांगली कामगिरी करेल. ज्यामुळे तुम्हाला भविष्यात कोणत्याही समस्यांचा सामना करावा लागणार नाही.

लॅपटॉप बॅटरी आयुष्य

इलेक्ट्रॉनिक गॅझेट खरेदी करताना, त्याच्या बॅटरीकडे सर्वात जास्त लक्ष देणे अत्यंत गरजेचं आहे. रिफर्बिश्ड केलेल्या लॅपटॉपचे बॅटरी आयुष्य किती आहे? कमी बॅटरी लाइफ असलेला रिफर्बिश्ड लॅपटॉप खरेदी करू नका. कारण यामुळे तुमच्या कामांत अडथळे निर्माण होऊ शकतात, आणि तुम्हाला सतत तुमचा लॅपटॉप चार्ज करण्याकडे लक्ष द्यावे लागेल.

अनोळखी नंबर ब्लॉक करताय? फक्त फोनमध्ये करा ही सोपी सेटिंग, क्षणार्धात होईल या कॉल्सपासून सुटका

आवश्यक सॉफ्टवेअर इंस्टॉल करणे आवश्यक

रिफर्बिश्ड लॅपटॉप खरेदी करताना, त्यामध्ये असलेली ऑपरेटिंग सिस्टम आणि सॉफ्टवेअर काळजीपूर्वक तपासा. तुम्हाला एक्सटेंडेड वॉरंटी-अँटी-व्हायरस सबस्क्रिप्शनची वैशिष्ट्ये मिळत आहेत की नाही याची देखील खात्री करा. कारण कोणत्याही लॅपटॉपसाठी एक्सटेंडेड वॉरंटी-अँटी-व्हायरस सबस्क्रिप्शन फीचर फार महत्त्वाचे आहे.