19 मिनिटे…40 मिनिटे… सोशल मीडियावर व्हायरल होत असलेले ते व्हिडिओ खरे की खोटे? असे ओळखा Deepfake Video

सोशल मीडियावर व्हायरल होत असलेले व्हिडीओ खरे आहेत की खोटे, हे ओळखणं फार कठीण आहे. कारण काही व्हिडीओ अगदी खऱ्यासारखे दिसतात. अशा व्हिडीओमुळे लोकांमध्ये मोठ्या प्रमाणात गोंधळ निर्माण होतो.

• सोशल मीडियावर 19 मिनिटे असा ट्रेंडचं सुरू
• डिपफेक व्हिडीओ कसा ओळखाल?
• डीपफेक व्हिडिओमुळे फसवणूक, बदनामी आणि सायबर क्राईम सारख्या घटनांमध्ये मोठ्या प्रमाणात वाढ

सोशल मीडियावर सध्या काही व्हिडिओ व्हायरल होत आहे. व्हायरल होत असलेले हे व्हिडिओ खर तर फेक एमएमएस आहेत. काही दिवसांपूर्वी सोशल मीडियावर 19 मिनिटे असा ट्रेंडचं सुरू झाला होता. त्यानंतर 40 मिनिटे या व्हिडिओने सोशल मिडिया हादरवलं होतं. तसेच गेल्या 2 ते 3 दिवसापासून सोशल मीडियावर आणखी एक व्हिडिओ व्हायरल होत आहे. हा व्हिडिओ प्रसिद्ध गेमिंग युट्यूबर पायलचा असल्याचा दावा केला जात आहे. मात्र सोशल मीडियावर व्हायरल होत असलेले हे व्हिडिओ AI च्या मदतीने तयार करण्यात आले असल्याचा दावा केला जात आहे. हे व्हायरल व्हिडिओ डीपफेक आहेत, आहेत असा दावा अनेकांनी केला आहे.

Flex by Google Pay: गुगलने भारतात लाँच केलं Credit Card! असे आहेत खास फीचर्स, जाणून घ्या सविस्तर

सर्वात महत्त्वाची गोष्ट अशी आहे की, कोणताही व्हिडिओ शेअर करण्यापूर्वी त्याची सत्यता नक्की तपासा. डीपफेक व्हिडिओमुळे फसवणूक, बदनामी आणि सायबर क्राईम सारख्या घटनांमध्ये मोठ्या प्रमाणात वाढ झाली आहे. त्यामुळे व्हिडिओ शेअर करताना सावध राहणं अत्यंत आवश्यक आहे. AI डीपफेक व्हिडिओ नक्की कसे ओळखावे, असा प्रश्न अनेकांच्या मनात आहे. तुम्ही अगदी काही सोप्या पद्धतीने डीपफेक व्हिडिओ ओळखू शकता. याबाबत आता जाणून घेऊया. (फोटो सौजन्य – X)

डीपफेक व्हिडिओ ओळखण्यासाठी या सोप्या टिप्स वापरा

चेहऱ्याची हालचाल बघा

डिपफेक व्हिडीओमध्ये चेहऱ्याची हालचाल नैसर्गिक दिसत नाही. तसेच डोळे आणि आवाज देखील संबंधित व्यक्तिसोबत जुळत नाहीत. डोळ्यांची अतिशय विचित्र हालचाल सुरु असते.

चेहऱ्याच्या कडांकडे लक्ष द्या

सहसा फेक व्हिडीओमध्ये चेहऱ्याच्या कडा अस्पष्ट दिसतात. व्यक्तिचा चेहरा आणि मान/केस यामध्ये हलका फरक जाणवतो. तसेच चेहऱ्याची रुपरेषा एकसारखी नसते.

आवाज बनावट असतो

डिपफेक व्हिडीओमध्ये व्यक्तिचा खोटा आवाज वापरला जातो. हा आवाज रोबोटिक किंवा फ्लॅट वाटतो. तसेच व्यक्तिच्या भावना आणि बोलणं जुळत नाही.

व्हिडिओच्या गुणवत्तेत बदल होणं

तुम्ही एखादा असा व्हिडीओ बघत असाल ज्यामध्ये चेहरा HD पण पार्श्वभूमी ब्लर असेल, तर तो फेक व्हिडीओ असण्याची दाट शक्यता आहे. तसेच काही फ्रेम्समध्ये व्यक्तिचा चेहरा विचित्र दिसतो.

डोळे आणि भुवयांकडे लक्ष द्या

व्हिडीओमध्ये दिसणाऱ्या व्यक्तीच्या डोळे आणि भुवयांकडे बारकारने लक्ष द्या. जर तुम्हाला डोळ्यांची दिशा नैसर्गिक वाटत नसेल आणि भुवया विचित्र दिसत असतील, तर तो फेक व्हिडीओ असू शकतो.

आता पिनशिवाय पूर्ण होणार UPI ट्रांजेक्शन! Amazon Pay ने लाँच केले बायोमेट्रिक ऑथेंटिकेशन फीचर, यूजर्सना असा होणार फायदा

सोर्स वापरा

व्हॉट्सअ‍ॅपवरून फॉरवर्ड झालेले किंवा अनोळखी इंस्टाग्राम पेजवरून आलेले व्हिडीओ ओपन करणं टाळा. व्हिडीओ खरा आहे की खोटा हे तपासण्यासाठी अधिकृत न्यूज साईट किंवा व्हेरिफाईड अकाऊंटचा वापर करा.

सर्च करा

गुगल रिव्हर्स इमेज / इनव्हीआयडी टूलचा वापर करून देखील व्हिडीओची सत्यता तपासली जाऊ शकते. राजकीय किंवा सेलेब्रिटी संबंधित व्हिडिओ बहुतेक वेळा डीपफेक असतात.