WhatsApp Christmas Scam: मेसेज पाठवून अकाउंट हॅक करत आहेत स्कमर्स, व्हॉट्सॲप युजर्ससाठी अलर्ट

सायबर सिक्युरिटी एक्सपर्ट्सने व्हॉट्सॲप युजर्ससाठी एक नवीन अलर्ट जारी केला आहे. एक्सपर्ट्सचे म्हणणे आहे की, ख्रिसमसशी संबंधित मेसेज पाठवून यूजर्सचे अकाउंट हॅक करण्याचा स्कमर्सकडून प्रयत्न केला जात आहे.

सायबर सिक्युरिटी एक्सपर्ट्सने मेसेजिंग प्लॅटफॉर्म व्हॉट्सॲपबाबत एक महत्त्वाचा अलर्ट जारी केला आहे. ख्रिसमस हा सण जवळ येऊन ठेपला आहे. याच पार्शवभूमीवर ख्रिसमस संबंधित मेसेज पाठवून युजर्सना स्कमर्स कडून लक्ष्य केले जात आहे आणि त्यांचे व्हॉट्सॲप अकाउंट हॅक केले जात आहेत. सायबर एक्सपर्ट्सने व्हॉट्सॲप युजर्सना अशा स्कॅमपासून दूर राहण्याचा आणि काही आवश्यक पावले उचलण्याचा सल्ला दिला आहे. येथे आम्ही तुम्हाला या घोटाळ्याची सविस्तर माहिती देत ​​आहोत आणि त्यापासून सुरक्षित राहण्याचे यासाठीचा उपाय देखील सांगत आहोत.

काय आहे नवीन स्कॅम?

व्हॉट्सॲपच्या या घोटाळ्याबद्दल बोलणे केले तर, स्कमर्स युजर्सना स्क्रीनवर सहा अंकी कोड दाखवून अकाउंट शेअर करण्याचा पर्याय देतात. जर व्हॉट्सॲप अकाउंटमध्ये सुरक्षा फीचर्स ऍक्टिव्ह केलेली नसतील, तर स्कॅमर याचा फायदा घेतात आणि व्हॉट्सॲप अकाउंट हायजॅक करतात. येथे आम्ही तुम्हाला व्हॉट्सॲप अकाउंटमध्ये सिक्युरिटी फीचर कसे इनॅबल करावे याबद्दल माहिती देत ​​आहोत.

Instagram वर कोण करत आहे तुम्हाला Stalk? या ट्रिकने सर्व होईल उघड

व्हॉट्सॲपमध्ये सिक्यिरिटी फिचर कसे ऍक्टिव्ह करावे?

टू-फॅक्टर व्हेरिफिकेशन

व्हॉट्सॲपमध्ये, युजर्सना सिक्युरिटीसाठी टू-फॅक्टर व्हेरिफिकेशनचे फीचर्स देण्यात आले आहे. यूजर्स व्हॉट्सॲपच्या सेटिंग्ज मेनूमधून हा पर्याय वापरू शकतात. व्हॉट्सॲपवर लॉग इन करताना, युजर्सना नोंदणीकृत क्रमांकावर एक कोड मिळतो, तो एंटर केल्यानंतरच ते त्यांचे अकाउंट ओपन होऊ शकते. टू-फॅक्टर व्हेरिफिकेशन इनॅबल करण्यासाठी, तुम्हाला तुमच्या व्हॉट्सॲप अकाऊंटच्या सेटिंग्ज मेनूवर जावे लागेल. येथे तुम्हाला अकाउंट ऑप्शनवर क्लिक करावे लागेल आणि टू-स्टेप व्हेरिफिकेशनवर क्लिक करावे लागेल.

हे आहेत जगभरात सर्वाधिक विकले जाणारे स्मार्टफोन्स! नंबर 1 वर कोणी मारली बाजी?

ईमेलसोबत व्हॉट्सॲप अकाउंट लिंक करा

व्हॉट्सॲपमध्ये, युजर्सना त्यांचे अकाउंट ईमेलसह लिंक करण्याचा पर्याय मिळतो. असे केल्याने अकाउंट हॅक झाल्यास त्यात प्रवेश करणे सोपे होते. व्हॉट्सॲप अकाउंट रिकव्हरीसाठी, ईमेलमध्ये एक लिंक असणे आवश्यक आहे. युजर्स सेटिंग मेनूमध्ये जाऊन त्यांचे व्हॉट्सॲप अकाउंट ईमेलशी लिंक करू शकतात.

व्हॉट्सॲपमध्ये प्रवेश करण्यासाठी, युजर्सकडे बायोमेट्रिक ऑथेंटिकेशन किंवा पास-की इनॅबल करण्याचा पर्याय आहे. असे केल्याने, तुमच्या व्यतिरिक्त कोणताही युजर्स तुमचे व्हॉट्सॲप अकाउंट ऍक्सेस करू शकणार नाही. हे तुमच्या गोपनीयतेसाठी देखील महत्त्वाचे आहे. व्हॉट्सॲप अकाऊंटच्या सेक्युरिटीसाठी, हे सर्वात महत्वाचे आहे की तुम्ही तुमचे पर्सनल डिटेल्स किंवा कोणत्याही प्रकारचा कोड कोणत्याही अज्ञात युजरसोबत शेअर करू नये.