Xiaomi ने लाँच केला अप्रतिम फिटनेस बँड, 21 दिवसांची बॅटरी लाइफ आणि अनेक आरोग्य सुविधांनी सुसज्ज

Xiaomi ने Xiaomi Smart Band 9 लाँच केला आहे. Xiaomi Smart Band 9 मध्ये 200+ वॉच फेससाठी सपोर्ट आहे. Xiaomi Smart Band 9 ची किंमत 39.99 युरो म्हणजेच सुमारे 3,700 रुपये आहे. नवीनतम बँडमध्ये 233 mAh बॅटरी आहे जी 21 दिवसांची बॅटरी लाइफ देण्याचा दावा करते. पट्ट्याशिवाय या फिटनेस बँडचे वजन केवळ 15.8 ग्रॅम आहे.

Xiaomi ने या वर्षी जुलैमध्ये चीनी बाजारात Xiaomi Smart Band 9 लाँच केला होता. लाँचिंग नंतर बँडची लोकप्रियता प्रचंड वाढली होती. त्यानंतर आता कंपनीने हा बँड जागतिक बाजारात लाँच करण्याचा निर्णय घेतला आहे. हा स्मार्ट बँड Xiaomi 14T सीरिजसह जागतिक बाजारात लाँच केला जाणार आहे. या बँडची बॅटरी लाईफ 21 दिवसांची आहे आणि यामध्ये अनेक अप्रतीम आरोग्य सुविधा देण्यात आल्या आहेत. जागतिक बाजारासोबतच हा बँड भारतात देखील लाँच होण्याची शक्यता वर्तवली जात आहे. Xiaomi Smart Band 9 AOD, स्पोर्ट्स मोड, आरोग्य वैशिष्ट्यांनी सुसज्ज आहे.

हेदेखील वाचा- तुमच्या स्मार्टफोनला वर्षानुवर्षे स्मार्ट ठेवण्यासाठी काही महत्त्वाच्या टीप्स, आत्ताच फॉलो करा

Xiaomi स्मार्ट बँड 9 ची वैशिष्ट्ये

डिस्प्ले

Xiaomi Smart Band 9 मध्ये 1.62-इंचाचा HD 2.5D नेहमी-ऑन-AMOLED डिस्प्ले आहे, ज्याचा रिफ्रेश दर 60Hz आहे आणि ब्राइटनेस 1200 nits आहे. (फोटो सौजन्य -Xiaomi )

फिचर्स

Xiaomi Smart Band 9 मध्ये 200+ वॉच फेससाठी सपोर्ट आहे. बँडमध्ये धावणे, चालणे, सायकल चालवणे आणि बरेच काही यासह 150+ वर्कआउट मोड आहेत. यामध्ये हृदय गती, रक्त ऑक्सिजन, बीपी, स्लीप ट्रॅकिंग तसेच महिला आरोग्य वैशिष्ट्ये यासारखे आरोग्य केंद्रित सेन्सर आहेत.Xiaomi Smart Band 9 AOD, स्पोर्ट्स मोड, आरोग्य वैशिष्ट्यांनी सुसज्ज आहे. Xiaomi Smart Band 9 मध्ये इनकमिंग कॉल अलर्ट, क्विक मेसेज रिप्लाय, रिमोट कॅमेरा कंट्रोल, म्युझिकसाठी स्मार्ट कंट्रोल अशी सुविधा आहे.

किंमत

Xiaomi Smart Band 9 ची किंमत 39.99 युरो म्हणजेच सुमारे 3,700 रुपये आहे. ते आता युरोपमध्ये खरेदी केले जाऊ शकते. लवकरच तो भारतातही येईल. त्यामुळे भारतातील ग्राहकांना Xiaomi Smart Band 9 च्या खरेदीसाठी जास्त वाट पाहण्याची गरज नाही. येत्या काही महिन्यातच Xiaomi Smart Band 9 भारतात लाँच केला जाणार असल्याच सांगितलं जातं आहे.

हेदेखील वाचा- Amazon-Flipkart Sale 2024: Flipkart-Amazon सेलमधून iPhone विकत घेतला! पण MFNP तपासले का? नंतर पश्चाताप नको

21 दिवसांची बॅटरी लाईफ

नवीनतम बँडमध्ये 233 mAh बॅटरी आहे जी 21 दिवसांची बॅटरी लाइफ देण्याचा दावा करते. हे 50 मीटर पर्यंत पाण्यात बुडविण्यासाठी 5ATM रेट केलेले आहे. पट्ट्याशिवाय या फिटनेस बँडचे वजन केवळ 15.8 ग्रॅम आहे.

रंग आणि पट्टा पर्याय

हे वेअरेबल मिडनाईट ब्लॅक, मिस्टिक रोझ, आर्क्टिक ब्लू आणि ग्लेशियर सिल्व्हर रंगांमध्ये उपलब्ध आहे. त्यात सात वेगवेगळ्या स्टाइलचे पट्टे उपलब्ध आहेत. स्मार्ट बँड 9 नेकलेस वॉच फेससह पेंडेंट म्हणून देखील परिधान केले जाऊ शकते. बँडचे अनेक फायदे आहेत. या फायदे आणि अप्रतिम फिचर्समुळेच हा बँड कमी कालावधीत ग्राहकांच्या पसंतीस उतरला आहे.

बँड ऑलवेज ऑन डिस्प्ले वैशिष्ट्यासह येतो. जेव्हा नेहमी ऑन डिस्प्ले वैशिष्ट्य चालू असते, तेव्हा एका चार्जवर बँड 9 दिवस टिकतो. तर, जर हे वैशिष्ट्य बंद असेल, तर बँड पूर्ण चार्ज झाल्यानंतर 21 दिवस टिकेल. या बँडची बॅटरी 233mAh आहे आणि ती चार्ज होण्यास थोडा वेळ लागतो. हे 5ATM पाण्याचा दाब सहन करू शकते. यामध्ये तुम्हाला 3-ॲक्सिस एक्सीलरोमीटर, जायरोस्कोप आणि ॲम्बियंट लाइट सेन्सर देखील मिळेल.