युट्यूब क्रिएटर्ससाठी आलं नवीन फीचर! आता चॅनल शेअर करणं होणार अधिक सोपं

तुम्ही YouTube क्रिएटर आहात का? ही बातमी तुमच्यासाठी आहे. कंपनीने YouTube क्रिएटरसाठी एक नवीन फीचर आणले आहे. हे फीचर तुमच्या चॅनेलचा रिच वाढवण्यासाठी अत्यंत फायदेशीर ठरणार आहे. YouTube चॅनल QR कोड असे या फीचरचे नाव आहे. हा QR कोड स्कॅन करून, इतर YouTube युजर्सना थेट तुमच्या चॅनेलवर प्रवेश मिळेल.

व्हिडीओ शेअरिंग प्लॅटफॉर्म YouTube ने आपल्या युजर्ससाठी एक नवीन फीचर लाँच केलं आहे. हे फीचर YouTube क्रिएटर्ससाठी अतिशय फायदेशीर ठरू शकतं कारण ह्या फीचरच्या मदतीने क्रिएटर्स त्यांचा YouTube चॅनेल इतरांसोबच शेअर करण्यास सक्षम असतील ज्यामुळे त्यांच्या सबस्क्राईबर्सच्या संख्येत झपाट्याने वाढ होऊ शकते. हे नवीन फीचर म्हणजे तुमच्या YouTube वरील चॅनलचा QR कोड असेल.

हेदेखील वाचा- Google AI युट्युबर्सना मदत करणार! YouTube वरील अकाऊंट रिकव्हर करणं आता आणखी सोपं होणार

आता तुम्हाला तुमच्या YouTube चॅनेलचा QR कोड मिळणार आहे. हा QR कोड तुम्ही इतरांसोबत शेअर करून आपल्या सबस्क्राईबर्सची संख्या वाढवू शकता. तुम्ही शेअर केलेला QR कोड स्कॅन करताच पेजवर तुमचं YouTube चॅनल ओपन होईल. यामुळे तुमच्या चॅनेलवरील व्ह्यूज देखील वाढतील. YouTube क्रिएटर्स चॅनल शेअरिंगसाठी मदत व्हावी, याच उद्देशाने हे नवीन फीचर लाँच करण्यात आलं आहे. या नवीन फीचरसह, युजर्स त्यांचे चॅनल त्यांचे मित्र, कुटुंब आणि फॉलोअर्ससह शेअर करू शकतात. यासाठी इतर YouTube युजर्सना हा QR कोड स्कॅन करावा लागेल.

चॅनल QR कोड कसा काम करेल?

चॅनल शेअरिंगसाठी, YouTube युजर्स चॅनलच्या मुख्य पृष्ठावरून हा QR कोड ऍक्सेस करू शकतील. YouTube वापरकर्ता हा QR कोड सोशल मीडिया, मेसेजिंग ॲप्स आणि प्रीटेंड मटेरिअलवर शेअर करू शकतो. जेव्हा हा QR कोड दुसऱ्या YouTube वापरकर्त्याद्वारे फोनवरून स्कॅन केला जातो, तेव्हा त्या वापरकर्त्याला ऑटोमॅटिकली YouTube चॅनेलवर रिडायरेक्ट केले जाईल. या फीचरबद्दल माहिती देताना कंपनीने सांगितले की, आम्ही YouTube वर सर्व क्रिएटर कम्युनिटींसाठी QR कोड चॅनल लाँच करत आहोत. आम्हाला आशा आहे की या नवीन अपडेटमुळे तुम्ही तुमच्या चॅनेलला तुमचा कंटेट पाहू इच्छित लोकांसोबत सहज शेअर करू शकाल.

हेदेखील वाचा- YouTube Guidelines: YouTube ची नवीन मार्गदर्शक तत्व जारी; AI व्हिडीओसाठी बदलले नियम

अशा प्रकारे शोधा YouTube वरील QR कोड

तुम्ही YouTube क्रिएटर असाल आणि तुमच्या स्वतःच्या चॅनलवर व्हिडिओ अपलोड करत असाल, तर तुम्ही तुमच्या चॅनलचा QR कोड इतर YouTube युजर्ससोबत शेअर करू शकता-

• यासाठी सर्वप्रथम तुम्हाला फोनमध्ये YouTube ओपन करावे लागेल.
• यानंतर पेजच्या तळाशी उजव्या कोपऱ्यात तुमच्या प्रोफाइलवर टॅप करावे लागेल.
• येथे तुम्हाला वरच्या बाजूला असलेल्या प्रोफाइल आयकॉनवर पुन्हा टॅप करावे लागेल.
• आता तुम्हाला वरच्या उजव्या कोपऱ्यात मेनू पर्यायावर यावे लागेल.
• आता तुम्हाला मेनूमधून शेअर पर्यायावर टॅप करावे लागेल.
• आता तुम्हाला येथे QR Code च्या पर्यायावर टॅप करावे लागेल.
• असे केल्याने तुम्हाला तुमच्या फोनच्या स्क्रीनवर QR कोड दिसेल.
• सेव्ह टू कॅमेरा रोल वर क्लिक करून तुम्ही QR कोड गॅलरीत सेव्ह करू शकता.

आता हा QR कोड तुम्ही तुमच्या मित्र, नातेवाईक, कुटूंबियांसोबत शेअर करू शकता. यामुळे तुमच्या च्या सबस्क्राईबर्सच्या संख्येत झपाट्याने वाढ होऊ शकते. तसेच तुमच्या चॅनेलवरील व्ह्यूज देखील वाढतील.