ऑक्टोबर-मार्च दरम्यान फिरण्याचा विचार करताय? IRCTC कडून फ्लाइट तिकिटांवर मिळत आहे भरपूर सूट!

तुम्ही जर ऑक्टोबर-मार्च दरम्यान फिरण्याचा विचार करत असाल तर तुमच्यासाठी एक सुवर्णसंधी चालून आली आहे. भारतीय रेल्वेच्या IRCTC कडून फ्लाइट तिकिटांवर काही स्पेशल ऑफर्स सादर करण्यात आले आहेत. याद्वारे आता प्रवाशांना फ्लाइट तिकिटांवर भरगोस सूट देण्यात येत आहे. याचा लाभ कसा घ्यावा? याविषयी सविस्तर जाणून घ्या.

प्रवास आपल्या जीवनात फार महत्त्वाचा असतो. कामाच्या व्यस्त लाइफस्टाइलमधून थोडा वेळ काढून प्रवास करणे फार गरजेचे असते. यामुळे अनेक वेगवगेळ्या गोष्टींचा अनुभव घेता येतो. आता तुम्हीही ऑक्टोबर-मार्च दरम्यान कुठे फिरायला जायच्या विचार करत असाल तर आजची ही बातमी तुमच्यासाठी फायद्याची ठरणार आहे. तुम्ही ट्रेनने प्रवास करण्याचा विचार केला आहे मात्र ट्रेनचे तिकीट मिळत नसेल तर तुम्ही फ्लाइटने जाण्याचा विचार करत असाल. आता फ्लाइट म्हटलं अनेकांना घाम फुटतो लगेच बजेटची चिंता वाटू लागते मात्र आम्ही तुम्हाला सांगतो की आता तुम्ही फार कमी रुपयांत फ्लाइटचे बुकिंग करू शकता म्हणजेच यासाठी तुम्हाला अधिक पैसे घालवण्याची गरज नाही.

भारतीय रेल्वेच्या IRCTC (Indian Railway) तर्फे प्रवाशांसाठी एक आनंदाची बातमी आहे. IRCTC आपली 25 वर्षे साजरी करत आहे. जर तुम्हाला ट्रेनचे तिकीट मिळत नसेल, तर फ्लाइटने प्रवास करण्याचा प्लॅन करा. कारण भारतीय रेल्वे आपल्या वर्धापन दिनानिमित्त फ्लाइट तिकिटांवर चांगल्या ऑफर्स देत आहे. 3 दिवसांसाठी प्रवाशांना फ्लाइट तिकीट बुकिंगची सुविधा मिळणार आहे. तुम्ही या संधीचा कसा फायदा घेऊ शकता आणि यासाठी नक्की काय करावे लागेल ते आजच्या या लेखातुन्ज जाणून घ्या.

हेदेखील वाचा – या देशात फिरणे आहे पूर्णपणे मोफत, टुरिस्ट एक रुपयाही न करता करू शकतात ट्रॅव्हल

IRCTC देत आहे खास ऑफर्स

• IRCTC च्या वेब साईटवरून तिकीट बुक केल्यावर तुम्हाला इंडिगोच्या माध्यमातून देशांतर्गत आणि आंतराराष्ट्रीय
• फ्लाईट्सवर विशेष सूट आणि ऑफर्स दिल्या जाणार आहेत
• प्रवाशांना तिकीटांवर अवघे 12 टक्के सवलत मिळणार आहे
• तुम्ही 26 सप्टेंबर ते 28 सप्टेंबर दरम्यान तिकीट बुक केल्यास तुम्हाला ही ऑफर दिली जाईल
• लक्षात ठेवा की, तुम्हाला ऑक्टोबर ते मार्च दरम्यान कुठेही प्रवास करायचा असेल तर तुम्ही या ऑफरपेक्षा कमी
• बजेटमध्ये बुकिंग करू शकता.
• तुम्हाला 31 मार्च 2025 दरम्यान कुठेतरी प्रवास करायचा असेल, तर तुम्ही 28 सप्टेंबरपर्यंत कमी बजेटमध्ये
• फ्लाइट तिकीट बुक करता येईल
• या ऑफरद्वारे तुम्ही होळीसाठीही तिकीट बुक करू शकता

See more

हेदेखील वाचा – जिथे देवीच्या चमत्कारासमोर औरंगजेबालाही फुटला होता घाम, दुर्गा देवीचे अनोखे मंदिर, या नवरात्रीत नक्की भेट द्या

ऑफरसाठी तिकीट कसे बुक करावे?

• यासाठी सर्वप्रथम IRCTC च्या अधिकृत वेब साईटवर जा
• येथे जाऊन तुम्हाला ठिकाण आणि तारीख निवडावी लागेल
• यानंतर तुम्ही किती प्रवाशांसोबात फिरायला जाणार आहात याचे तपशील द्या
• तुम्ही त्यांची वेब साईट उघडताच तुम्हाला समोर ऑफर दिसेल
• त्यामुळे तुम्हाला ऑफर्स जास्त शोधण्याची गरज भासणार नाही
• मात्र लक्षात ठेवा, तुम्ही भारतीय रेल्वेच्या वेबसाइटवरून बुकिंग केल्यासच तुम्हाला ही ऑफर मिळेल
• तुम्ही येथून हॉटेल बुकिंगदेखील करू शकता
• तिकीट बुकिंगसाठी हा एक सोपा आणि सहाज मार्ग आहे