देशात 'या' ठिकाणी आहे जगातील एकमेव महामृत्युंजय मंदिर, येथे अकाली मृत्यूपासून केले जाते रक्षण
महामृत्युंजय मंत्राविषयी तुम्ही अनेकदा ऐकले असेल. या मंत्राचा जप केल्याने अकाली मृत्यू आणि रोगांपासून मुक्ती मिळते, असे मानले जाते. मात्र तुम्हाला माहिती आहे का? देशात महामृत्युंजय मंदिर देखील आहे. हे मंदिर भगवान शिवाला समर्पित आहे, अशात तुम्हीही शिवभक्त असाल तर तुम्ही एकदा तरी या मंदिराला नक्कीच भेट द्यायला हवी.
कुठे वसले आहे महामृत्युंजय मंदिर?
महामृत्युंजय मंदिर हे मध्य प्रदेशातील रेवा शहरात वसले आहे. येथे 1001 छिद्र असलेले अप्रतिम शिवलिंग आहे. हे असे शिवलिंग तुम्हाला इतर कोणत्याही ठिकाणी दिसणार नाही. येथे भगवान शिव मृत्युंजय रूपात विराजमान आहेत. येथे येणाऱ्या भक्तांच्या प्रत्येक इच्छा भगवान शिव पूर्ण करतात. या मंदिराच्या दर्शनाने सर्व रोग दूर होतात.
या हिल स्टेशनवर तुम्ही अजूनही घेऊ शकता बर्फसृष्टीचा आनंद; अशी करा प्लॅनिंग
या शिवलिंगाचा रंग पांढरा आहे. ज्यावर कोणत्याही हवामानाचा प्रभाव पडत नाही. असे मानले जाते की भगवान शंकराच्या या मंदिरात महामृत्युंजय मंत्राचा जप केल्याने अकाली मृत्यूचे भय नाहीसे होते. येथे मनोकामना पूर्ण झाल्यानंतर नारळ बांधला जातो आणि शिवलिंगावर बेलाची पाने अर्पण केली जातात. शिवपुराणानुसार देवाधिदेव महादेवाने महासंजीवनी महामृत्युंजय मंत्राची उत्पत्ती केली होती. शिवाने या मंत्राचे रहस्य माता पार्वती आणि शुक्राचार्य, राक्षसांचे गुरु आणि शिवाचे महान भक्त यांना सांगितले होते.
महामृत्युंजय मंत्राच्या जपाचा उल्लेख शिवमहापुराण व्यतिरिक्त इतर हिंदू धर्मग्रंथांमध्ये केल्याचे आढळून येते. ज्योतिषी देखील महामृत्युंजय मंत्राचा जप करण्याचा सल्ला देतात. एखाद्या ज्योतिषाने किंवा विद्वानाने एखाद्याला ‘महामृत्युंजय’ मंत्राचा जप करण्याचा सल्ला दिल्याचे तुम्ही कधी ना कधी ऐकले असेलच. तुम्हाला हे देखील माहित असेल की महामृत्युंजय मंत्र हा भगवान शिवाचा एक प्रकार आहे, जो अकाली मृत्यू आणि असाध्य रोग बरा करतो. परंतु भगवान आशुतोषच्या महामृत्युंजय स्वरूपाची प्रतीकात्मक शिवमंदिरे जगात फार दुर्मिळ आहेत.
असे मानले जाते की, येथे शिवाची पूजा केल्याने दीर्घायुष्य मिळते आणि भविष्यातील त्रास दूर होतात. या शिवालयाचे महत्त्व बारा ज्योतिर्लिंगांच्या बरोबरीचे मानले जाते. येथे 1001 छिद्रे असलेले अप्रतिम पांढरे शिवलिंग आहे. असे मानले जाते की भगवान महामृत्युंजयासमोर महामृत्युंजय मंत्राचा जप केल्याने अकाली मृत्यू टाळता येतो आणि अल्पायुष्याचे दीर्घायुष्यात रूपांतर केले जाते. अज्ञात भीती, अडथळे आणि असाध्य रोग दूर करण्यासाठी आणि मनोकामना पूर्ण करण्यासाठी मंदिरात नारळ बांधून बेलाची पाने अर्पण केली जातात.
.png "Videos"){kind=small}
