अचानक डोंगराचा कडा कोसळला अन् बसवर आदळला भलामोठा दगड; VIDEO पाहून अंगावर शहारे येतील

Video Viral : डोंगराळ रस्त्यावर घडलेल्या थरारक घटनेचा व्हिडिओ सोशल मीडियावर व्हायरल होत आहे. डोंगरावरून अचानक कोसळलेला महाकाय दगड थेट बसवर आदळला आणि व्हिडिओतील दृष्ये पाहून यूजर्सच्या अंगावर काटा आला.

सोशल मिडियावर अलिकडे एका थरारक घटनेचा व्हिडिओ शेअर करण्यात आला आहे ज्यात डोंगरावरून एक भलामोठा दगड बसवर आदळताना दिसून आला. हा अपघात इतका मोठा होता की यात बसच्या पुढच्या भागाचे मोठे नुकसान झाले. दगडाचा आकार पाहता अपघात किती मोठा होता याची कल्पना केली जाऊ शकते. ही घटना भारतात नाही तर नेपाळमध्ये घडल्याचे वृत्त आहे. घटना नेमकी कधी आणि कोणत्या ठिकाणी घडली याची मात्र पूर्ण माहिती समोर आलेली नाही. व्हिडिओतील दृष्ये इतके थरारक आहेत की ते पाहून अनेकांच्या अंगावर काटा आला.

भोलेनाथासाठी भक्तीची पराकाष्ठा! लोखंडी खिळ्यांवर झोपून कावड यात्रा करणाऱ्या भक्ताचा Video Viral

व्हिडिओच्या सुरुवातीला आपल्याला एक डोंगराळ रस्ता दिसून येईल ज्याच्या एका बाजूला मोठ्या प्रमाणात खडक आणि ढिगारा दिसून येतो. यादरम्यानच अचानक एक मोठा आवाज कानावर पडतो ज्यानंतर वरुन एक भलामोठा खडक खालच्या दिशेने पडताना दिसतो. डोंगराचा एक भाग तुटून जमिनीच्या दिशेने वेगाने पडत असतो जे पाहून काहीलोक आरडाओरड करु लागतात. खडक खाली पडत असतानाच एक बस रस्त्यावरुन जात असते जी या अपघाताला बळी पडते.

व्हिडिओमध्ये भलामोठा खडक बसवर जोरदार आदळताना दिसतो ज्यामुळे बसचा पुढचा भाग वाईटरित्या तुटतो आणि बस रस्त्याच्या बाजूला जाऊन थांबते. डोंगराळ भागात भूस्खलन आणि अचानक होणारे खडक कोसळणे किती धोकादायक असू शकते ते आपल्याला या व्हिडिओत दिसते. दरम्यान अपघातावेळी बसमध्ये प्रवासी होते की बस रिकामी होती, या घटनेमध्ये जिवितहानी झाली की नाही यासंदर्भात कोणतीही अधिकृत माहिती समोर आलेली नाही.

See more

तोंडाने काढला गाडीचा आवाज अन् बनला ड्रायव्हिंग लायसन्स! अफगाणीस्तानच्या ड्रायव्हिंग टेस्टचा Video Viral

व्हिडिओ समोर आल्यानंतर फार कमी वेळेत तो सोशल मिडियावर ट्रेंड होऊ लागला. यूजर्स व्हिडिओतील दृष्ये पाहून हादरली असून डोंगराळ रस्त्यांवरून प्रवास करणाऱ्या लोकांच्या सुरक्षेबद्दल चिंता व्यक्त केली जात आहे. या घटनेचा व्हिडिओ @imran_ahzarger नावाच्या इंस्टाग्राम अकाऊंटवरुन शेअर करण्यात आला आहे. व्हिडिओच्या कमेंट सेक्शनमध्ये अनेक यूजर्सने व्हिडिओतील दृष्यांवर आपले मत व्यक्त केले आहे. एका यूजरने म्हटले की, “डोंगर जितका सुंदर तितकाच धोकादायक देखील आहे”, दुसऱ्या युजरने लिहिले आहे, “बसच्या दिशेने दगड पडणार आहे हे त्यांना आधीच माहीत असूनही त्यांनी त्या ठिकाणी बस का थांबवली?, आणखी एका यूजरने लिहिले आहे, “बसमधून लोकांना बाहेर काढलं का?”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.