या गावातील लोकांची उंची फक्त ३ फूट? घरांचे दरवाजेही अवघे ३ फुटांचे; इराणमधील गावाचा VIDEO व्हायरल!
Viral Travel Video: जगात अनेक अशी ठिकाणे आहेत, ज्यांच्याबद्दल ऐकल्यानंतर आश्चर्य वाटल्याशिवाय राहत नाही. काही ठिकाणांची भौगोलिक रचना वेगळी असते, तर काही ठिकाणांची जीवनशैली जगाचे लक्ष वेधून घेते. इराणमधील माखुनिक हे असेच एक अनोखे गाव सध्या सोशल मीडियावर चर्चेत आले आहे. या गावाला ‘लिलिपुट गाव’ म्हणून ओळखले जाते. या गावातील जुन्या घरांचे दरवाजे अवघे ३ ते साडे३ फुटांचे आहेत. त्यामुळे घरात प्रवेश करण्यासाठी उंच व्यक्तींना चक्क वाकावे किंवा खाली झुकावे लागते. भारतीय ट्रॅव्हल व्लॉगर आशीष याने या गावाला भेट दिल्यानंतर त्याचा व्हिडिओ सोशल मीडियावर व्हायरल झाला आहे.
व्हायरल व्हिडिओमध्ये ट्रॅव्हल व्लॉगर आशीष इराणमधील माखुनिक गावाची सफर करताना दिसतो. या गावातील जुन्या घरांचे दरवाजे अतिशय लहान आहेत. साधारण तीन ते साडेतीन फूट उंचीचे हे दरवाजे पाहून अनेकांना आश्चर्य वाटत आहे. घरामध्ये प्रवेश करण्यासाठी आशीष आणि त्याच्या सोबत असलेल्या महिलेला चक्क वाकून आणि खाली झुकून जावे लागते.
या गावातील पूर्वीच्या पिढ्यांमधील लोकांची सरासरी उंची साधारण तीन फुटांच्या आसपास असल्याचे व्हिडिओमध्ये सांगण्यात आले आहे. त्यामुळे त्यांच्या गरजेनुसार घरांची बांधणी करण्यात आली होती. मात्र, गावातील प्रत्येक व्यक्तीची उंची तीन फूट होती, असे समजणे योग्य ठरणार नाही.
माखुनिक हे गाव सुमारे १५०० वर्षे जुने असल्याचे सांगितले जाते. हे गाव इराणच्या दक्षिण खोरासान प्रांतात अफगाणिस्तानच्या सीमेजवळ वसलेले आहे. या गावाची भौगोलिक परिस्थिती, मर्यादित साधनसंपत्ती आणि पारंपरिक जीवनशैली यामुळे येथील लोकांचे राहणीमान इतर भागांपेक्षा वेगळे होते.
पूर्वी या भागातील लोकांचा आहार अत्यंत साधा होता. शलजम, बार्ली आणि खजूर यांसारख्या मर्यादित अन्नपदार्थांवर त्यांची गुजराण होत असे. दीर्घकाळातील कुपोषण आणि मर्यादित आहार हे पूर्वीच्या पिढ्यांमधील कमी उंचीमागील संभाव्य कारण मानले जाते. जवळच्या समुदायांमध्येच विवाह होण्याची परंपराही यामागील एक संभाव्य घटक असल्याचे सांगितले जाते.
काळानुसार माखुनिक गावातील परिस्थिती बदलली आहे. रस्ते, वाहतूक आणि अन्नपदार्थांची उपलब्धता सुधारल्यामुळे येथील लोकांच्या जीवनशैलीत मोठे बदल झाले आहेत. पोषण आणि आरोग्यविषयक परिस्थिती सुधारल्याचा परिणाम नव्या पिढीच्या शारीरिक वाढीवरही झाला आहे. त्यामुळे आता गावातील बहुतांश लोकांची उंची सामान्य आहे.
मात्र, गावाचा जुना इतिहास आणि पारंपरिक वास्तुरचना आजही जतन झालेली आहे. गावातील सुमारे २०० घरांपैकी ७० ते ८० जुनी मातीची घरे आजही अस्तित्वात असल्याचे सांगितले जाते. या घरांचे लहान दरवाजे आणि वैशिष्ट्यपूर्ण रचना पर्यटकांसाठी आकर्षण ठरत आहेत.
भारतीय ट्रॅव्हल व्लॉगर आशीष याने सोशल मीडियावर शेअर केलेल्या व्हिडिओमुळे माखुनिक गाव पुन्हा चर्चेत आले आहे. व्हिडिओ पाहून अनेकांनी या गावाची तुलना ‘गुलिव्हर्स ट्रॅव्हल्स’मधील लिलिपुटच्या काल्पनिक दुनियेशी केली आहे. काही जणांनी हे गाव आपल्या पर्यटनाच्या यादीत समाविष्ट करण्याची इच्छा व्यक्त केली आहे, तर काहींनी एवढ्या लहान दरवाजांच्या घरांमध्ये लोक कसे राहत असतील, असा प्रश्न उपस्थित केला आहे.
एकूणच, माखुनिक गावाची अनोखी वास्तुरचना, ऐतिहासिक पार्श्वभूमी आणि बदलती जीवनशैली यामुळे हे ठिकाण जगभरातील पर्यटकांचे आणि सोशल मीडिया वापरकर्त्यांचे लक्ष वेधून घेत आहे.
Ans: इराणमधील दक्षिण खोरासान प्रांतात असलेल्या माखुनिक गावाला 'लिलिपुट गाव' म्हणून ओळखले जाते. येथील जुन्या घरांची लहान रचना आणि पूर्वीच्या रहिवाशांची कमी उंची यामुळे हे गाव प्रसिद्ध आहे.
Ans: पूर्वीच्या पिढ्यांमधील लोकांची उंची तुलनेने कमी असल्यामुळे त्यांच्या गरजेनुसार घरांचे दरवाजे साधारण ३ ते साडे३ फूट उंचीचे बांधण्यात आले होते.
Ans: होय. पोषण, आहार आणि राहणीमानात सुधारणा झाल्यामुळे सध्याच्या पिढीतील बहुतांश लोकांची उंची सामान्य झाली आहे. मात्र, गावातील अनेक जुनी लहान घरे आजही अस्तित्वात आहेत.
.png "Videos"){kind=small}
