आज भावाची पार्टी! रांचीत दारूच्या दुकानात माकडाची सरप्राईज एंट्री, बाटलीतून दारू पिऊन थेट दुकानातच घेतलं झोपून… Video Viral

Monkey Viral Video : काय सांगता! माकडालाही लागली दारुची चटक. वाईन शाॅपमध्ये घुसून माकडाने अख्खी बाॅटले केली रिकामी, नंतर दुकानाचा एक कोपरा पकडला आणि म्हणाला, जरा वेळ इथेच घेतो वामकुक्षी.

• रांचीतील वाईन शॉपमध्ये माकडाने गटागट प्यायली दारू
• बाटली रिकामी केल्यानंतर दुकानातच लागली झोप
• रेस्क्यू टीमने माकडाला सुरक्षितपणे दुकानाबाहेर काढले

झारखंडची राजधानी रांची येथून एक हैराण करणारी घटना समोर येत आहे. या घटनेवर विश्वास ठेवणे थोडे कठीण आहे पण सत्यात ही घटना घडली आहे. आपण आजवर माणसांना मद्यपान करताना पाहिलं आहे पण माकडालाही मद्यपानाची चटक लागल्याचे तुम्ही कधी पाहिलं आहे का? रांचीतील एका वाईन शाॅपमध्ये अचानक माकडाने धुडगूस घातला आणि अख्खी वाईनची एक बाटलीच त्याने गटकून टाकली. इतक्या प्रमाणात मद्यपानाचे सेवन केल्यानंतर माकडाला झोप लागली आणि त्याने दुकानातच वामकुक्षी घेण्याचा निर्णय घेतला. हे प्रकरण सध्या सोशल मिडियावर चांगलंच चर्चेत असून याचा व्हिडिओ इंटरनेटवर चांगलाच व्हायरल होत आहे.

बाईक की मिनी बस? एकाच गाडीवर डझनभर मुलांना बसवून बाईकस्वाराचा जीवघेणा प्रवास; Video Viral

नक्की काय घडलं?

रांचीतील या विलक्षण आणि गमतीशीर घटनेला पाहून अनेकांना आश्चर्य तर काहींना हसू अनावर झालं. रांची जिल्ह्यातील ओरमांझी येथील ब्लॉक चौकात शुक्रवारी ही घटना घडली. वाईन शाॅपला पाहताच अन्नाच्या शोधात असलेले माकड या दुकानात शिरले. आपल्या पोटाचा खळगा भरण्यासाठी त्याने बाॅटल तोंडाला लावली आणि मद्यपानाची संपूर्ण बाॅटल रिकामी करुन टाकली. यानंतर माकड दुकानातील एका कोपऱ्यात शांतपण झोपून गेले. दुकानातील मालक आणि कर्मचाऱ्याने जेव्हा माकडाला झोपल्याचे पाहिले तेव्हा त्यांना संशय आला. आजूबाजूला तपासणी करता वाईनची एक बाॅटल रिकामी असल्याचे त्यांना दिसले ज्यातून सर्व घटना उघडकीस आली.

VERY UNUSUAL! A monkey entered a wine 🍷shop in Ranchi’s Ormanjhi, allegedly drank alcohol from a bottle and then fell asleep inside the shop 😴 A rescue team arrived and safely removed the unexpected customer. 🐒 pic.twitter.com/Z6xs3vVNGb — Megh Updates 🚨™ (@MeghUpdates) September 26, 2026

आयटीवाल्यांना येईल कॉम्प्लेक्स! मुंबईत फिरून चहा विकणारा भाऊ करतोय महिन्याला ३० हजारांची बचत, नुकतीच काढलीये ‘व्हॅकेन्सी’

रेस्क्यू टीमने केली मदत

नशेत बेधुंद होऊन झोपलेल्या माकडाला दुकानाबाहेर काढण्यासाठी रेस्क्यू टीमची मदत घेण्यात आली. वन विभागाच्या बचाव पथकाला कळवण्यात त्यांनी माकडाला कोणतीही इजा न करता आपल्या ताब्यात घेतले. माकडाला दुकानातून सुरक्षितपणे बाहेर काढल्यानंतर पथक त्याला आपल्यासोबत सुरक्षित ठिकाणी घेऊन गेले. दरम्यान या घटनेचा व्हिडिओ @MeghUpdates नावाच्या एक्स अकाऊंटवर शेअर करण्यात आला आहे. व्हिडिओ सोशल मिडियावर व्हायरल होत असून अनेक यूजर्सने घटनेवर आपले मत व्यक्त केले आहे. एका यूजरने म्हटले की, “त्याची गर्लफ्रेंड गेल्याच्या दु:खात त्याने जास्त प्यायली असेल”, दुसऱ्या युजरने लिहिले आहे, “शेवटी दारुची चटक माकडालाही लागली”, आणखी एका यूजरने लिहिले आहे, “त्याला भूक लागली असेल ज्यामुळे समोर भेटलं त्याने ते पिलं”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.